विश्वकै ठूलो त्रिशूल भएको स्थानमा महायज्ञ
घोराही । दाङस्थित विश्वकै ठूलो भनिएको त्रिशूल भएको स्थानमा महायज्ञ लाग्ने भएको छ । धार्मिक पर्यटनको हिसाबले निकै चर्चित बनेको घोराही उपमहानगरपालिका–५ धर्नामा रहेको धारापानी धाममा महायज्ञ लाग्ने भएको हो ।
यहाँ भक्तजनको घुइँचो बढ्न थालेपछि पाण्डवेश्वर मन्दिर धारपानीको पूर्वाधार विकास र बृहत् आध्यात्मिक पर्यापर्यटकीय केन्द्र स्थापनार्थ महायज्ञको आयोजना गर्न थालिएको मन्दिर व्यवस्थापन समितीका अध्यक्ष गणेशकुमार अधिकारीले जानकारी दिए ।
स्वधर्म र स्व संस्कृतिको संरक्षण र विकासका लागि आधुनिक गौशाला निर्माण गर्ने, गुरुकूलको माध्यमबाट आफ्नो प्राचीन संस्कृतिको जगेर्ना तथा वेद वेदाङ्गको पठनपाठन गराउने, पाण्डवेश्वर धार्मिक वनभित्र तपोयोगको विशिष्टता प्रवद्र्धन गर्न ध्यान केन्द्रको स्थापना गराउने, सिङ्गो दाङ उपत्यकालाई राष्ट्रिय तथा अन्तर्राष्ट्रिय रूपमा चिनाउनका लागि महायज्ञ आयोजना गरिएको अध्यक्ष अधिकारीले बताए ।
यस्तै मन्दिरसम्म पुग्नका लागि बबई नदीमा ड्याम निर्माण गरेर ढुङ्गा तरेर मन्दिर पुग्ने, मन्दिरदेखि माथि अग्लो पहाडमा रहेको भगवतीको मन्दिरसम्म पुग्नका लागि पाँच हजार सिडीसहितको बाटो बनाउनेलगायतका योजना पनि मन्दिर व्यवस्थापन समितिले अगाडि बढाएको छ ।
पछिल्लो समय भक्तजनले सानातिना धेरै पूर्वाधार निर्माण गरेपछि त्यसको एकीकृत व्यवस्थापनका लागि भए पनि मन्दिरलाई रकम आवश्यक परेको उनले जानकारी दिए ।
“हामीले केही समय अघि करीब रु ९० करोडको गुरुयोजना तयार गरेका छौँ,” उनले भने, “गुरुयोजना पूरा गर्नका लागि प्रदेश सरकारबाट रु दुई करोड विनियोजन भएको छ । अन्य रकम हामी आफैँले जुटाउनुपर्ने छ ।” मन्दिरले थालेको दश वर्षीय गुरुयोजनालाई पूरा गर्नको लागि महायज्ञबाट थोरै भए पनि सहयोग मिल्ने उनले आशा व्यक्त गरे ।
उनले महायज्ञको मुख्य उद्देश्य भने पाण्डवेश्वर महादेव मन्दिरको प्रचारप्रसार गर्न र यहाँ पाँचलाख पर्यटक तथा भक्तजन सहभागी गराउने रहेको जानकारी दिए ।
उनले धारपानीलाई जिल्लाका अन्य धार्मिक पीठसँग जोड्ने सर्किटको रुपमा विकास गर्नका लागि पनि महायज्ञ गर्न लागिएको महायज्ञ निर्देशक अमरबहादुर डाँगीले बताए ।
उनले धारापानीलाई देउखुरीको बागरबाबा, धारपानी, गोरक्ष रत्ननाथ मन्दिर हुँदै प्युठानको स्वर्गद्वारी जोड्ने सर्किट बनाउने आफूहरुको योजना रहेको पनि बताए ।
विश्वकै अग्लो त्रिशूल राखिएको पाण्डवेश्वर महादेव मन्दिर धारपानीमा आयोजना हुन लागेको महायज्ञमा वाचन प्रवीण पण्डित दीनबन्धु पोखरेलले श्रीमद्भागवत सप्ताहको कथा वाचन गर्नेछन् ।
महायज्ञ आउँदो फागुन ११ गतेदेखि १८ गतेसम्म सञ्चालन हुने महायज्ञ मूल आयोजक समितिले जनाएको छ ।
Comments
अरु समाचार
-
जुवातास खेलाउने अभियुक्तलाई सामान्य धरौटीमा छुटाउने खेल, अभियुक्तले किर्ते नागरिकता समेत लिएको खुलासा
काठमाडौं । नेपाल प्रहरीको उपत्यका अपराध अनुसन्धान कार्यालय टेकुको गत असोज ४ गते काठमाडौं महानगरपालिका वडा नं ६ बौद्वको फुलवारी...
-
त्रिविविद्वारा एआई प्रयोगमा प्रतिबन्ध
काठमाडौं । त्रिभुवन विश्वविद्यालय (त्रिविवि)ले विश्वविद्यालयद्वारा सञ्चालित जुनसुकै तहको परीक्षामा ‘आर्टिफिसियल इन्टेलिजेन्स’ (एआई)को प्रयोग गरेको पाइएमा परीक्षा रद्द हुने जनाएको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
न्युजिल्यान्डका वैज्ञानिकहरूले पत्ता लगाए घोस्ट ‘स्पुकफिस’
काठमाडौं । न्युजिल्यान्डका वैज्ञानिकहरूले मङ्गलबार ‘घोस्ट सार्क’ को नयाँ प्रजाति पत्ता लगाएका छन् । यो माछाको एक प्रकार हो र...
-
आगलागीबाट ३५ लाख बराबरको क्षति
काठमाडौं । यहाँको मेलौली नगरपालिका–६ लामालेक बजारमा आगलागी हुँदा रु ३५ लाख बराबरको क्षति भएको छ । लामालेक बजारमा रामदत्त...
-
चाडपर्वलाई सुरक्षित बनाउन प्रहरी प्रधान कार्यालयले निर्देशन
काठमाडौं । चाडपर्वलाई सुरक्षित बनाउन प्रहरी प्रधान कार्यालयले निर्देशन दिएको छ । निमित्त प्रहरी महानिरीक्षक (प्रहरी अतिरिक्त महानिरीक्षक) टेकप्रसाद राईले...
-
विपन्न तथा ज्येष्ठ नागरिकलाई उपचारमा २० प्रतिशत छुट
काठमाडौं । बाजुरा जिल्लाको पूर्वी उत्तरी भेगको बूढीनन्दा नगरपालिकामा रहेको कोल्टी आधारभूत अस्पतालले नगरपालिका क्षेत्रभित्रका नागरिकको उपचारमा २० प्रतिशत छुट...
-
गर्मीका कारण कञ्चनरुप नगरपालिका विद्यालयमा बिदा
काठमाडौं । तराई–मधेसमा अत्यधिक गर्मी बढेसँगै सप्तरीको कञ्चनरुप नगरपालिका अन्तर्गतका विद्यालयमा बिदा दिइएको छ । नगरपालिकाले सूचना जारी गर्दै आजदेखि...