प्रदेश १ को मुख्यमन्त्री छान्न एमालेभित्र आज चुनाव, तीन जनाको भिडन्त रोचक बन्ने
विराटनगर, २६ माघ । प्रदेश १ मा एमालेको संसदीय दलको नेता छान्न आज चुनाव हुँदैछ । नेताहरुबीच सहमति हुन नसकेपछि आज चुनाव हुन लागेको हो । तीनजना नेताहरु भीम आचार्य, शेरधन राई र जीवन घिमिरे संसदीय दलको नेताको दाबीका साथ मैदान उत्रिएका छन् । विधान अनुसार जो संसदीय दलको नेता हुन्छ त्यही सो प्रदेशका मुख्यमन्त्री पनि हुन्छ । यी तीनै नेता मुख्यमन्त्रीको दाबीका साथ मैदानमा उत्रिएपछि संसदीय दलको नेता छान्न सकस देखिएको हो । संसदीय दलको नेता नै मुख्यमन्त्रीको उम्मेदवार हुने भएकाले तीनैजना नेताहरु आन्तरिक लविङमा जुटेका छन् ।
एमाले भित्र देखिएको गुटगत राजनीतिले मनोनयन दर्ता गर्ने समय बिहान ११ बजेसम्म कुन मोड लिन्छ यसै भन्न सकिने अबस्था छैन । आचार्य र घिमिरे नेपाल पक्षका तथा राई ओली पक्षमा हुन् । ओली पक्षका नेता भानुभक्त ढकाल राईलाई मुख्यमन्त्री बनाउन केही दिनदेखि बिराटनगरमा नै बसेका छन् ।
नेपाल गुटका योगेश भट्टराई पनि विराटनगरमा आएर आचार्यको पक्षमा लविङ गरेका छन् । तर जीवन घिमिरेको पक्षमा भने अहिलेसम्म कोही पनि त्यसरी खुलेरै लागेको देखिँदैन । चुनावको बेलासम्म घिमिरेले आफ्नो नाम फिर्ता लिन सक्ने सम्भावना बलियो रहेको बताईन्छ । तर घिमिरे आफू चुनावमै जाने दाबी गर्दै आएका छन् । घिमिरेले आफ्नो नाम फिर्ता लिएपनि कसलाई समर्थन गर्ने भन्नेमा अझै खुल्न सकेका छैनन् ।
केन्द्रीय नेताहरुले आफ्ना निकटका नेताहरुलाई समाएर बस्दा १ नम्बर प्रदेशमा मुख्य मन्त्री छान्ने बिषय पेचिलो बनेको हो । शेरधन राईलाई जिताउनको लागि जीवन घिमिरेलाई गोटीको रुपमा अघि सारिएको केही नेताहरु बताउँछन् । १ नम्बर प्रदेशमा नेपाल निकटका ३१ जना रहेको बताईरहँदा तीनैजना चुनावमा जाँदा राईको पक्षमा मत बढ्ने आँकलनले घिमिरेलाई गोटीको रुपमा अघि सारिएको हुनसक्ने एमाले श्रोत बताउँछ ।
माओवादी संसदीय दलको नेतामा टंक आङबुहाङः
प्रदेश १ को समितिको निर्णय अनुसार माओवादी केन्द्रले १ नम्बर प्रदेश संसदीय दलको नेतामा ताप्लेजुङका प्रदेश सभा सदस्य टंक आङबुहाङलाई छानेको हो । क्यानका पूर्व अध्यक्ष समेत रहेका आङ्बुहाङ अन्तरिम संसदका सदस्य समेत रहेका थिए । त्यस्तै माओवादी केन्द्रले ईन्द्रवहादुर आङ्बोको नेतृत्वमा प्रदेश सरकार जाने निर्णय गरेको छ ।
संसदीय दलको नेता र सरकारमा जाने ब्यक्तिको टुङ्गो लागेसँगै उपसभामुखको बिषयमा माओवादीले टुंग्याउन सकेको छैन । एमालेले सभामुखमा पुरुष दियो भने उसले महिला दिने तयारी गरेको छ भने एमालेले सभामुखमा महिला दिँदा माओवादी केन्द्रले उपसभामुखमा पुरुष दिनेगरी आन्तरिक गृहकार्य गरेको छ । यसरी हेर्दा एमालेले सभामुखको टुंगो नलगाउँदा सम्म माओवादीले उपसभामुखको टुंगो लगाउन नसक्ने देखिएको छ ।
Comments
अरु समाचार
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...
-
विदेशी मुद्रा विनिमय दर कति ? युरो र पाउण्डको मूल्य बढ्यो
काठमाडौँ : बिहीबारको तुलनामा आज शुक्रबार अमेरिकी डलरको मूल्यमा गिरावट आएको छ भने युरो र पाउण्ड स्ट्रलिङको मूल्य बढेको छ...
-
राष्ट्रसंघ महासभाको अधिवेशनमा भाग लिन प्रधानमन्त्री न्यूयोर्क जाँदै
काठमाडौँ । प्रधानमन्त्री केपी शर्मा ओली संयुक्त राज्य अमेरिकाको न्यूयोर्कस्थित संयुक्त राष्ट्रसङ्घको मुख्यालयमा भइरहेको संयुक्त राष्ट्रसङ्घ महासभाको ७९औँ अधिवेशनमा भाग...
-
‘‘संविधानको पूर्ण कार्यान्वयन भए जनताको निराशा हटनेछ’’: मन्त्री गुरुङ
काठमाडौं । संविधान कार्यान्वयनका नौ वर्षलाई हेर्दा निराश हुनुपर्ने अवस्था छैन । विश्वका अन्य देशमा नयाँ संविधान बनिसकेपछिको अभ्याससँग तुलना...
-
संवैधानिक स्वतन्त्रताको उपभोग गरेर भविष्य सुरक्षित गर्नुपर्नेमा प्रधानमन्त्रीको जोड
काठमाडौं। प्रधानमन्त्री केपी शर्मा ओलीले संविधानले दिएको स्वतन्त्रताको उपभोग गरेर भविष्य सुरक्षित गर्नुपर्ने बताएका छन् । संविधान दिवसका अवसरमा आज...
-
संविधानको मर्मअनुरुप काम गर्नुपर्छः मुख्यमन्त्री कार्की
काठमाडौं । कोशी प्रदेशका मुख्यमन्त्री हिक्मतकुमार कार्कीले संविधानको मर्मअनुरुप कार्यसम्पादन गर्नुपर्नेमा जोड दिएका छन् । साथै उनले मुलुकलाई सामाजिक न्यायसहित...
-
जम्मू–कश्मीर विधानसभा चुनावमा ५९.१९ प्रतिशत मतदान
दिल्ली । जम्मू–कश्मीरमा बुधबार भएको विधानसभा चुनावको पहिलो चरणमा साँझ पाँच बजेसम्म ५९ दशमलव १९ प्रतिशत मतदान भएको छ ।...