वाइडबडी प्रकरणमा कांग्रेस सभापति देउवा पनि मुछिए
काठमाडौँ । शनिबारीय अंकसहित प्रकाशित पत्रिकाहरुमा आज विवेकशील साझा पार्टीको बिभाजन प्रमुख हेडलाइन बनेका छन् । त्यससँगै कान्तिपुर दैनिकले नेपाल वायु सेवा निगमको वाइडबडी जहाज घोटाला प्रकरणमा पूर्वप्रधानमन्त्री एवम् कांग्रेस सभापति शेरबहादुर देउवा पनि जोडिएको भन्दै मुख्य समाचार बनाएको छ ।
२०७४ जेठ २४ गते देउवा प्रधानमन्त्री भएको चार दिनपछि २९ गते वाइडबडी खरिदको रकम भुक्तानीका लागि सटही सिफासिरको निर्णय भएको थियो । त्यतिबेला देउवा नै पर्यटन मन्त्रालयको नेतृत्व गरेका थिए ।
तर, संस्कृति, पर्यटन तथा नागरिक उड्डयन मन्त्रालयले संसदको सार्वजनिक लेखा समितिलाई पठाएको विवरणमा २०७४ वैशाख २५ देखि चैत १ सम्म जितेन्द्र नारायण देव उड्डयन मन्त्री रहेको उल्लेख छ ।
नागरिक दैनिकले शिक्षा मन्त्रालयले गठन गरेको अध्ययन कार्यदलले निजी कलेजलाई सम्बन्धन नदिन प्रस्ताव गरेको समाचार छापेको छ । कार्यदलले शुक्रबार शिक्षामन्त्री गिरिराजमणि पोखरेललाई प्रतिवेदन बुझाएको छ ।
अन्नपूर्ण पोष्टका अनुसार सरकारी स्वामित्वको कृषि सामग्री कम्पनीले रकमको चलखेल गर्ने ठेकेदार कम्पनीलाई आफूखुशी म्याद थप्दै आएको छ । यसरी म्याद थप्दा एकारित मल चाहिने बेलामा किसानले चर्को अभाव बेहोर्छन् भने अर्कोतिर लाखौं रुपैयाँ घोटाला हुन्छ । ‘मलमा छल, आपूर्तिको म्याद थप्दै लाखौं डलर घोटाला’ शीर्षकमा अन्नपूर्ण पोष्टले यो समाचार छापेको छ ।
नेपाल समाचार पत्र दैनिकले नेपालकै पहिलो नमूना त्रिकोणात्मक झोलुङ्गे पुल निर्माण कार्यमा ढिलाइ भइरहेको मुख्य समाचार छापेको छ । धार्मिक पर्यटकीय दृष्टिकोणले महत्वपूर्ण मानिएको तीन जिल्ला गुल्मी, पाल्पा र स्याङ्जाको संगमस्थल रिडीमा त्रिकोणात्मक झोलुङ्गे पुल निर्माण गर्न २०७१ सालमा सम्झौता भएको थियो । तर, चार वर्ष बितिसक्दा पनि पुल निर्माण हुन सकेको छैन ।
नयाँ पत्रिका दैनिकले ‘ठूला व्यवसायीको होटेल मोह’ शीर्षकमा शनिबार विशेष सामग्री प्रकाशित गरेको छ भने गोरखापत्र दैनिकले ‘पृथ्वीनारायण शाहको कामलाई सम्मान’ शीर्षकको मुख्य समाचार छापेको छ ।
Comments
अरु समाचार
-
अदुवा उत्पादक कृषक मारमा
काठमाडौं । समयमा नै पानी नपरेपछि समय घर्किने भयले अदुवा उत्पादक कृषक चिन्तामा परेका छन् । बैशाख दोस्रो साताभित्र अदुवा...
-
देशलाई अस्थिरताबाट जोगाउन, ठूला दलबीच सहकार्य आवश्यक छ : प्रमुख सचेतक लेखक
कांग्रेस संसदीय दलका प्रमुख सचेतक रमेश लेखकले देश राजनीतिक अस्थिरतामा फसेको बताएका छन्। प्रेस युनियन कञ्चनपुर शाखाले सोमबार बिहान महेन्द्रनगरमा...
-
चोरले एक तोला सुन निलेपछि
काठमाडौं । पाँचथरमा चोरी गर्न गएका एक व्यक्तिले एक तोला सुन निलेको पाइएको छ । चोरी गर्न गएका फिदिम नगरपालिका–१...
-
संविधानमा व्यवस्था गरेका मौलिक हकहरु व्यवहारमा कार्यान्वयन हुन सकेनन्ः मन्त्री शर्मा
काठमाडौँ । सञ्चार तथा सूचना प्रविधिमन्त्री रेखा शर्माले संविधानमा व्यवस्था गरेका मौलिक हकहरु व्यवहारमा कार्यान्वयन गर्न नसकेको बताएका छन् ।...
-
बाँकेमा पाँच हजार हेक्टर वनमा डढेलो
काठमाडौं । बाँकेका विभिन्न सामुदायिक वन र चक्ला वनको पाँच हजार एक सय ३३ हेक्टर क्षेत्रफलमा डढेलो लागेको छ ।...
-
क्याबिनेट बैठक अपरान्ह बस्दै
काठमाडौँ। आज मन्त्रीपरिषद्को बैठक बस्दै छ । बैठक आज अपरान्ह ४ बजे सिंहदरबारस्थित प्रधानमन्त्री तथा मन्त्रीपरिषद्को कार्यालयमा बस्ने प्रधानमन्त्री सचिवालयले जनाएको...
-
खडेरीले सुक्न थाल्यो मकै
काठमाडौं । झापामा लामो खडेरीले खेतमै बाली सुक्न थालेपछि झापाका किसान चिन्तामा छन् । घोगा लाग्ने बेलामा खडेरीले मकै बालीमा...
-
नेपालीको औसत आयु ७१ दशमलव तीन वर्ष
काठमाडाैँ । राष्ट्रिय जनगणना २०७८ सँग सम्बन्धित ‘जनसङ्ख्या साक्षरता’ र ‘जनसाङ्खिक सूचक’ पुस्तक सार्वजनिक गर्दै तथ्याङ्क कार्यालयले उक्त तथ्य सार्वजनिक...
-
आज बागमती प्रदेशमा सार्वजनिक बिदा
काठमाडौं । बागमती प्रदेश सरकारले आज (सोमबार) प्रदेशभर सार्वजनिक बिदा दिएको छ । बागमती सरकारले नेपाली भाषाको अतिरिक्त तामाङ भाषा...