नेपाल भित्रिन लागेको यौन उत्तेजक औषधी भियग्रा भन्सार गेटबाट बरामद

प्रदेश

नेपालगञ्ज, ३ पुस । सशस्त्र प्रहरीले प्रतिबन्धित यौन उत्तेजनक औषधी भियग्रा बरामद गरेको छ । आफुलाई उच्च तथा मध्यम बर्गमा राख्न चाहने नेपालीहरुले प्रयोग गर्ने गरेको अति यौन उत्तेजक औषधी भियग्रा नेपालगञ्ज भन्सार गेटमा बरामद गरेको हो ।

आइतबार भारतको रुपैडिहाबाट नेपालको जमुनहा नाका हुँदै नेपालगञ्ज भन्सार गेटबाट नेपालगञ्जतर्फ आइरहेको रिक्सामा चेक जाँचको क्रममा विभिन्न २४ किसिमका अति यौन उत्तेजक औषधीहरु सशस्त्र प्रहरीले बरामद गरेको हो ।

नेपालगञ्ज भन्सार कार्यालयमा राजश्व गस्तिको रुपमा खटिएको शसस्त्रको टोलीले रिक्सामा ल्याइरहेको सामान चेक–जाँचको क्रममा उक्त अति यौन उत्तेजक औषधीहरु बरामद गरेको हो ।

नेपालमा भियग्रा सुगर रोगका कारण यौन उत्तेजना नहुने, शारिरीक रुपमा बुढेसकाल लागे पनि मनमा यौन उत्तेजना भइराख्ने ब्यक्ती देखी, अन्य शारीरिक हार्मोनको लगायतका बिभिन्न कारणले यौन उत्तेजनामा कमि हुने गरेका ब्यक्तीले प्रयोग गर्दै आएको पाईन्छ । नेपालमा प्रतिबन्धित औषधी पक्राउ सम्वन्धी सोमबार सशस्त्र प्रहरीको भन्सार टोलीले पत्रकार सम्मेलन गरेर सार्वजनिक गरेको हो ।