एमाले महाधिवेशनः महासचिवमा शंकर कि सुरेन्द्र, सम्भावना यस्तो छ !

Breaking News

- न्यूज नेपाल

काठमाडाैं । एमालेको ११ औं महाधिवेशनबाट महासचिवमा सुरेन्द्र पाण्डे निर्वाचित हुने सम्भावना बढ्दै गएको छ ।

महासचिव पदका कारण अध्यक्षका उम्मेदवार केपी ओलीको प्यानलमा नै ठूलो संकट सिर्जना भएपछि ईश्वर पोखरेल पक्षले आफूतर्फ नेता, प्रतिनिधिलाई आकर्षित गरिरहेको छ ।

शंकर पोखरेललाई महासचिव चयन गर्न ओलीले ठूलो बल लगाएपछि प्रदीप ज्ञवालीदेखि अन्य नेताहरु रुष्ट बनेका थिए । जसोतसो ओलीले फकाएपनि उनीहरुले आन्तरिक रुपमा पाण्डेलाई मत दिन निर्देशन दिएको स्रोतको दाबी छ ।

ओली पक्षले मतदानका निम्ति नामसहितको पत्र नै बाँडेपनि पाण्डेको पक्षमा उभिएका प्रतिनिधि र नेताहरुको संख्या बढि रहेको देखिन्छ ।

ओलीको एकलाैटी तोड्नकै लागि भएपनि पोखरेललाई पराजित गर्ने गरि काम अघि बढेको स्रोतको दाबी छ । उसोतः पाण्डे बलियो उम्मेदवार हुन भने कुनैबेला महासचिवमा ओलीविरुद्ध अध्यक्षका उम्मेदवार रहेका ईश्वर पोखरेलसंग झिनो मतान्तरले महासचिवमै पराजित हुन पुगेका थिए । पाण्डे अहिले एमाले उपाध्यक्ष थिए भने उनले महासचिवका निम्ति देखाएको लोभमा समेत नेताहरु खुशी देखिएका छन् ।

ओली पक्षलाई पाण्डेलाई महासचिवमा जिताएमात्रै पनि ठूलो सन्देश दिन सकिने भन्दै नेताहरुले यसको तयारी गरिरहेका छन् ।