गोप्य सूचना राष्ट्र बैंककै उच्च अधिकारीहरुले मिडियामा चुहाउँछन् – अर्थमन्त्री शर्मा
काठमाडौँ । अर्थमन्त्री जनार्दन शर्माले अछामका पृथ्वीबहादुर शाहका खातामा अमेरिकाबाट आएको करोडौं रकम फुक्का गरिदिन राष्ट्र बैंकको सञ्चालक समितिकै एक सदस्यले बार्गेनिङ गरेको आफूले सूचना पाएको खुलासा गरेका छन्।
नेपाल राष्ट्र बैंकले शुक्रबार आयोजना गरेको ‘नेशनल कन्फ्रेन्स अन इकोनमिक्स एण्ड फाइनान्स’ विषयक कार्यक्रममा बोल्दै मन्त्री शर्माले अछामका पृथ्वीबहादुर शाहका खातामा अमेरिकाबाट आएको करोडौं रकम फुक्का गरिदिन राष्ट्र बैंकको सञ्चालक समितिमा रहेकै एक सदस्यले ३० हजार डलर माग गरेको सूचना पाएको बताएका हुन्। तर आधिकारिक कुरा आफूलाई थाहा नभएको उनको भनाइ थियो।
अर्थमन्त्री शर्माले राष्ट्र बैंकका गोप्य सूचनाहरु राष्ट्र बैंककै उच्च अधिकारीहरुले मिडियामा चुहाउने गरेको आरोप लगाए। ‘कुनै नागरिकले समस्या परेर निवेदन दियो के रहेछ हेरिदिनुस् भन्दा मिडिया खोजेर गोप्य कुराहरु किन पुर्याइन्छ?’, उनले प्रश्न गरे, ‘यस्ता कुराले अनुशासन हुँदैन। रिपोर्ट गर्नुपर्ने सूचना रिपोर्ट नहुने तर गोप्य कुराहरु मिडियामा दिने काम हुन्छ।’
अर्थमन्त्री शर्माले राष्ट्र बैंकमा बदमासी भइराखेकोसमेत बताए। उनले पछिल्लो १५ दिनमा बैंकहरुमा एलसी कतिले खोले त्यसको एकिन रेकर्ड दिन माग गरे।
‘राष्ट्र बैंक अर्थ मन्त्रालयको सल्लाहकार हो भन्ने सुनेको छु। हो पनि। कसैले मलाई फोन गर्छ, यहाँ अर्थतन्त्रमा ठूलो समस्या भयो भन्छ। के रे शेयर किन्ने पैसामा क्याप लाइसक्यो। ४/१२ गराइयो। किन गराएको भन्ने प्रश्न सोध्छ। अनि म गभर्नर साबलाई सोध्छु। के हो यो, के गर्नु भएको हो, के भन्ने हो मैले जवाफ, मैले सल्लाहकारलाई सोध्नु त पर्यो नि, सोध्न अन्त कहाँ जाने?’, उनले भने, ‘कहिलेकाहीँ बैंकको ब्याज बढ्छ। कति बढ्यो ब्याज भनेर सोध्नुप¥यो। कहिलेकाहीँ कोही आउँछ र निवेदन दिन्छ। त्यो निवेदन के रहेछ, हेरिदिनु पर्यो भनेपछि मिडियालाई बुझाइन्छ। हस्तक्षेप ग¥यो अर्थमन्त्रीले भन्ने छ। ऐन–कानुनले चल्ने हो। मन्त्री होस् वा कुनै संस्था होस्। कोही सम्बोधन गर्न आयो नदिने। मेरो बैंक खाता रोकियो भन्दा त्यो के हो बुझिदिनुस् भन्दा ठूलो विषय बनाएर मिडिया खोजेर गोप्य कुराहरु त्यहाँ पुर्याइन्छ किन?’
अर्थमन्त्री शर्माले नेपाल र श्रीलंकाबीच तुलना हुन नसक्ने बताए। श्रीलंका र नेपालको ऋणको, उत्पादन क्षेत्र, विदेशी लगानी र ऋण सहायताको कुरालाई हेर्दा समेत तुलना हुने कुरा नभएको उनको भनाइ छ।
मन्त्री शर्माले अहिले केही मानिसहरुले नेपाललाई श्रीलंका बनाउन खोजे पनि आफूले उनीहरुको सपना पूरा गर्न नदिने बताए। उनले सरकारले धेरै छुट दिएकाले विलाशिताका सामानको आयात बढ्दा विदेशी मुद्रा सञ्चितिमा दबाब परेको जानकारी दिए।
मुलुकमै अथाह सम्भावना भए पनि उत्पादन बढाउने नीति बन्न नसकेको उनको भनाइ थियो। सरकारले बनाएका नीतिमै समस्या रहेको औंल्याउदै अर्थमन्त्री शर्माले बनाएका नीति कार्यान्वयन क्षेत्रमा समस्या तथा नीतिको दुरुपयोग वा भष्टाचार भएर यस्तो भयो भन्ने कुरा अनुसन्धान गर्नुपर्नेमा जोड दिए।
‘अहिलेको डलर सञ्चिती साढे ६ महिनालाई पुग्ने छ। योभन्दा तल नझरोस् भनेर हामी सर्तक हुनुपर्छ’, उनले भने, ‘किन बढ्दै गयो भन्दा विलाशिताका सामानमा हामीले छुट दियौं धेरै। हाम्रा स्याउहरु जुम्ला र मुगुमा कुहिएर फालियो। हामीले स्याउ आयातमा प्रोत्साहित गरौं। हाम्रो गल्ती त्यहाँ भएको छ। हाम्रा आलु दरदराजमा त्यतिकै फ्याँकिएका छन्। तिनलाई बजारमा पुर्याउने सोच बनाएनौं। त्यहाँका उत्पादनलाई बजारसँग जोड्ने नीति बनाएनौं। त्यसकारणले हामीले आलु बाहिरबाट ल्याउन प्रोत्साहन दियौं। हामीसँग उत्पादनको लागि सबै कुरा छ तर हाम्रो नीतिमा कतै कमजोरी भयो। हाम्रो नीतिमा कतै गडबढी भयो। कार्यान्वयन क्षेत्रमा समस्या आयो। नीतिको दुरुपयोग भयो वा भष्टाचार भयो। खोज्नु पर्ने यहाँ छ।’
मन्त्री शर्माले मुलुकको अर्थतन्त्रमा रुस र युक्रेनबीचको युद्धको कारण थप समस्या आएको स्वीकार गरे। नेपालको अर्थतन्त्रमा पछिल्लो समय अत्यधिक पेट्रोलियम पदार्थको आयात, अनावश्यक विलासिताका बस्तु आयात, चाहिनेभन्दा बढी गाडी आयात गरेकाले समस्या आएको उनको भनाइ छ।
‘नेपालको अहिलेको आर्थिक अवस्थाको बारेमा विभिन्न ढङ्गले छलफल र बहसहरु गरिरहेका छौं’, उनले भने, ‘हामीले आफ्नो स्रोतसाधनको उपयोग कसरी गर्ने भन्ने आएको छ। त्यसको सदुपयोग पहिला सुशासनबाट हुन्छ। पारदर्शिताबाट सुरु हुन्छ। आफ्ना जिम्मेवारीबाट सुरु हुन्छ। यस्ता कुराले पनि अर्थतन्त्रमा प्रभाव पार्छ। हाम्रा स्रोतसाधनको भरपुर प्रयोग गर्ने हो।’
अर्थमन्त्री शर्माले प्रविधिले नेपालको अर्थतन्त्रमा पुर्याएको चुनौतीको सामना गर्न तयार हुनुपर्ने बताए। क्रिप्टोकरेन्सी र हाइपर फण्डबारे आफूलाई खासै जानकारी नभएको उल्लेख गर्दै उनले भने, ‘प्रविधिको विकास भइराख्छ। प्रविधिको विकासले आउने चुनौतीबाट हामीले डराउने होइन। त्यसले मानव सभ्यता र समाजलाई सकारात्मक प्रभाव दिन्छ। सकारात्मक र नकारात्मक सँगसँगै आउँछ।’
अर्थमन्त्री शर्माले सरकारले पछिल्लो समय अर्थतन्त्रमा देखिएका नयाँ चुनौतीलाई समाधान गर्ने गरी सरकारले नयाँ प्रविधिको विकास गर्न जरुरी रहेको बताए।
Comments
अरु समाचार
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
सुनको मूल्य हालसम्मकै उच्च
काठमाडौं । स्थानीय बजारमा आज सुनको मूल्यले पुनः नयाँ कीर्तिमान कायम गरेको छ । लगातार वृद्धि हुँदै आएको सुनको मूल्यमा...
-
मुटुरोग विशेषज्ञको अन्तर्राष्ट्रिय सम्मेलन चितवनमा
चितवन । मुटुरोग विशेषज्ञको अन्तर्राष्ट्रिय सम्मेलन चितवनमा जारी छ । राष्ट्रिय मुटु तथा फोक्सो समाज (नेशनल हर्ट एण्ड लङ्गस सोसाइटी...
-
अमेरिकी डलर, यूरो र पाउन्डको मूल्य घट्यो
अमेरिकी डलर, यूरो र पाउन्डको मूल्य घट्यो काठमाडौँ । शुक्रबारको तुलनामा शनिबार अमेरिकी डलरका साथै यूरो र पाउन्ड स्ट्रलिङको मूल्यमा...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
आज सुनको मूल्य बढ्यो
काठमाडौं । लगातार ओरालो लागेको सुनको मूल्य आज भने पुनःउकालो लागेको छ । नेपाल सुनचाँदी व्यवसायी महासङ्घका अनुसार सुन तोलामा...
-
उपल्लो मुस्ताङको पर्यटन विकासमा अर्धनिषेधित क्षेत्रको तगारो, करोडौँ लगानीका होटल सुनसान
म्याग्दी, ४ असोजः मुस्ताङको लोमान्थाङ गाउँपालिका–५ मा रहेको न्युतारा होटलका सञ्चालक निमा विष्ट व्यवसाय छाडेर विदेश पलायन हुनुभएको छ ।...
-
घट्न थाल्यो सुनको मूल्य
काठमाडौं । नेपाली बजारमा बहुमूल्य पहेलो धातु (सुन)को मूल्यल उच्च कीर्तिमान कायम गरेर फेरी घट्न थालेको छ । केहीदिन पहिलासम्म...
-
राष्ट्रिय गौरवका आयोजनासम्बन्धी छुट्टै कानुन ल्याउन सांसदद्वारा माग
काठमाडौं । राष्ट्रियसभाका सांसदहरुले राष्ट्रिय गौरवका आयोजनासम्बन्धी छुट्टै कानुन ल्याउन सरकारको ध्यानाकर्षण गराएका छन् । राष्ट्रियसभा, सङ्घीयता सबलीकरण तथा राष्ट्रिय...