नयाँ दिल्लीमा केपी ओलीविरूद्ध षडयन्त्र
काठमाडौँ । प्रधानमन्त्री केपी ओली नेतृत्वको दुई तिहाईको कम्युनिष्ट सरकार गठन भएको झण्डै एक बर्ष पुग्न लागेको छ । प्रधानमन्त्री ओलीले विगतका प्रधानमन्त्रीभन्दा फरक ढंगबाट जनतालाई विकास र समृद्धिको सपना देखाउदै आएका छन् । सपना देख्नेले मात्र इच्छा र चाहानाहरू पूरा गर्नसक्छ भन्ने कथनलाई प्रधानमन्त्री केपी ओली चरितार्थ गर्न खोज्दैछन् । प्रधामन्त्रीको यस्तो सोचको जसरी प्रशंसा भइरहेको छ त्यसको ठीक उल्टो सरकारका मन्त्रीहरू धमाधम भ्रष्टाचारमा मुछिदैछन् ।
सरकार गठन भएको एक बर्ष पुग्नलाग्दा जनचाहना अनुरुप खासै उपलब्धि देखिएन भनेर नेकपाबाटै आलोचना पनि हुन थालेको छ । प्रतिपक्षी दलहरूले त सरकारको खेदो खन्ने नै भए ।
आफ्नै पार्टी नेकपाबाट केपी ओली सरकारलाई असफलताको आरोप लगाउदै सत्ताबाट हटेको देख्न चाहनेहरू प्रकट भइरहेका बेला छिमेकी मुलुक भारतमा समेत ओली सरकारलाई चमडमेभन्दा चाडोभन्दा चाडो विस्थापित गर्न डीपी त्रिपाठी, श्यामशरण, टी हर्मिस र प्रणव मुर्खजीहरू जुर्मुराएको खबर नयाँ दिल्लीबाट प्रँप्त भएको छ ।
२०६२ मंसिर ७ गते तत्कालीन सात दल र नेकपा माओवादीबीच भारतको नयाँ दिल्लीमा भएको १२ बुँदे समझदारीका सहयोगी भनेर नेपाली राजनीतिमा चिनिएका यी भारतीय पूर्व नोकरशाह तथा कूटनीतिज्ञहरूले २०७६ सालको असार साउनसम्ममा केपी ओलीलाई प्रधानमन्त्रीबाट हटाउने तयारी गरेको दिल्लीस्थित स्रोतले बताएको छ । नेपालको राजनीतिमा भारतको हस्तक्षेपकारी भूमिका खोज्ने डीपी त्रिपाठी, श्यामशरण, टी हर्मिस र प्रणव मुर्खजीहरूले दुइतिहाईको ओली सरकारले भारतको हितमा काम नगरेका भन्दै सरकारको नेतृत्व नै फेरीदिने चलखेल गरिरहेको स्रोतको दाबी छ ।
भारतमा मोदी नेतृत्वको भाजपाको सरकारले यी महाशयहरूको कुरा खासै नसुन्ने भएकाले यिनीहरूलाई नेपालमा सरकारको नेतृत्व परिवर्तन गराउनका लागि आगामी अप्रिलसम्म पर्खिनु पर्ने हुन्छ । अप्रिलमा हुने भारतको आम चुनावपछि भारतीय कांग्रेसको सरकार बन्ने र त्यही सरकारको दबाबमा नेपालमा प्रधानमन्त्री फेर्ने सपना यिनीहरूले देखेको समाचार स्रोतको भनाई छ ।
भारतीय संस्थापन पक्षलाई नेपालमा हुने गरेका गतिविधिका बारेमा झकझकाउने र नेपालमा राजनीतिक उलटपलट गराउने मुख्य उद्देश्यय यी भारतीयहरूको पाल्दै आएको स्रोत बताउछ ।
यिनीहरूले केपी ओलीको सरकार चीनतिर बढी ढल्केको, नेपालमा चिनियाँ गतिविधिहरू बढिरहेको र भारतलाई यो सरकारले महत्व नदिएको कथाहरू हाल्दै साउथ ब्लकमा कुरा लगाउदै आएको दिल्लीस्थित स्रोत बताउछ ।
नयाँ दिल्लीमा दैनिक जसो आयोजना हुने कथित ‘थिङट्याङ्क’ मिटिङहरूमा नेपालका जानकारका रुपमा यिनीहरूले नेपालमा चिनियालगायत बाह्य शक्तिको प्रभाव कम गर्नुपर्ने कुरा खुलेआम बोल्दै आएको नयाँ दिल्लीस्थित साँघु स्रँेतले बताएको छ ।
यसै सन्दर्भमा काठमाण्डौमा सरकारी गाडी ड्राइभर र सुरक्षाकर्मीहरू सरकारले खोसेर एक्लो बनाइदिएपछि सर्लाहीबाट निर्वाचित नेपाली कांग्रेसका सांसद अमरेशकुमार सिंह रन्थनिएर नयाँ दिल्ली पुगेको संसद सचिवालय स्रोत बताउछ । उनले पनि केपी ओली सरकारको विरुद्धमा नानाभाँतिका कुरा आफ्ना भारतीय गुरुहरूलाई लगाइरहेको नयाँ दिल्लीस्थित राजदूतावास स्रोतले बतायो ।
यसैगरी नेपाली कांग्रेसका महामन्त्री शशांक कोइराला पनि यति बेला नयाँ दिल्ली दौडमा छन् । कोइरालाले पनि नयाँ दिल्लीमा भारतीय प्रधानमन्त्री नरेन्द्रर मोदीसंग भेटघाट गर्नुका साथै उच्च तहका नेताहरूसंग भेटघाट गर्ने कोसिस गरिरहेको बताइएको छ । साँघु साप्ताहिक
Comments
अरु समाचार
-
जुवातास खेलाउने अभियुक्तलाई सामान्य धरौटीमा छुटाउने खेल, अभियुक्तले किर्ते नागरिकता समेत लिएको खुलासा
काठमाडौं । नेपाल प्रहरीको उपत्यका अपराध अनुसन्धान कार्यालय टेकुको गत असोज ४ गते काठमाडौं महानगरपालिका वडा नं ६ बौद्वको फुलवारी...
-
त्रिविविद्वारा एआई प्रयोगमा प्रतिबन्ध
काठमाडौं । त्रिभुवन विश्वविद्यालय (त्रिविवि)ले विश्वविद्यालयद्वारा सञ्चालित जुनसुकै तहको परीक्षामा ‘आर्टिफिसियल इन्टेलिजेन्स’ (एआई)को प्रयोग गरेको पाइएमा परीक्षा रद्द हुने जनाएको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
न्युजिल्यान्डका वैज्ञानिकहरूले पत्ता लगाए घोस्ट ‘स्पुकफिस’
काठमाडौं । न्युजिल्यान्डका वैज्ञानिकहरूले मङ्गलबार ‘घोस्ट सार्क’ को नयाँ प्रजाति पत्ता लगाएका छन् । यो माछाको एक प्रकार हो र...
-
आगलागीबाट ३५ लाख बराबरको क्षति
काठमाडौं । यहाँको मेलौली नगरपालिका–६ लामालेक बजारमा आगलागी हुँदा रु ३५ लाख बराबरको क्षति भएको छ । लामालेक बजारमा रामदत्त...
-
चाडपर्वलाई सुरक्षित बनाउन प्रहरी प्रधान कार्यालयले निर्देशन
काठमाडौं । चाडपर्वलाई सुरक्षित बनाउन प्रहरी प्रधान कार्यालयले निर्देशन दिएको छ । निमित्त प्रहरी महानिरीक्षक (प्रहरी अतिरिक्त महानिरीक्षक) टेकप्रसाद राईले...
-
विपन्न तथा ज्येष्ठ नागरिकलाई उपचारमा २० प्रतिशत छुट
काठमाडौं । बाजुरा जिल्लाको पूर्वी उत्तरी भेगको बूढीनन्दा नगरपालिकामा रहेको कोल्टी आधारभूत अस्पतालले नगरपालिका क्षेत्रभित्रका नागरिकको उपचारमा २० प्रतिशत छुट...
-
गर्मीका कारण कञ्चनरुप नगरपालिका विद्यालयमा बिदा
काठमाडौं । तराई–मधेसमा अत्यधिक गर्मी बढेसँगै सप्तरीको कञ्चनरुप नगरपालिका अन्तर्गतका विद्यालयमा बिदा दिइएको छ । नगरपालिकाले सूचना जारी गर्दै आजदेखि...