ताजा समाचार

सगरमाथामा एक अमेरिकी आरोहीको मृत्यु, एक भारतीय वेपत्ता

समाचार
- रासस
       

सोलुखुम्बु, ८ जेठ । सगरमाथा आरोहणका क्रममा ५० वर्षका अमेरिकी नागरिक रोल्याण्ड एयर उडको ज्यान गएको छ। चिकित्सकसमेत रहेका उडको ८ हजार ४ सय मिटरको उचाइमा ज्यान गएको सोलुखुम्बुका प्रहरी नायब उपरीक्षक माधब बुढाथोकीले जानकारी दिए । उनीसँगै यस वर्ष सगरमाथामा ज्यान गुमाउनेको सङ्ख्या तीन पुगेको छ ।

यसअघि नेपाली नागरिक मीनबहादुर शेरचनको आधार शिविरमा ज्यान गएको थियो भने स्वीस नागरिक युली स्टेकको पनि आधार शिविरमै ज्यान गएको थियो । आरोहण सकेर फर्कदै गरेका एक भारतीय नागरिक पनि शनिबारदेखि हराइरहेका नेपाल सरकारको तर्फबाट सगरमाथा आधार शिविर सम्पर्क अधिकृत ज्ञानेन्द्र श्रेष्ठले जानकारी दिए ।

सम्पर्क अधिकृत श्रेष्ठका अनुसार यस वर्ष आइतबारसम्ममा १२० भन्दा बढी आरोही शिखरमा पुगेका छन् । आरोहणका लागि कुल ३७४ जनाले अनुमति लिएकोमा आइतबारसम्म १२० जना शिखरमा पुगेका हुन् ।

Comments

प्रकाशित मिति : 2017-05-22

अरु समाचार

© NewsNepal 2018 - All Right Reserved.
newsnepal.com 2017.hlon.org