विमानस्थलमा प्रधानमन्त्रीलाई कालोझण्डा देखाउने नेविसंघ कार्यकर्ता पक्राउ

आफ्नो मर्यादामा बस्न आग्रह

समाचार

- न्युज-नेपाल संवाददाता

काठमाडौं ।

त्रिभुवन अन्तर्राष्ट्रिय विमानस्थलमा प्रधानमन्त्री केपी शर्मा ओलीलाई कालोझण्डा देखाउने नेपाल विद्यार्थी संघका कार्यकर्ता पक्राउ परेका छन् ।

स्वीट्जरल्याण्डमा आयोजित विश्व आर्थिक मञ्चको ४९ औं बैठकमा सहभागी भएर शनिबार बिहान स्वदेश फर्किएका ओलीलाई विमानस्थलमै नेविसंघ कार्यकर्ताले कालोझण्डा देखाएका थिए ।

पक्राउ पर्नेमा केन्द्रीय सदस्य सुशील भट्ट, निरन्जन थापा, सुवास घिमिरे र सुदीप अधिकारी रहेका छन्।

स्वीट्जरल्याण्डको डाबोस शहरमा आयोजित उक्त बैठकमा भाग लिन प्रधानमन्त्री नेतृत्वको प्रतिनिधिमण्डल गत आइतबार राति त्यसतर्फ प्रस्थान गरेको थियो ।

विमानस्थलको आन्तरिक टर्मिनल नजिकै नेविसंघका कार्यकर्ताहरुले प्रदर्शन गर्न थालेपछि प्रहरीले नियन्त्रणमा लिए ।

सबैले मर्यादामा बस्नुपर्छ

भ्रमणबाट फर्किए लगत्तै विमानस्थलको अति विशिष्ट कक्षमा ओलीले सबैले आफ्नो मर्यादामा बस्नुपर्ने बताएका छन् । विमास्थलमा पत्रकारहरुसँग कुरा गर्दै ओलीले ‘संविधान, कानून र संस्थाहरुभन्दा माथि कोही भएकाले र सबैले संविधान र कानुनलाई मर्यादा गर्न सिक्नुपर्छ भने ।