ताजा समाचार

काठमाडौंबाट काँकडभिट्टा जाँदै गरेको बस धादिङमा दुर्घटना, दुईको मृत्यु, १० जना घाइते

समाचार
-
       

धादिङ, ५ साउन । धादिङमा यात्रुबाहक बस दुर्घटना हुँदा २ जनाको ज्यान गएको छ । काठमाडौंबाट काँकडभिट्टा जाँदै गरेको यात्रुबाहक बस दुर्घटना हुँदा १० जना घाइते भएका छन् । बेनिघाट रोराङ गाउँपालिका–५ स्थित विशालटारमा सडकबाट २० मिटर तल खसेर दुर्घटना भएको जिल्ला प्रहरी कार्यालय धादिङले जनाएको छ । दुर्घटनामा परी दुवै जनाको घटनास्थलमै ज्यान गएको थियो । काठमाडौंबाट काँकडभिट्टाका लागी छुटेको ना. ६ ख २२९३ बस दुर्घटनामा परेको हो ।

दुर्घटनामा परी ज्यान गुमाउनेमा बस चालक झापा शिवसतासी गाउँपालिका–६ का कमल ढुंगाना र सोही स्थानका सह–चालक नवराज सिवाकोटी रहेका छन् । दुर्घटनामा परी घाईते भएकाहरुको स्थानीय मलेखु अस्पतालमा सामान्य उपचारपछि काठमाडौं लगिएको छ । उनीहरुको अवस्था खतरामुक्त रहेको प्रहरीले जनाएको छ ।

Comments

प्रकाशित मिति : 2017-07-20

अरु समाचार

© NewsNepal 2018 - All Right Reserved.
newsnepal.com 2017.hlon.org