के देउवा मंगलबार प्रधानमन्त्री बन्लान ? यी हुन् देउवालाई समर्थन दलहरु
काठमाडौं, २१ जेठ । काँग्रेस सभापति शेरबहादुर देउवा मुलुकको ४० औं प्रधानमन्त्री बन्ने तरखरमा छन् । प्रधानमन्त्री पुष्पकमल दाहाल प्रचण्डले राजीनामा दिएपछि देउवाको प्रधानमन्त्री बन्ने बाटो खुलेको हो । यसअघि तीन पटक प्रधानमन्त्री भईसकेका देउवा गणतन्त्र आएपछि भने पहिलो पटक प्रधानमन्त्री बन्न लागेका हुन् । उनी प्रधानमन्त्री बन्नमा अहिले एमाले बाधक बनिरहेको छ ।
एमालेले देउवालाई कुनैपनि हालतमा प्रधानमन्त्री बन्न नदिने मनसाय बनाएको छ । त्यसैअनुसार एमालेले सदन अबरुद्ध गर्दै आईरहेको छ । खाने मुखलाई जुंगाले छेक्दैन्, भनेजस्तै देउवालाई प्रधानमन्त्री बन्न एमालेले रोक्न सक्दैन् । अहिले वर्तमान सरकारसँग सत्तागठबन्धन बनाएको काँग्रेसले देउवालाई प्रधानमन्त्री बनाउन यहि गठबन्धन प्रयाप्त छ । आजको लागि तोकिएका प्रधानमन्त्री निर्वाचनको समय मंगलबारको लागि सरेको छ ।
एमालेले संसद बैठक अवरोध गर्ने बताएपछि संसद बैठक मंगलबार विहान ११ बजेसम्मको लागि सारिएको हो । आज विहान ११ बजे बोलाईएको बैठकमा एमालेले अवरोध गर्ने बताएपछि बैठक स्थगित गरेर शीर्ष नेताहरुको बैठक बोलाईएको थियो । शीर्ष नेताहरुको बैठकमा पनि सहमति हुन नसकेपछि मंगलबारको लागि धकेलिएको छ ।
देउवालाई क-कसको समर्थन छ ?
देउवा प्रधानमन्त्री बनेको हेर्न चाहनेहरु मधेशवादी दलहरुदेखि लिएर राप्रपासम्म रहेका छन् । उपेन्द्र यादव नेतृत्वको संघीय समाजवादी फोरम नेपाल, कमल थापा नेतृत्वको राप्रपा त्यस्तै राजपाले पनि समर्थन गर्ने निर्णय गरिसकेका छन् । कमल थापा नेतृत्वको राप्रपाले भने सरकारमा नै सहभागी हुने बताएको छ भने अन्य राजपा र समाजवादी फोरमले देउवालाई समर्थन गर्ने तर सरकारमा सहभागी नहुने बताएको छ ।
त्यस्तै देउवालाई विजय गच्छदार नेतृत्वको फोरम लोकतान्त्रिक, कुमार खड्का नेतृत्वको अखण्ड नेपाल पार्टीको समथर्न रहेको छ । त्यस्तै वर्तमान सरकारमा विज्ञान तथा प्रविधि मन्त्री रहेका प्रेमबहादुर सिंहको समाजवादी जनता पार्टी र वातावरणमन्त्री रहेका जयदेव जोशीको नेकपा संयुक्तको समर्थन रहेको छ ।
यस्तो छ अंकगणितीय तथ्यः
आइतबार मात्रै ३७ सांसद रहेको राप्रपा,१५ सांसद रहेको उपेन्द्र यादव नेतृत्वको संघीय समाजबादी फोरम र २५ जना सांसद रहेको राजपा नेपालले देउवालाई समर्थन गर्ने निर्णय गरेका छन् । यी तीन दलको समर्थनसँगै देउवाको समर्थन दुई तिहाई नजिक पुगेको छ । हाल संसदमा रहेको सांसद संख्या ५९७ मा दुई तिहाइका लागि ३९८ सांसद आवाश्यक पर्छ ।
देउवाले यो विचमा १० जना अरु सांसदको समर्थन जुटाउन सके उनी दुई तिहाइ सांसदको समर्थनमा प्रधानमन्त्री बन्न सक्छन् । यसअघि नेपाली कांग्रेस, माओवादी केन्द्र लगायतको पुरानो गठबन्धनमा ३११ जना सांसद रहेका थिए । देउवालाई सरकार गठन गर्न चाहिने बहुमत सांसद संख्या २९७ आवाश्यक रहेपनि प्रधानमन्त्रीका लागि हुने निर्वाचनमा समर्थन गर्ने दलको संख्यासँगै सांसद संख्या पनि बढ्दै गएको हो ।
विपक्षको यस्तो छः
अहिलेसम्म देउवाको विपक्षामा देखिएका मध्ये नेकपा एमालेसहित १९८ सांसद छन् । जसमा एमाले १८१, माले ५, नेमकिपा ४, जनमोर्चा ३, परिवार दल २, बहुजन शक्ति १ बौद्धिक जनपरिषद नेपाल १ र मधेस समता पार्टी १ रहेका छन् ।
Comments
अरु समाचार
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
प्रधानमन्त्री ओली र मोदीबीच आज भेट वार्ता हुँदै
काठमाडौं । संयुक्त राष्ट्रसंघको ७९ औं महासभामा भाग लिन संयुक्त राज्य अमेरिकामा रहेका प्रधानमन्त्री केपी शर्मा ओलीले आज विभिन्न राष्ट्रका...
-
प्रधानमन्त्री ओली र राष्ट्रसंघका महासचिव गुटेरेसबीच भेटवार्ता
न्युयोर्क । प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबिच भेटवार्ता भएको छ। संयुक्त राष्ट्रसङ्घको ७९औँ महासभामा सहभागी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...