जनकपुर,२४ फागुन। महिला दिवसको शुभकामना दिदै प्रदेश २ का मुख्यमन्त्री लालबाबु राउतले महिला हिंसा रोक्न कडा कानून बनाउने तयारी गरेको बताएका छन् ।
मुख्यमन्त्री राउतले प्रदेश सरकारले महिला हिंसा अन्त्य गर्नका लागि निकट भविष्यमै कडा कानून निर्माण गर्ने बताएका छन् ।
प्रदेश सरकारले महिलाहरुको समाजिक सुरक्षाको प्रत्याभूति र बालबालिकाको शिक्षाका लागि सरकारले विशेष प्याकेज ल्याउने समेत बताएका छन्
मुख्यमन्त्री राउतले महिलाहरुले पाउँदै गएको सफलतालाई संस्थागत गर्दै आगामी दिनमा पनि महिलाहरुको सशक्तिकरण, रोजगारी र शिक्षामा प्राथमिकता प्रदेश सरकार दिने प्रतिबद्धता समेत व्यक्त गरेका छन् ।
