यि हुन्, वाम गठबन्धनले टुंगो लगाउन नसकेका ५ जिल्ला, कहाँ के विवाद ?
काठमाडौं, १२ कात्तिक । नेकमा एमाले र माओवादीबीचको वाम गठबन्धनमा अझै पाँच जिल्लाको विवाद टुंगिन बाँकी रहेको छ । नेकपा एमाले–माओवादीको वाम गठबन्धनले ७२ जिल्लाको प्रत्यक्षतर्फको उम्मेदवारी टुङ्ग्याएका छन् । बाँकी ५ जिल्लामा अझै सहमति जुट्न सकेको छैन ।
आइतवारसम्म सल्यान, चितवन, झापा, उदयपुर र सुनसरी जिल्लामा टिकट कस्ले पाउने भन्ने टुंगो लाग्न बाँकी रहेको वाम गठबन्धन सम्बद्ध दलहरुले जनाएका छन् । दुवै पार्टीका नेताहरुको समान रुपमा दावी गरेका कारण अन्तिम टुंगो लगाउन बाँकी रहेको छ । दुवै पार्टीले सबै क्षेत्रमा आ-आफ्नो दावी नछोडेपछि अन्तिम टुंगो लगाउन वाम गठबन्धनलाई कठिनाई भएको हो ।
के कारणले अड्कियोः
झापामा एमालेलाई पाँचवटै क्षेत्र चाहिनेः
झापाका एमालेले पाँचवटै क्षेत्रमा दावी गरिरहेको छ । तर माओवादी केन्द्रले भने आफ्ना नेता राम कार्कीका लागि एक क्षेत्र छुट्टयाउन आग्रह गरिरहेको छ। अन्तिममा झापा २ माओवादी केन्द्रलाई छाड्ने गरी छलफल भइरहेको माओवादीका एक नेताले जानकारी दिए।
सुनसरीका सबै क्षेत्रमा पनि एमालेकै दावीः
सुनसरीमा पनि एमालेले सबैक्षेत्र आफुले पाउनुपर्ने दावी गर्दै आएको छ । वामपन्थीहरुको वलियो पकड रहेको सुनसरी क्षेत्र नम्बर १ मा एमाले र माओवादी केन्द्र दुवैले दावी गरेपछि सहमति जुट्न नसकेको हो। एमाले सुनसरीका पाँच वटै सिट दावी गरिरहेको छ। तर माओवादीले भने आफ्नो पनि दावी प्रस्तुत गर्दा विवाद उत्पन्न भएको हो ।
उदयपुरः माओवादीले झापा नपाए उदयपुर माग्दा विवादः
झापा नपाउने स्थिति बनेमा नेता कार्कीलाई उदयपुरबाट उठाउने माओवादी केन्द्रको तयारी रहेको बुझिएको छ । तर उदयपुरमा पनि एमालेले आफ्नो दावी कायम राखेको छ। झापाको विवाद समाधान भएसँगै उदयपुरको टिकट टुंगो लाग्ने नेताहरुले बताएका छन् ।
चितवनमा बादल र एमाले जिल्ला अध्यक्ष दुवैको दावीः
चितवन–२ मा बरिष्ठ नेता रामबहादुर थापा ‘बादल’ लाई प्रतिस्पर्धा गराउने माओवादी केन्द्रको तयारी छ । तर एमाले जिल्ला अध्यक्ष समेत रहेका कृष्णभक्त पोखरेल पनि सोही क्षेत्रमा प्रतिस्पर्धा गर्ने मनसायमा छन् । दुवै पक्षले आ–आफ्नो प्रतिष्ठाको विषय बनाएकाले यो क्षेत्रमा सहमति जुट्न नसकेको हो ।
सल्यान बन्यो दुवै दलको टाउँको दुखाईः
वाम गठबन्धनको लागि सल्यान टाउँको दुखाईको विषय बनेको छ । एकमात्र निर्वाचन क्षेत्र रहेको सल्यानमा एमाले र माओवादीका दुई नेताले सशक्त रुपमा आफ्नो दावी गरेका छन् । एमाले पोलिटव्यूरो सदस्य प्रकाश ज्वाला र माओवादी केन्द्रका टेकबहादुर बस्नेतले आ आफ्नो दावी गरेपछि सल्यानमा टुंगो लगाउन समस्या देखिएको हो । उनीहरु दुवै सल्यान छोड्न मानिरहेका छैनन् । जसले गर्दा वाम गठबन्धनलाई सल्यानको समस्या समाधान गर्न फलामको चिउरा चपाउनुसरह भईरहेको छ ।
Comments
अरु समाचार
-
‘‘संविधानको पूर्ण कार्यान्वयन भए जनताको निराशा हटनेछ’’: मन्त्री गुरुङ
काठमाडौं । संविधान कार्यान्वयनका नौ वर्षलाई हेर्दा निराश हुनुपर्ने अवस्था छैन । विश्वका अन्य देशमा नयाँ संविधान बनिसकेपछिको अभ्याससँग तुलना...
-
संवैधानिक स्वतन्त्रताको उपभोग गरेर भविष्य सुरक्षित गर्नुपर्नेमा प्रधानमन्त्रीको जोड
काठमाडौं। प्रधानमन्त्री केपी शर्मा ओलीले संविधानले दिएको स्वतन्त्रताको उपभोग गरेर भविष्य सुरक्षित गर्नुपर्ने बताएका छन् । संविधान दिवसका अवसरमा आज...
-
संविधानको मर्मअनुरुप काम गर्नुपर्छः मुख्यमन्त्री कार्की
काठमाडौं । कोशी प्रदेशका मुख्यमन्त्री हिक्मतकुमार कार्कीले संविधानको मर्मअनुरुप कार्यसम्पादन गर्नुपर्नेमा जोड दिएका छन् । साथै उनले मुलुकलाई सामाजिक न्यायसहित...
-
जम्मू–कश्मीर विधानसभा चुनावमा ५९.१९ प्रतिशत मतदान
दिल्ली । जम्मू–कश्मीरमा बुधबार भएको विधानसभा चुनावको पहिलो चरणमा साँझ पाँच बजेसम्म ५९ दशमलव १९ प्रतिशत मतदान भएको छ ।...
-
संविधान दिवस २०८१ आज हर्षोल्लासका साथ मनाइँदै
काठमाडौँ । संविधान दिवस तथा राष्ट्रिय दिवस २०८१ आज स्वदेश तथा विदेशमा विभिन्न कार्यक्रम गरी हर्षोल्लासका साथ मनाइँदैछ । नेपाल...
-
दुर्गा प्रसाईंलाई पक्राउ गर्न प्रहरीलाई अदालतले दियो अनुमति
काठमाडौं । बी एन्ड सी मेडिकल कलेज झापाका सञ्चालक दुर्गा प्रसाईंविरुद्ध पक्राउ पुर्जी जारी भएको छ । बुधबार काठमाडौं जिल्ला...
-
वनमन्त्री शाहीसँग कतारका राजदूतको शिष्टाचार भेट
काठमाडौं । वन तथा वातावरण मन्त्री ऐनबहादुर शाही ठकुरीसँग नेपालका लागि कतारका राजदूत मिशाल मोहमद अल अन्सारीले शिष्टाचार भेट भएको...
-
एसइई नतिजामा उल्लेख्य सुधार ल्याउन नीतिगत पहल सुरु भइसकेको छ: प्रधानमन्त्री ओली
काठमाडौं। प्रधानमन्त्री केपी शर्मा ओलीले आउँदो कक्षा १० को माध्यमिक शिक्षा परीक्षा (एसइई)को नतिजालाई लगभग ७० प्रतिशतसम्म पुर्याउन नीतिगत पहल...
-
कोशीका मुख्यमन्त्री कार्कीले आज विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आज प्रदेशसभामा विश्वासको मत लिने भएका छन् । विश्वासको मत प्रयोजनका लागि दिउँसो...