श्रीमतीको उपचार गर्न प्रचण्ड बेनी बजारमा
काठमाडौँ । नेपाल कम्युनिष्ट पार्टीका अध्यक्ष तथा पूर्वप्रधानमन्त्री पुष्पकमल दाहाल अहिले म्याग्दीको बेनीमा छन्। पत्नी सीता दाहालको उपचारका लागि म्याग्दी पुगेका दाहाल बुधबारसम्म त्यहीँ बस्नेछन्।दाहालसँगै नेकपा सचिवालय सदस्य तथा गृहमन्त्री रामबहादुर थापा पनि पत्नी नैनकला थापासहित म्याग्दी पुगेका छन्।
दाहाल र थापा परिवार नेपाली सेनाको एमआई १७ हेलिकप्टर चढेर सोमबार म्याग्दी गएको हो। अर्थुङ्गेस्थित नेपाली सेनाको श्रीबक्स गुल्ममा सेनाको हेलिकोप्टरबाट ओर्लिएका दाहाल र थापा परिवार सात किलोमिटर गाडीको यात्रापछि दिउँसो २ बजे तातोपानी कुण्ड पुगे। अध्यक्ष दाहाल, गृहमन्त्री थापा दम्पत्तिले दिउँसो २ बजेदेखि ४ बजेसम्म कुण्डमा वाटर थेरापी गराए।
‘उहाँहरू हेलिकप्टर चढेर आउनुभएको हो। हेलिकप्टर हिजै फर्कियो। अब भोलि (बुधबार) लिन आउँछ होला’, म्याग्दीका प्रमुख जिल्ला अधिकारी लीलाधर अधिकारीले भने, ‘म्याग्दी गएका बेला गृहमन्त्री थापा केही सार्वजनिक कार्यक्रममा पनि सहभागी भएका छन्।’
‘जिल्ला आपतकालिन व्यवस्थापन कार्यसञ्चालन केन्द्र उद्घाटन गर्न गृहमन्त्री बेनी आउनुभएको हो। केन्द्रको सोमबार उद्घाटन भयो। गृहमन्त्रीले आज कालिगण्डकी नदी तटबन्ध अवलोकन गर्नुभयो’, प्रजिअ अधिकारीले सेतोपाटीसँग भने, ‘प्राकृतिक उपचारका लागि अध्यक्ष प्रचण्डसहित उहाँहरु तातोपानी कुण्डमा स्नान पनि गर्नुभयो।’
दाहालका प्रेस सहयोगी विष्णु सापकोटाले तातोपानीमा नुहाउँदा बिरामीलाई आराम हुन्छ भन्ने सुनेर सीताको उपचारका लागि दाहाल बेनी गएको बताए।
‘मेडम (सीता) को उपचारका लागि अध्यक्ष तातोपानी कुण्ड जानुभएको हो’, सापकोटाले सेतोपाटीसँग भने, ‘तातोपानीमा थेरापीका तीन दिने, सात दिने, अठार दिने कोर्स हुने रहेछ। तीन दिनको कोर्स सकेर उहाँहरु बुधबार फर्कनुहुन्छ।’
दाहाल र थापा परिवारले मंगलबार पनि चार घन्टा तातोपानीमा बिताउनेछन्। बुधबार पनि एक पटक तातोपानीमा थेरापी गरेर उनीहरू काठमाडौं फर्कनेछन्।केही समयदेखि बिरामी रहेकी सीतालाई स्वदेशका विभिन्न अस्पतालमा परीक्षण गर्दा रोग एकीन नभएपछि उनलाई सिंगापुरलगायत विदेशका अस्पताल लगिएको थियो। सीता मस्तिष्कसम्बन्धी रोग प्रोगेसिभ सुप्रान्युक्लियर पाल्सी (पीएसपी) बाट पीडित छन्।
तातोपानीमा महिला र पुरूषका लागि बेग्लाबेग्लै नुहाउने ठाउँ बनाइएको छ। प्राकृतिक मुलबाट निस्केको कुण्डको पानी ५० डिग्री सेल्सियसको रहेको छ। यो कुण्डमा नुहाउन प्रतिव्यक्ति तीन सय तिर्नुपर्छ। कुण्डमा शरीरका बाहिरी भाग (घाँटीमूनिका भाग) डुबाएर उपचार गरिन्छ। कुण्डको तातोपानीबाट बाहिर निस्केपछि पनि तातोपानी नै आउने धारामा नुहाउने गरिन्छ। तातोपानी कुण्डमा डुबुल्की मार्दा नशा, बाथ, ढाड दुखेको, शरीर सुन्निएकोलगायत समस्या कम हुने जनविश्वास छ। स्वदेशी र विदेशी गरी कुण्डमा अहिले २५० जनाभन्दा बढी विरामीले प्राकृतिक उपचार गराइरहेका छन्।
कुण्डमा सल्फर र गन्धकको मात्रा धेरै भएकोले एकै पटक धेरै जनाले नुहाउँदा पनि एउटालाई लागेको रोग अर्कोलाई नसर्ने तातोपानी व्यवस्थापन समितिले जनाएको छ।
Comments
अरु समाचार
-
नेपाल प्रहरीका ४१ एसपीको सरुवा (सूचीसहित)
काठमाडौं । सरकारले केही प्रहरी उपरीक्षकहरुको सरुवा गरेको छ । नेपाल प्रहरीका ४१ जना प्रहरी उपरीक्षक (एसपी) को सरुवा गरेको...
-
जुवातास खेलाउने अभियुक्तलाई सामान्य धरौटीमा छुटाउने खेल, अभियुक्तले किर्ते नागरिकता समेत लिएको खुलासा
काठमाडौं । नेपाल प्रहरीको उपत्यका अपराध अनुसन्धान कार्यालय टेकुको गत असोज ४ गते काठमाडौं महानगरपालिका वडा नं ६ बौद्वको फुलवारी...
-
त्रिविविद्वारा एआई प्रयोगमा प्रतिबन्ध
काठमाडौं । त्रिभुवन विश्वविद्यालय (त्रिविवि)ले विश्वविद्यालयद्वारा सञ्चालित जुनसुकै तहको परीक्षामा ‘आर्टिफिसियल इन्टेलिजेन्स’ (एआई)को प्रयोग गरेको पाइएमा परीक्षा रद्द हुने जनाएको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
न्युजिल्यान्डका वैज्ञानिकहरूले पत्ता लगाए घोस्ट ‘स्पुकफिस’
काठमाडौं । न्युजिल्यान्डका वैज्ञानिकहरूले मङ्गलबार ‘घोस्ट सार्क’ को नयाँ प्रजाति पत्ता लगाएका छन् । यो माछाको एक प्रकार हो र...
-
आगलागीबाट ३५ लाख बराबरको क्षति
काठमाडौं । यहाँको मेलौली नगरपालिका–६ लामालेक बजारमा आगलागी हुँदा रु ३५ लाख बराबरको क्षति भएको छ । लामालेक बजारमा रामदत्त...
-
चाडपर्वलाई सुरक्षित बनाउन प्रहरी प्रधान कार्यालयले निर्देशन
काठमाडौं । चाडपर्वलाई सुरक्षित बनाउन प्रहरी प्रधान कार्यालयले निर्देशन दिएको छ । निमित्त प्रहरी महानिरीक्षक (प्रहरी अतिरिक्त महानिरीक्षक) टेकप्रसाद राईले...
-
विपन्न तथा ज्येष्ठ नागरिकलाई उपचारमा २० प्रतिशत छुट
काठमाडौं । बाजुरा जिल्लाको पूर्वी उत्तरी भेगको बूढीनन्दा नगरपालिकामा रहेको कोल्टी आधारभूत अस्पतालले नगरपालिका क्षेत्रभित्रका नागरिकको उपचारमा २० प्रतिशत छुट...