ताजा समाचार

प्रहरीमाथि आक्रमण गर्दै मधेशी मोर्चाः बाह्य आडबाट आक्रमण प्रयास

समाज
- न्युज–नेपाल संवाददाता
       

काठमाडौं । मधेसी मोर्चाका कार्यकर्ता नेपाल प्रहरीबिरुद्ध योजनावद्ध रुपमा उत्रन थालेका छन् । सप्तरी घटनापछि मोर्चाका कार्यकर्ता र नेताले बाँकेमा त्यस्तै रवैया देखाएको प्रहरी अधिकारीहरुको बुझाइ छ । मोर्चा र प्रहरीबीच भएको झडपमा प्रहरीले २ राउण्ड हवाइ फायर गरेको छ। बाँकेको गुनानामा प्रहरीमाथि मोर्चाका कार्यकर्ताले ढुंगामुढा गरेर आक्रमण गरेपछि प्रहरीले सुरूमा अश्रुग्यास र पछि भीडलाई नियन्त्रण गर्न २ राउण्ड हवाइ फायर गरेको बाँकेका प्रहरी उपरीक्षक वीरेन्द्र बस्यालले बताए । घटनामा कोही घाइते नभएको र २ जनालाई पक्राउ गरिएको बस्यालले जानकारी दिए। प्रहरी र मोर्चाका कार्यकर्ताबीच नेकपा एमालेको सभास्थलदेखि १५ किमि पश्चिममा झडप भएको हो। अहिले अवस्था सामान्य रहेको छ । तर, मोर्चाका कार्यकर्ता र नेताहरु हातहतियारसहित आक्रमणमा आउने भन्दै प्रहरी चनाखो भएर बसेको छ ।

Comments

प्रकाशित मिति : 2017-03-14

अरु समाचार

© NewsNepal 2018 - All Right Reserved.
newsnepal.com 2017.hlon.org