७ प्रतिशत कर्णालीवासी कम्तीमा १ दिन भोकै
काठमाडौँ । राजधानी काठमाडौंबाट आज प्रकाशित राष्ट्रिय दैनिक पत्रिकाहरुले न्यायालय, संसददेखि निर्माण क्षेत्रमा व्याप्त बेथितिलाई प्राथमिकतापूर्वक उठाएका छन् । त्यस्तै, प्रधानन्यायाधीशको सुनुवाइमा भइरहेको बिलम्ब र वाइडबडी भ्रष्टाचारबारेका समाचार पनि आजका पत्रपत्रिकाहरुमा छापिएका छन् ।
निरन्तर संघीय संसद् र सांसद्का गल्ती औंल्याउँदै आएको कान्तिपुरले आज यसका पदाधिकारीहरुको गाडीमोहबारे मुख्य समाचार बनाएको छ । समाचार अनुसार, सभामुख र राष्ट्रियसभाका अध्यक्षसहितका पदाधिकारीले तोकिएभन्दा बढी सवारीसाधन प्रयोग गरिरहेका छन् ।
संघीय संसद्का पदाधिकारी तथा सदस्यको पारिश्रमिक र सुविधा सम्बन्धमा व्यवस्था गर्न बनेको ऐनको दफा ७ मा संसदका पदाधिकारीले एउटा मात्रै सवारी साधन प्रयोग गर्न पाउने व्यवस्था छ । तर, सभामुख कृष्णबहादुर महरा र अध्यक्ष गणेशप्रसाद तिमिल्सिनाले ४–४ वटा गाडी प्रयोग गर्दै आइरहेको कान्तिपुरको समाचारमा उल्लेख छ । त्यस्तै उपसभामुख शिवमाया तुम्बाहाम्फे र महासचिव मनोहरप्रसाद भट्टराईले २–२ वटा गाडी चडिरहेका छन् ।
७ प्रतिशत कर्णालीवासी कम्तीमा एक दिन भोकै हुने गरेको अर्को खबर पनि कान्तिपुरमा छ । कृषि तथा पशुपन्छी विकास मन्त्रालय र केन्द्रीय तथ्यांक विभागले तयार पारेको प्रतिवेदनअनुसार आय आर्जन र स्थानीय स्रोत साधनलगायत अभावले कर्णालीवासी भोकै बस्नु परिरहेको छ ।
कान्तिपुरका अनुसार, कर्णालीको जनसंख्या करिब ३० लाख छ । यीमध्ये २ लाख १० हजार सर्वसाधारण कम्तीमा एक दिन भोकै बस्छन् ।
तमु ल्होसारका अवसरमा सजिएका सुन्दरीहरुको तस्वीर छापेको अन्नपूर्णले वाइडबडीमा भ्रष्टाचार ठहर भएको लेखेको छ । संसदीय उपसमितिले वायु सेवा निगमको वाइडबडीमा भ्रष्टाचार भएको ठहर गरेको हो । समाचार अनुसार उपसमितिले विमानको लागत मूल्य, बोलपत्र सिफारिस तथा स्वीकृति गर्ने अधिकारीलाई निलम्बन गरी कारबाही गर्न भनेको छ ।
समायोजन गरिँदा आकर्षक ठाउँमा पर्न कर्मचारीहरुले ठेगाना परिवर्तन गर्न थालेकोलाई पनि अन्नपूर्णले पहिलो पृष्ठमा कभरेज गरेको छ । समाचार अनुसार कर्मचारी समायोजनमा स्थायी ठेगानालाई प्रमुख आधार बनाइने भएपछि १ हजारभन्दा बढी कर्मचारीले ठेगाना परिवर्तन गरिसकेका छन् ।
नयाँ पत्रिकाले ‘हाइड्रोका ‘पप्पु’: २४ ठेक्का अपूरै’ शीर्षक दिएर विभिन्न आयोजनाका ठेक्का लिएर अर्घेल्याइ गर्ने निर्माण कम्पनीबारे मुख्य समाचार लेखेको छ । समाचार अनुसार, इआरएमसी नामक कम्पनीले सडक, पुल, विमानस्थल, सिँचाइ आयोजना अध्ययनको ठेक्का लिने तर काममा भने विलम्ब गर्ने गरेको छ । २० आयोजना उसले ओगटेर बसेको समाचारमा लेखिएको छ ।
राजधानीले ५२ हजार कर्मचारीको विवरण समायोजनका लागि तयार भएको लेखेको छ । सरकारले बुधबारदेखि थालेको समायोजन प्रक्रियामा पाँच दिनभित्रै १२ हजार सहभागी भएको पनि समाचारमा उल्लेख छ ।
कांग्रेस–सरकार दूरी बढेको, निजी विद्यालयले मनपरी शुल्क असुलेकोलगायत विषयलाई पनि आज राजधानीले प्राथमिकताका साथ उठाएको छ ।
नागरिकले ‘न्यायालयमा बिचौलिया राज’ शीर्षक दिएर मुख्य समाचार लेखेको छ । समाचार अनुसार प्रस्तावित प्रधानन्यायाधीश चोलेन्द्र समशेर जबराले न्यायालयमा अनियमितता रहेको स्वीकारेका छन् । उनले बिचौलियामाथि कारबाही गर्ने प्रतिबद्धता पनि संसदीय सुनुवाइ समितिमा स्वीकारेको समाचारमा उल्लेख छ ।
नेकपामा तीन गुट सक्रिय बन्न थालेको अर्को खबर पनि नागरिकमा छ । नागरिकका अनुसार, सक्रिय गुटहरुले महाधिवेशनको पूर्वाभ्यास दिएका छन् ।
गोरखापत्र दैनिक औपचारिक समाचारहरुले भरिएको छ । उसले प्रस्तावित प्रधानन्यायाधीशको सुनुवाइ हेर्दाहेर्दैमा परेकोदेखि सुरक्षानीतिबारे छलफल भएकोसम्मका खबर छापिएका छन् ।
Comments
अरु समाचार
-
जुवातास खेलाउने अभियुक्तलाई सामान्य धरौटीमा छुटाउने खेल, अभियुक्तले किर्ते नागरिकता समेत लिएको खुलासा
काठमाडौं । नेपाल प्रहरीको उपत्यका अपराध अनुसन्धान कार्यालय टेकुको गत असोज ४ गते काठमाडौं महानगरपालिका वडा नं ६ बौद्वको फुलवारी...
-
त्रिविविद्वारा एआई प्रयोगमा प्रतिबन्ध
काठमाडौं । त्रिभुवन विश्वविद्यालय (त्रिविवि)ले विश्वविद्यालयद्वारा सञ्चालित जुनसुकै तहको परीक्षामा ‘आर्टिफिसियल इन्टेलिजेन्स’ (एआई)को प्रयोग गरेको पाइएमा परीक्षा रद्द हुने जनाएको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
न्युजिल्यान्डका वैज्ञानिकहरूले पत्ता लगाए घोस्ट ‘स्पुकफिस’
काठमाडौं । न्युजिल्यान्डका वैज्ञानिकहरूले मङ्गलबार ‘घोस्ट सार्क’ को नयाँ प्रजाति पत्ता लगाएका छन् । यो माछाको एक प्रकार हो र...
-
आगलागीबाट ३५ लाख बराबरको क्षति
काठमाडौं । यहाँको मेलौली नगरपालिका–६ लामालेक बजारमा आगलागी हुँदा रु ३५ लाख बराबरको क्षति भएको छ । लामालेक बजारमा रामदत्त...
-
चाडपर्वलाई सुरक्षित बनाउन प्रहरी प्रधान कार्यालयले निर्देशन
काठमाडौं । चाडपर्वलाई सुरक्षित बनाउन प्रहरी प्रधान कार्यालयले निर्देशन दिएको छ । निमित्त प्रहरी महानिरीक्षक (प्रहरी अतिरिक्त महानिरीक्षक) टेकप्रसाद राईले...
-
विपन्न तथा ज्येष्ठ नागरिकलाई उपचारमा २० प्रतिशत छुट
काठमाडौं । बाजुरा जिल्लाको पूर्वी उत्तरी भेगको बूढीनन्दा नगरपालिकामा रहेको कोल्टी आधारभूत अस्पतालले नगरपालिका क्षेत्रभित्रका नागरिकको उपचारमा २० प्रतिशत छुट...
-
गर्मीका कारण कञ्चनरुप नगरपालिका विद्यालयमा बिदा
काठमाडौं । तराई–मधेसमा अत्यधिक गर्मी बढेसँगै सप्तरीको कञ्चनरुप नगरपालिका अन्तर्गतका विद्यालयमा बिदा दिइएको छ । नगरपालिकाले सूचना जारी गर्दै आजदेखि...