सहिद सप्ताह शुरू
काठमाडौं, १० माघ । विभिन्न राजनीतिक आन्दोलनका क्रममा आफ्नो जीवनको बलिदानी गरेका सहिदको सम्झनामा सोमबारदेखि सहिद सप्ताह सुरु भएको छ। विक्रम संवत १९९७ माघ १० गते अर्थात् आजकै दिन सहिद शुक्रराज शास्त्रीले मुलुकमा प्रजातन्त्र प्राप्तिका लागि गरेको आन्दोलनको क्रममा टेकुस्थित पचलीमा जीवनको बलिदानी दिएका थिए।
उनलाई तत्कालिन जहानियाँ राणा शासकले रुखमा झुण्डाएर मृत्युदण्ड दिएका थिए। यस्तै माघ १३ गते काठमाडौंको सिफलमा धर्मभक्त माथेमालाई र माघ १५ गते दशरथ चन्द ठाकुर तथा गंगालाल श्रेष्ठलाई शोभाभगवतीमा गोली हानी मृत्युदण्ड दिइएको थियो। सहिदहरुको सोही बलिदानीको स्मरणमा हरेक वर्ष माघ १० गतेदेखि सहिद सप्ताह मनाएर माघ १६ गते सहिद दिवस मनाउने गरिन्छ।
यसैबीच सहिद सप्ताहको अवसरमा काठमाडौं महानगरपालिकाले टेकुस्थित पचलीमा कार्यक्रमको आयोजना गरेको छ। कार्यक्रमलाई सम्बोधन गर्दै काठमाडौं महानगरपालिकाका प्रमुख कार्यकारी अधिकृत रूद्रसिंह तामाङले विगतमा सहिदहरुले गरेको त्याग र बलिादन अनुसार मुलुकको राजनीति अघि बढ्न नसकेको बताए।
उनले मुलुक परिवर्तनका लागि जीवन बलिदानी दिने सहिदहरुको त्यागमा आम नेपालीको स्वतन्त्रता साटिए पनि दलहरुले त्यसको सम्मान गर्न नसकेको टिप्पणी गरे। प्रमुख कार्यकारी अधिकृत तामाङले मुलकमा बढ्दो राजनीतिक संक्रमणकालले सहिदहरुको सम्मान हुन नसक्ने स्पष्ट पारे।
कार्यकारी प्रमुख तामाङले पछिल्लो समय राजनीतिक परिवर्तनका नाममा सहिदहरु थपिने क्रम जारी रहेपनि वास्तविक रुपमा मुलुकलाई योगदान नगरेकाहरु पनि सूचीकृत भएको बताए। उनले मुलुकलाई योगदान गरेको भन्दा पनि राजनीतिक आस्थाका आधारमा विभिन्न घटनामा मृत्यु भएकाहरुलाई सहिद घोषणा गर्ने प्रचलन गलत भएको टिप्पणी गरे।
कार्यकारी प्रमुख तामाङले लामो समयदेखि जनप्रतिनिधि बिहिन भएका स्थानिय निकायमा जनताको सेवा प्रभावकारी नभएको बताए। कार्यक्रममा उपस्थित सर्वसाधारणले सहिद शुक्रराज शास्त्रीको तस्विरमा माल्यार्पण गरेर सम्मान व्यक्त गरेका थिए।
Comments
अरु समाचार
-
एमाले पश्चिम नवलपरासीको ९ औं अधिवेशन आजदेखि
रुपन्देही । नेकपा एमाले पश्चिम नवलपरासीको ९ औं अधिवेशन शुक्रबार आजदेखि सुरु हुँदैछ । शुक्रबार र शनिबार हुने अधिवेशन उद्घाटनका...
-
आजको राशिफलः २०८१ वैशाख २१ गते शुक्रवार
मेष: नयाँ अवसरका साथै आम्दानीका स्रोत फेला पर्नेछन्। श्रमको उचित मूल्यांकन हुनेछ। पढाइमा ध्यान केन्द्रित हुनाले प्रगति हुनेछ। प्रतीक्षित नतिजाले...
-
सामाजिक सञ्जालमा सर्वाधिक रुचाइएका भेलुबाजेको निधन
बुटवल । सामाजिक सञ्जाल टिकटकमा सर्वाधिक रुचाइएका प्यूठानका मिन बहादुर बुढामगर (भेलुबाजे)को निधन भएको छ। बिहीबार उपचारका क्रममा जिल्ला अस्पताल...
-
एमाले जुम्लाको अध्यक्षमा महत
काठमाडौं । नेपाल कम्युनिष्ट पार्टी (एमाले) जुम्लाको अध्यक्षमा शान्तिलाल महत निर्वाचित हुनुभएको छ । महत एक सय ९४ मतसहित विजयी...
-
नेपालसामु जितका लागि २१० रनको लक्ष्य
काठमाडौं । वेस्ट इन्डिज ‘ए’ले टी–ट्वान्टी शृङ्खलाको चौथो खेलमा नेपाललाई जितका लागि दुई सय १० रनको चुनौती दिएको छ ।...
-
नाबालिका हत्या आरोपमा छिमेकी आमाछोरी पक्राउ
काठमाडौं । नाबालिका हत्यामा संलग्न रहेको आरोपमा प्रहरीले सिराहा नगरपालिका–१९ जरुवा लक्ष्मीनियाँ टोलका आमाछोरीलाई पक्राउ गरी कर्तव्य ज्यानसम्बन्धी मुद्दा चलाएको...
-
अग्निपीडितलाई आर्थिक सहयोग
काठमाडौं । जिल्लाको रोशी गाउँपालिका–४ सानोपोटा गाउँका अग्निपीडितलाई आर्थिक एवं भौतिक सहयोग गरिएको छ । उक्त गाउँका १५ परिवारलाई जिल्ला...
-
सुनको मूल्य तोलामा रु दुई हजारले वृद्धि
काठमाडौं । स्थानीय बजारमा पहेँलो धातुको मूल्य तोलामा रु दुई हजारले वृद्धि भएको छ । नेपाल सुनचाँदी व्यवसायी महासङ्घका अनुसार...
-
मादी नदीमा धमाधम पुल निर्माण हुँदै
काठमाडौं । मुग्लिन–पोखरा सडकखण्ड अन्तर्गत तनहुँको व्यास नगरपालिका–४ र ५ जोड्ने मादी नदीमा धमाधम पुल निर्माण भइरहेको छ ।सवारी साधन...