कालीकोटमा म्यादी प्रहरीमाथि प्रहरीले गोली चलायो, एक जनाको मृत्यु, दुर्इ घाइते

प्रदेश

कालीकोट । कालीकोटमा म्यादी प्रहरी र प्रहरीबीच झडप हुँदा एक जनाको ज्यान गएको छ । म्यादी प्रहरीले तलव कटाइएको भन्दै जिल्ला प्रहरी कार्यालय अगाडि प्रदर्शन गरिरहेका बेला प्रहरी र म्यादीबीच झडप हुँदा प्रहरीले गोली चलाएको थियो ।

प्रदर्शनले उग्र रुप लिँदा प्रहरीले लठ्ठी चार्ज र अश्रु ग्यास प्रहार गरेको थियो । त्यसपछि पनि स्थिति नियन्त्रणमा नआउँदा प्रहरीले गोली चलाएको जनाईएको छ ।

प्रहरीले चलाएको गोली लागि सान्नी त्रिवेणी गाउँपालिका तिकुवा निवासी विवेक ऐडीको ज्यान गएको प्रमुख जिल्ला अधिकारी बद्रीनाथ गैह्रेले जानकारी दिए । उनी म्यादी हुन या त अरु भन्ने बुझिएको छैन । गोली लागेपछि एेडीलार्इ जिल्ला अस्पताल पु¥याइएको थियो ।

विदाई भएका म्यादी प्रहरीले जिल्ला प्रहरी कार्यालयमा ढुंगामुढा गरेपछि झडप भएको प्रमुख जिल्ला अधिकारी गैह्रेले बताए । झडपमा अरू पनि घाइते भएको प्रत्यक्षदर्शी बताएका छन् । म्यादी प्रहरीले ढुंगामुढा गरेपछि प्रहरीका तर्फबाट अन्दाधुन्द गोली प्रहार भएको थियो ।