चीनको सिनिङमा नेपाली पत्रकार टोलीको जमघट, चिनियाँ चाडको अनुभव बटुल्दै
काठमाडौं । चीनमा आगामी मंगलबार मध्य शरद पर्व मनाईंदैछ । चन्द्र महोत्सव वा मुन केक महोत्सवको नामले समेत चिनिने परम्परागत पर्वलाई चिनियाँ संस्कृतिमा फसल अर्थात अनाज चाड पनि भनिन्छ ।
आइतवारदेखि चीनको पश्चिम भेगस्थित छिङहाइ प्रान्तको भ्रमणमा रहेको नेपाली लेखक तथा सञ्चारकर्मीहरुको टोली प्रान्तीय राजधानी सिनिङमा उक्त चाडको पूर्वार्धमा आयोजित विभिन्न कार्यक्रममा सहभागी भएको छ । स्थानीय चोङह्वा लेनस्थित १० हजार वासिन्दाको बृहत सेवा केन्द्रमा आयोजित अन्तरक्रिया कार्यक्रममा सहभागीे नेपाली पाहुना टोलीले केक बनाउने,पेपर कटिङ,परम्परागत लेखन,चित्र प्रदर्शनीलगायत कार्यक्रम उत्सुकतापूर्वक अवलोकन गरेको छ ।
त्यसअघि टोलीले छिङहाई जातीय विश्वविद्यालय भ्रमण गरेको थियो । प्राध्यापक छियान चियाङ्कोेले ‘दूरका मित्र नभेटेसम्म आनन्द आउँदैन’ भन्ने कन्फुसियसको भनाई उल्लेख गर्दै नेपाली टोलीको स्वागत गरेका थिए । उक्त औपचारिक कार्यक्रममा नेपाली प्रतिनिधिमण्डलका सदस्य र विश्वविद्यालयका पदाधिकारीहरुबीच भाषा सिकाइ,शैक्षिक अवसर र प्राज्ञिक आदानप्रदानलगायत विभिन्न विषयमा कुराकानी भएको थियो ।
छिङहाई मिन्चु विश्वविद्यालय र तोङह्वा विज्ञान तथा प्रविधि विश्वविद्यालयको संयुक्त पहलमा त्रिभुवन विश्वविद्यालयमा सन् २०२२ देखि कन्फुसियस इन्ष्टिच्युट सन्चालित छ । त्यसका लागि सन् २०१६ मा छिङहाई विश्वविद्यालयका पदाधिकारीहरुले नेपाल भ्रमण गर्दै सो क्रममा विभिन्न अन्तरर्वार्ता, आदानप्रदान,अनुसन्धान र द्विपक्षीय सहयोगबारे छलफल गरेका थिए । अहिले त्यहाँ भएको लेखक तथा पत्रकारहरुको यो भ्रमणलाई पनि सोही आदानप्रदानको एउटा अंशको रुपमा लिइएको छ।
टोली प्रमुख तथा जनआस्था मिडिया हाउसका अध्यक्ष किशोर श्रेष्ठले नेपालको कन्फुसियस इन्ष्टिच्युटबाट नेपाली सञ्चारकर्मीहरुले चिनियाँ भाषा अध्ययनमार्फत ठूलो लाभ लिन सक्ने जानकारी दिएका छन् । उनले भने,‘नेपालमा चिनियाँ भाषा शिक्षा र कन्फुसियस इन्ष्टिच्युटलाई थप विस्तार गर्दै दुई मुलुकबीच राज्य र जनस्तरमा कायम रहेको सञ्चारको परम्परागत माध्यमलाई फराकिलो बनाउन सकिन्छ ।’
छिङहाई विश्वविद्यालयको अन्तर्राष्ट्रिय शैक्षिक कलेजका निर्देशक चाङ हाइयुनले नेपाली टोली प्रमुख श्रेष्ठको भनाईमा जोड दिँदै त्यसमा चिनियाँ पक्ष तयार रहेको बताए । उनका अनुसार इन्ष्टिच्युटले सन् २०२३ मा सञ्चालन गरेको १५ अनलाइन तथा अफलाइन कक्षामा सात सय बढी विद्यार्थी सहभागी भएका थिए । सोही अवधिमा पछिल्लो दशकमा भएका नेपाली र चिनियाँ कला प्रदर्शनी र चिनियाँ चलचित्र सप्ताहबाट प्राप्त उपलब्धीसम्बन्धी सांस्कृतिक गतिविधि सञ्चालन गरिएको जानकारी दिइयो । टोलीको सम्मानमा प्रान्तीय बिदेश बिभाग प्रमुख वाङ्गले हिजो र आज ह्वाङ्ग्नान काउन्टीका पार्टी प्रचार बिभाग प्रमुख सोङ्गले रात्रीभोज आयोजना गरेका थिए ।
Comments
अरु समाचार
-
फिफाको पछिल्लो वरीयतामा नेपाल एक स्थान तल झर्यो
काठमाडौं । फिफाको पछिल्लो वरीयतामा नेपाल एक स्थान तल झरेको छ । फिफाले बिहीबार सार्वजनिक गरेको नयाँ वरियतामा नेपाल १७६औँ...
-
चाडपर्व लक्षित सुपथ मूल्य पसल आजदेखि सञ्चालनमा
काठमाडौं । सरकारले आम उपभोक्तालाई सहुलियत दरमा दैनिक उपभोग्य वस्तु उपलब्ध गराउने उद्देश्यले आजदेखि चाडपर्व लक्षित सुपथ मूल्य पसल सञ्चालनमा...
-
थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न
बैंकक । थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न भएको छ । बैठक हुवाहिन शाखामा भखरै सम्पन्न...
-
भक्तपुरमा वीर अस्पताल निर्माण गर्ने विषयमा छलफल
काठमाडौं । भक्तपुरको दुवाकोटमा अत्याधुनिक वीर अस्पताल निर्माण प्रक्रिया अघि बढाउन अर्थ र स्वास्थ्य मन्त्रालयका उच्च पदस्थ अधिकारीबीच छलफल भएको...
-
एमालेको अधिवेशनमा प्यानल बनाउन नपाइने, ११औँ महाधिवेशनसम्ममा १० लाख सदस्यता पुर्याउने
काठमाडौं । नेपाल कम्युनिष्ट पार्टी (एमाले)ले पार्टीको अधिवेशनको निर्वाचनमा प्यानल बनाउन नपाइने व्यवस्था लागू गरेको छ । पार्टी महासचिव शङ्कर...
-
आजदेखि धरहरा सञ्चालन, अनलाइन टिकट भोलिदेखि
काठमाण्डौ । आजदेखि धरहरा सञ्चालन हुने भएको छ । शहरी विकास मन्त्रालयको शहरी विकास तथा भवन विभागअन्तर्गतको केन्द्रीय आयोजना कार्यान्वयन...
-
आईसीसी विश्वकप लिग–२ : नेपाल ओमनसँग पराजित
काठमाडौं । आईसीसी विश्वकप लिग–२ प्रतियोगितामा नेपाल ओमनसँग एक विकेटले पराजित भएको छ । नेपालले दिएको दुई सय २० रनको...
-
संविधान दिवस २०८१ आज हर्षोल्लासका साथ मनाइँदै
काठमाडौँ । संविधान दिवस तथा राष्ट्रिय दिवस २०८१ आज स्वदेश तथा विदेशमा विभिन्न कार्यक्रम गरी हर्षोल्लासका साथ मनाइँदैछ । नेपाल...
-
आजको राशिफलः २०८१ असोज ३ गते बिहीवार
मेष: टाढाका साथीभाइको निम्तो प्राप्त हुने समय छ। अवसरको खोजीमा केही दौडधुप भने गर्नुपर्ला। चुनौती पन्छाउँदै रोकिएका काम सम्पादन गर्न...