‘गोरे’ को परिवारै सुन तस्करीमा
काठमाडौँ। ‘म त अब गोरे आउने बितिक्कै ऊसँग डिभोर्स गर्छु। बरु तिम्रो गोरेसित सम्पर्क भयो भने मलाई पनि नम्बर देऊ है।’
३३ किलो सुनकाण्डसित जोडिएको सनम शाक्य हत्या प्रकरणका मुख्य अभियुक्त बनाइएका चुडामणि उप्रेति ‘गोरे’की श्रीमती निरु भनिने नर्वदा खरेललाई सनमकी श्रीमती सुनीता लावतीले मेरो श्रीमान् खै भनी सोध्दा आएको जवाफ हो यो।
अदालतमा दायर अभियोग पत्रमा सुनीताले दिएको बयान अनुसार आफ्नो श्रीमानलाई प्रहरीले पक्राउ गरेको खबर सुनेपछि निरुलाई फोन गर्दा उनले यस्तो जवाफ दिएकी हुन्। तर निरु सनम हत्याबारे बेखबर भने थिइनन्। सुनीताले फोन गरेको अघिल्लो दिन अर्थात् फागुन १८ गते नै सनमको हत्या भइसकेको निरुलाई थाहा थियो
सनमको हत्या भएको खबर उनकै श्रीमान् गोरेले सुनाएका थिए। निरु र गोरेको पटक पटक फोन सम्पर्क भएको थियो।३३ किलो सुन प्रकरण र आफ्ना श्रीमानको कालो धन्दाबारे पनि उनी अनभिज्ञ भने थिइनन्। निरु गोरेको कुकर्म ढाकछोप गर्न र तस्करसँग सेटिङ मिलाउन पनि लागेकी थिइन् भन्ने प्रतिवादी मोहन काफ्लेको बयानमा खुलेको छ।
सनमको हत्या भइसकेपछि मोहनले निरुसँग गोरेको मोबाइलबाट कुरा गरेका थिए। बयानमा काफ्लेले भनेका छन्, ‘नर्वदा खरेलसँग फोनमा बोल्न भनी गोरेले फोन दियो। गफ गर्दा उनले साह्रै टेन्सन भयो भनिन्। मैले टेन्सन हुने काम गरेपछि यस्तै हुन्छ भन्दा गोरेले फोन खोस्यो।‘झापाको कमला गाउँपालिका घर भएकी निरु गोरेसँग विवाह गरेपछि मोरङको उर्लाबारी पुगेकी थिइन्। निरुले २०६९ सालदेखि गोरेको सुन तस्करीमा साथ दिएको प्रहरीले जिल्ला अदालत मोरङमा बुझाएको अभियोगपत्रमा उल्लेख गरिएको छ। उनलाई सुनको लगानीकर्ताको आरोप लगाइएको छ।
निरु पहिरनको कारोबार गर्छिन्। उनले आफ्नी भाइबुहारीसँग काठमाडौँको टोखामा गाजलु द बुटिक खोलेकी छिन्। पाँच दिदीबहिनीमध्ये माहिली निरुले आफ्नै बहिनीलाई देवर रमेश उप्रेतीसित बिहे गराइदिएकी थिइन्। बहिनी बुटिककी डाइरेक्टर र मेकअप आर्टिस्टसमेत हुन्।गोरेका भाइ पनि सुन तस्करीमागोरेका बुबा नेत्रप्रसाद उप्रेती प्रहरीमा जागिरे थिए। तर बाबुको पेशामा छोराहरू भने रमाउन सकेनन्। गोरेले बाबुको दबाबमा भारतीय आर्मीबाट जागिरे जीवन त थाले तर त्यहाँ उनी टिक्न सकेनन्।
आर्मीमा लागेको एक वर्षपछि नै उनी भागेर खाडी मुलुक कुवेत पुगे। त्यहाँदेखि उनको सुन तस्करीको व्यापार सुरु भयो। गोरे आफू मात्र होइन भाइलाई समेत तस्करीको पार्टनर बनाए।
दुबईमा रहेका गोरेका भाइ रमेश उप्रेतीले तस्करीको सुन बोकाएर नेपाल पठाउने गरेको आरोप अभियोगपत्रमा छ। ३३ केजी सुन हराएको जानकारी रमेशलाई पहिले नै थियो। गोरेले फोनमार्फत् हराएको सुन खोजी भइरहेकोसमेत उनलाई जानकारी दिएका थिए। सनमको हत्या भएको दिन गोरेले सबैभन्दा पहिलो जानकारी दिने व्यक्ति उनै रमेश भएको अभियोगपत्रमा प्रतिवादीहरुको बयानबाट खुल्छ।
सनमको हत्याको जिम्मा टेकराज मल्ल ठकुरी, मोहन काफ्ले र नरेन्द्र कार्कीलाई लिन लगाउने र दाइ ‘गोरे’लाई बचाउने उनै रमेशको योजना थियो। रमेशले प्रहरीले पक्राउ गरेपछि केस मिलाउने र उनीहरूको परिवारलाई ५० लाख रुपैयाँ दिने आश्वासनसमेत दिएका थिए।
‘जे जस्तो भइगयो, तिमी र टेकराज मल्ल ठकुरी मिलेर प्रहरीसमक्ष आत्मसमर्पण गर। हामी तिमीहरूलाई हेर्छौ,‘ सनमको हत्यापछि रमेशले फोनमा आफूलाई भनेको मोहन काफ्लेले बयान दिएका छन्।
३३ केजी सुन हराएपछि खोज्न लागि भन्दै रमेश भारतको सिलगुढी समेत पुगेका थिए।गोरेकी ‘गल्ला’ उनकै प्रेमिकागोरेले आफ्नो परिवारका सदस्य मात्र होइन ‘प्रेमिका’लाई समेत सुन तस्करीमा गल्ला (सम्पति राख्न दिने) बनाएका थिए। भोजपुर घर भई हाल गौरीघाटमा बस्दै आएकी रक्षा भण्डारी गोरेकी प्रेमिका भएको अनुसन्धानमा संलग्न स्रोत बताउँछ।
गोरेले अवैधरुपमा विमानस्थलबाट भित्र्याएको सुन उनकै कोठामा लगेर राख्ने गरेको समेत खुलेको हो। सुन तस्करीमा लागेपछि रक्षाको जीवनस्तर नै बदलिएको छ।ससुराली खलकलाई पनि छोडेनन् गोरेलेश्रीमती, भाइ र प्रेमिकालाई मात्र होइन गोरेले ससुरालीलाई पनि सुन तस्करीमा संलग्न गराएको देखिएको छ। ६३ जनालाई प्रतिवादी बनाएको अभियोग पत्रमा गोरेका काका ससुरासमेत रहेका छन्।
प्रतिवादी बनाएर अदालतमा मुद्दा दायर भए पनि फरार रहेका अर्जुनप्रसाद खरेल गोरेका काका ससुरा हुन्। मोरङ गोविन्दपुर गाविस बस्ने ३८ वर्षीय खरेलको गोरेसँग सुन तस्करीमा संलग्न देखिएको छानबिन समितिको ठहर छ। तर कस्तो किसिमको संलग्नता हो भन्ने बारे अभियोगपत्रमा केही खुलाइएको छैन। बिजमाण्डू बाट ।
Comments
अरु समाचार
-
अध्यागमनको छवि सुधार गर्न आवश्यक छ: गृहमन्त्री लेखक
काठमाडौं । गृहमन्त्री रमेश लेखकले अध्यागमन कार्यालयले आफ्नो छवि सुधार गर्न आवश्यक रहेको बताएका छन् । अध्यागमन कार्यालयका बारेमा नकरात्मक...
-
बङ्गलादेशले लगायो पोलिथिन झोला प्रयोगमा प्रतिबन्ध
काठमाडौं । बङ्गलादेशका सबै सुपरमार्केटमा प्लाष्टिक (पोलिथिन एण्ड पोलिप्रोपाइलिन ब्याग) झोला राख्न प्रतिबन्ध लगाइएको छ । यो निर्णय अक्टोबर १...
-
प्रधानमन्त्रीविरुद्ध सामाजिक सञ्जालमा भइरहेका गतिविधि देशहित विपरीत छन्ः महासचिव पोखरेल
काठमाडौं । नेपाल कम्युनिष्ट पार्टी (एमाले)का महासचिव शङ्कर पोखरेलले प्रधानमन्त्री केपी शर्मा ओली विदेशमा रहेका बेला प्रधानमन्त्री विरुद्ध सामाजिक सञ्जालमार्फत...
-
पोखरीमा डुबेर बेपत्ता भएकी बालिकाको शव फेला
काठामाडौं । धनुषाको धनुषा धाममा रहेको पोखरीमा डुबेर बेपत्ता भएकी बालिकाको शव आज बिहान फेला परेको छ । धनुषाधाम नगरपालिका...
-
घमेश दुलालले ल्याए खर्च दशैंलाई (भिडियो)
काठमाडाैं । चर्चित गायक घमेश दुलालले 'खर्च दशैंलाई' बोलको गितको म्यूजिक भिडियो सार्वजनिक गरेका छन् । गायक दुलालले आफ्नै युट्युब...
-
दाङमा चट्याङ लागेर एकको मृत्यु, दुईजना घाइते
काठमाडौं । दाङमा चट्याङ लागेर एकजनाको मृत्यु भएको छ भने दुईजना घाइते भएका छन् । घोराही उपमहानगरपालिका–११ खुङकोटका निमकली साहुको...
-
मन्त्री राणा र अमेरिकी उपमन्त्री वासबीच भेटवार्ता
काठमाडौं । संयुक्त राष्ट्रसङ्घको ७९औँ महासभामा भाग लिन आएकी परराष्ट्रमन्त्री डा.आरजु राणा देउवासँग अमेरिकाका राजनीतिक मामिलासम्बन्धी कार्यवाहक उपविदेश मन्त्री जोन...
-
बङ्गलादेशले मौद्रिक नीतिमा कडाइ गर्ने
काठमाडौं । बङ्गलादेशको केन्द्रीय बैङ्कले मुद्रास्फीति नियन्त्रण गर्न सरकारलाई सहयोग पु¥याउने उद्देश्यले आगामी महिनाको अन्त्यसम्ममा दुई पटक नीतिगत दरमा वृद्धि...
-
निर्वाचन आयोगद्वारा स्थानीय तह उपनिर्वाचनका लागि दल दर्ता गर्न आह्वान
काठमाडौं । निर्वाचन आयोगले स्थानीय तह सदस्य उपनिर्वाचनका लागि दल दर्ताका लागि आह्वान गरेको छ । आयोगले आज एक सूचना...