प्रधानमन्त्रीज्यू, प्रदेश सभा डुलेर रमाइलो र रोइलो छाड्नुस् ,काम गर्नुस्: गगन थापा
काठमाडाैं ५, भदाै । नेपाली कांग्रेसका सांसद गगन थापाले स्थानीय प्राकृतिक स्रोत तथा वित्त आयोगमा नियुक्ती नगरिएकोमा आपत्ति जनाएका छन्।
प्रतिनिधि सभाको बैठकमा थापाले प्रधानमन्त्री ओलीको अरूचीले संघीय प्रणालीको भविष्य अन्यौलमा परेको बताए।
‘प्रधानमन्त्रीको संघीयताको अरूचीले संघीय प्रणालीको भविष्यमा अन्यौल श्रृजना भएको छ’, थापाले भने, ‘उदाहरण हो करको कोलाहाल।’
उनले संविधानले प्राकृतिक स्रोत तथा वित्त आयोगको व्यवस्था गरेको तर नियुक्ती नभएकोमा आश्चर्य प्रकट गरे।
‘यो आयोगमा नियुक्ती किन नगरेको’, थापाले सोधे, ‘तत्काल नियुक्ती गरेर ऐनको त्रुटी सच्याएर नियमावली बनाएर नियम अनुसार काम अगाडि बढाउनुपर्नेमा कर्मचारीको आदेशमा समस्या समाधान खोज्दै छ।’
थापाले स्थानीय सरकार सञ्चालन ऐनले कुन कुन क्षेत्रमा कर लगाउने भनेर स्पष्ट पारे पनि नियमावली नबनेका कारण थ्रुपै समस्या भएको बताए। ‘खै नियमावली खै? नियमावली मात्र बनेको भए अहिलेको थुप्रै समस्या आउँदै आउँदैनथ्यो’, थापाले भने, ‘कर के मा लगाउने ऐनले भन्थ्यो कर कसरी लगाउने नियमले भन्थ्यो। तर, जिम्मेवारी बोकेर बस्नुभएका मन्त्रीजी दिनमा दुई पटक कर्मचारीलाई निर्देशन दिनुहुन्छ। जिम्मा लिएको सचिव दिनमा दुई पटक सांसदलाई निर्देशन दिन थाल्नुभएको छ।’
प्रधानमन्त्रीले बोलाएर नियमावली नबनाएको विषयमा सचिवलाई सोध्नुपर्ने तर्क थापाले गरे।
उनले केन्द्रमा बढी राजश्व उठाउने सबैभन्दा सफल अर्थ मन्त्रीको मानक बनेकै कारण स्थानीय सरकारले त्यही सिकेको बताए।
‘प्रधानमन्त्रीलाई आग्रह गर्छु प्रदेश सभा डुलेर उपदेश दिन छाड्नुस्। अन्तर्वातामा रमाइलो र रोइलो छाड्नुस्। प्रधानमन्त्रीज्यू गर्नुपर्ने काम गर्नुस्।’
उनले संघीयता असफल भए प्रधानमन्त्री सफल नहुने दाबी गरे।
‘यति मात्र बुझिदिए पुग्छ, संघीयता असफल भए प्रधानमन्त्री सफल बन्नुहुन्न’, थापाले भने।
Comments
अरु समाचार
-
सुहाङले बुधबार बिहान सांसद पदको शपथ लिँदै
काठमाडौं । गत वैशाख १५ गते इलाम क्षेत्र नम्बर २ मा भएको उपनिर्वाचनमा विजयी नेकपा एमालेका सांसद सुहाङ नेम्बाङले बुधबार...
-
राष्ट्रिय स्वतन्त्र पार्टीको संसदीय दलको बैठक बस्दै
काठमाडाैँ । राष्ट्रिय स्वतन्त्र पार्टीको संसदीय दलको बैठक बस्दै छ । सिंहदरबारस्थित पार्टीको संसदीय दलको कार्यालयमा बस्ने गरी बैठक बोलाइएको...
-
बर्खे अधिवेशनअघि प्रधानमन्त्रीसहित प्रमुख दलका शीर्ष नेतासित सभामुखको छलफल
काठमाडाैँ । सभामुख देवराज घिमिरले प्रधानमन्त्रीसहित प्रमुख दलका शीर्ष नेताहरूलाई छलफलका लागि बोलाएका छन् । उनले आज बिहान साढे ११...
-
देशलाई अस्थिरताबाट जोगाउन, ठूला दलबीच सहकार्य आवश्यक छ : प्रमुख सचेतक लेखक
कांग्रेस संसदीय दलका प्रमुख सचेतक रमेश लेखकले देश राजनीतिक अस्थिरतामा फसेको बताएका छन्। प्रेस युनियन कञ्चनपुर शाखाले सोमबार बिहान महेन्द्रनगरमा...
-
एमाले भोजपुरको अध्यक्षमा खड्का निर्वाचित
काठमाडाैं। नेकपा एमाले भोजपुरको नयाँ नेतृत्वमा मक्कर खड्काको प्यानलै विजयी भएको छ । भर्खरै सम्पन्न मत परिणाम अनुसार निवर्तमान अध्यक्ष...
-
मुख्यमन्त्री सोडारीलाई विश्वासको मतमा हतार नगर्न ओलीको निर्देशन
काठमाडौं । सुदूरपश्चिम प्रदेशमा नेकपा एकीकृत समाजवादी नेतृत्वको सरकारलाई सत्तारुढ दल नेकपा एमालेले तत्काल विश्वासको मत नदिने भएको छ। एमाले...
-
सन्दीप लामिछानेको मुद्दामा आज सुनुवाइ हुँदै
काठमाडौं : क्रिकेटर सन्दीप लामिछानेको मुद्दामा आइतबार सुनुवाइ हुँदैछ। यसअघि वैशाख १० र १६ गत दुई दिन यो मुद्दा ‘हेर्न नभ्याइने’मा...
-
जनताले ‘पपुलिजम’ स्वीकार्य नभएको सन्देश दिए: महासचिव पोखरेल
काठमाडौं । नेकपा (एमाले)का महासचिव शंकर पोखरेलले विचारधाराको जगमा खडा भएका राजनीतिक दलहरूको विकल्प ‘पपुलिजम’का आधारमा खोज्ने प्रयास इलाममा असफल...
-
उपनिर्वाचनको समीक्षा गर्न रास्वपाको सचिवालय बैठक बस्दै
काठमाडौं । राष्ट्रिय स्वतन्त्र पार्टी (रास्वपा) को सचिवालयको बैठक आज बस्दैछ। उपनिर्वाचनको समीक्षा गर्न मुख्य पार्टी कार्यालयमा साढे ४ बजे...