नेम्वाङले प्रचण्डलाई भने:विपक्षीले पनि नेकपाको एकता चाहेका छन्, दुई अध्यक्ष मिल्नुस्
काठमाडौं । नेकपाका अध्यक्ष पुष्पकमल दाहाल प्रचण्ड र पार्टी संसदीय दलका उपनेता सुवास नेम्वाङबीच खुमलटारमा भेटवार्ता भएको छ ।
प्रधानमन्त्री केपी शर्मा ओली र पार्टी अध्यक्ष प्रचण्ड मिलाउन दौडधुप गरिरहेका नेम्वाङले आइतबार पनि एकताका लागि दुई अध्यक्ष मिल्नुको विकल्प नरहेकोमा जोड दिएको बाह्रखरीलाई बताए ।
“अध्यक्ष प्रचण्डकै बोलावटमा म बिहान साढे आठबजेतिर खुमलटार पुगेको थिएँ । मैले दुई अध्यक्ष मिल्नकै लागि जोड दिएँ,” नेम्वाङले भने, “तपाईंहरूले नै पार्टी एकता गर्नुभएको हो । जोगाउने दायित्व पनि तपाईंहरूकै हो भनेर भन ।” अहिलेको सन्दर्भमा पार्टीका तलदेखि माथिसम्मका नेता–कार्यकर्ताले एकता चाहेको र प्रमुख प्रतिपक्षीलगायत विपक्षीले पनि नेकपा एकताबद्ध नै रहोस् भन्ने चाहेकाले दुई अध्यक्षले त्यो भावना बुझ्नुपर्ने नेम्वाङको जोड थियो ।
“नेकपाभित्र विवाद देखापर्दा प्रणालीमाथि नै प्रश्न उठाउने प्रयास भइरहेको छ । यस्तो अवस्थामा मिल्नुपर्दैन भनेर प्रश्न गरेँ,” नेम्वाङ भन्छन् । कुराकानीका क्रममा प्रचण्ड सकारात्मक रहेको पाएको उनको भनाइ थियो । पार्टी मिल्नु, मिलाउनुपर्छ भन्नेमा आफू प्रस्ट सकारात्मक रहेको जवाफ दिएको नेम्वाङ बताउँछन् ।
प्रधानमन्त्री ओली पनि एकता बचाउन सकारात्मक रहेकाले आफू आशावादी रहेको उनको भनाइ थियो । आजको बैठकचाहिँ कमानसिंह लामाको निधनप्रति शोक प्रस्ताव पारित गर्दै टुङ्ग्याउने तयारी रहेको उनले सुनाए । लामाको गत मङ्सिर २४ गते निधन भएको थियो ।
Comments
अरु समाचार
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
प्रधानमन्त्री ओली र मोदीबीच आज भेट वार्ता हुँदै
काठमाडौं । संयुक्त राष्ट्रसंघको ७९ औं महासभामा भाग लिन संयुक्त राज्य अमेरिकामा रहेका प्रधानमन्त्री केपी शर्मा ओलीले आज विभिन्न राष्ट्रका...
-
प्रधानमन्त्री ओली र राष्ट्रसंघका महासचिव गुटेरेसबीच भेटवार्ता
न्युयोर्क । प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबिच भेटवार्ता भएको छ। संयुक्त राष्ट्रसङ्घको ७९औँ महासभामा सहभागी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...