यसपटक पनि एसईई परीक्षाको व्यवस्थापन केन्द्रबाटै,प्रश्न प्रदेशपिच्छे फरक गर्ने कि नगर्ने भन्ने बारेमा निर्णय हुन बाँकी
काठमाडौं । यस वर्षको माध्यमिक शिक्षा परीक्षा (एसईई) पुनः केन्द्रले नै व्यवस्थापन गर्ने भएको छ । २०७५ सालदेखि प्रदेश सरकारले एसईई परीक्षाको व्यवस्थापन र सञ्चालन गर्ने भनिएपनि जनशक्ति अभाव र संयन्त्र तयार नभएको भन्दै केन्द्रले नै जिम्मेवारी निर्वाह गर्ने भएको छ ।
पुरानो परीक्षा नियन्त्रण कार्यालय गत असोजमा खारेज भएर अहिले नाम फेरिएको छ । राष्ट्रिय परीक्षा बोर्ड परीक्षा नियन्त्रण कार्यालय कक्षा १० नामांकनसहितको कार्यालय अहिले खडा भएको छ । कार्यालयका नियन्त्रक विष्णुप्रसाद अधिकारीले अहिले आफूहरु संक्रमणकै अवस्थामा रहेको बताउँदै परीक्षाको नेतृत्व राष्ट्रिय परीक्षा बोर्डले नै गर्ने बताए ।
उनले सिद्धान्ततः यस वर्षबाट एसईई परीक्षा प्रदेशलेनै लिनुपर्ने हो तर प्रदेशको सबै संयन्त्र तयार भइनसकेकोले कापी व्यवस्थापन र परीक्षा सञ्ंचालनको काममात्रै प्रदेशलाई जिम्मा दिइएको जानकारी दिए ।
नियन्त्रक अधिकारीले यसपटक प्रश्नपत्रको तयारीदेखि नतिजा प्रकाशनको कामसमेत केन्द्रबाटै हुने बताउँदै २०७६ सालबाट प्रदेश स्तरमै परीक्षा सञ्चालन हुने जनाए । उनले कापीको छपाइ कार्य प्रदेशले गरिरहेको बताउँदै भने, “परीक्षा सञ्चालनको जिम्मेबारी प्रदेश सरकारलाई नै छ । उनीहरुले केन्द्र निर्धारण गर्ने र सञ्चालन गर्ने कामको व्यवस्थापन गर्छन् । कुन प्रदेशले कहाँको कापी जाँच्न पाउने वा नपाउने हामीले तय गर्छौ । तर, जँचाउने काम प्रदेशले गर्नेछ ।”
नियन्त्रक अधिकारीका अनुसार प्रदेशको सामाजिक विकास मन्त्रालयअन्तर्गतको शिक्षा विकास निर्देशनालयले परीक्षाको समन्वय गर्छ । उनले यस वर्ष गत वर्षको तुलनामा विद्यार्थी संख्या बढ्ने अवस्था देखिएको बताउँदै भने, ‘‘कुनै थप नयाँ व्यवस्थापन गर्नु पर्नेछ भने केन्द्रले निर्धारण गर्छ । नभए पुरानै चलन अनुसार शिक्षा समन्वय समिति र सिडियोको अध्यक्षतामा सञ्चालन हुनेछ ।’’
उनले परीक्षामा सम्मिलित हुने समग्र विद्यार्थी संख्या अहिले आइ नसकेको बताउँदै भने, ‘‘तर ५ लाखभन्दा बढी नहोला भन्ने प्रारम्भिक अनुमान छ ।’’ उनले अहिले ‘इन्ट्रि’ गर्ने काम बाँकी रहेको बताउँदै भने, ‘‘संख्या ४ लाख ८० हजार सम्म पुग्छ होला । गत वर्ष एसईईमा कूल ४ लाख ८५ हजार ५ सय ८६ परीक्षार्थी सहभागी थिए ।’’
नियन्त्रक अधिकारीले आफूहरुले अहिले प्रश्नपत्र सेटिङ्को काम गरिरहेको बताए । उनले प्रश्नपत्र पनि प्रदेश अनुसार फरक हुने कि नहुने निर्णय नभएको जनाउँदै भने, ‘‘हाम्रो धारणा अनुसार अनिवार्य विषयको प्रश्नपत्र प्रदेशअनुसार फरक गर्ने हो कि भन्ने छ । तर, बोर्डले निर्णय गरेपछिमात्रै यस विषयमा केही भन्न मिल्छ ।’’
परीक्षा चैत्र १० बाट सुरु हुँदै
यस वर्षको एसईई परीक्षा चैत्रको १० गतेबाट सुरु हुने भएको छ । बोर्डले चैतको १० गते आइतबारबाट सुरु भई २१ गते बिहीबारसम्म जारी रहने जनाएको छ । परीक्षा विहान ८ देखि ११ बजेसम्म हुने तालिका सार्वजनिक गरिएको छ ।
Comments
अरु समाचार
-
त्रिविविद्वारा एआई प्रयोगमा प्रतिबन्ध
काठमाडौं । त्रिभुवन विश्वविद्यालय (त्रिविवि)ले विश्वविद्यालयद्वारा सञ्चालित जुनसुकै तहको परीक्षामा ‘आर्टिफिसियल इन्टेलिजेन्स’ (एआई)को प्रयोग गरेको पाइएमा परीक्षा रद्द हुने जनाएको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
न्युजिल्यान्डका वैज्ञानिकहरूले पत्ता लगाए घोस्ट ‘स्पुकफिस’
काठमाडौं । न्युजिल्यान्डका वैज्ञानिकहरूले मङ्गलबार ‘घोस्ट सार्क’ को नयाँ प्रजाति पत्ता लगाएका छन् । यो माछाको एक प्रकार हो र...
-
आगलागीबाट ३५ लाख बराबरको क्षति
काठमाडौं । यहाँको मेलौली नगरपालिका–६ लामालेक बजारमा आगलागी हुँदा रु ३५ लाख बराबरको क्षति भएको छ । लामालेक बजारमा रामदत्त...
-
चाडपर्वलाई सुरक्षित बनाउन प्रहरी प्रधान कार्यालयले निर्देशन
काठमाडौं । चाडपर्वलाई सुरक्षित बनाउन प्रहरी प्रधान कार्यालयले निर्देशन दिएको छ । निमित्त प्रहरी महानिरीक्षक (प्रहरी अतिरिक्त महानिरीक्षक) टेकप्रसाद राईले...
-
विपन्न तथा ज्येष्ठ नागरिकलाई उपचारमा २० प्रतिशत छुट
काठमाडौं । बाजुरा जिल्लाको पूर्वी उत्तरी भेगको बूढीनन्दा नगरपालिकामा रहेको कोल्टी आधारभूत अस्पतालले नगरपालिका क्षेत्रभित्रका नागरिकको उपचारमा २० प्रतिशत छुट...
-
गर्मीका कारण कञ्चनरुप नगरपालिका विद्यालयमा बिदा
काठमाडौं । तराई–मधेसमा अत्यधिक गर्मी बढेसँगै सप्तरीको कञ्चनरुप नगरपालिका अन्तर्गतका विद्यालयमा बिदा दिइएको छ । नगरपालिकाले सूचना जारी गर्दै आजदेखि...
-
विश्वव्यापी विभाजन, तीन युद्ध र सम्भावित मध्यपूर्व सङ्घर्षको छायाँमा विश्वका नेताहरू भेला हुँदै
काठमाडौं । बढ्दो वैश्विक विभाजन, गाजा, युक्रेन र सुडानमा भइरहेका ठूला युद्धहरू र मध्यपूर्वमा अझ ठूलो द्वन्द्वको खतराको छायाँमा विश्वका...