यी हुन् पारस खड्कालाई ब्राण्ड एम्बेसडर बनाउँदै ठग्ने कन्सल्टेन्सी

समाचार

नेपाली राष्ट्रिय क्रिकेट टीमका कप्तानलाई नै ब्राण्ड एम्बेसडर बनाएका कन्सल्टेन्सीहरुले विद्यर्थाीलाई ठगेको पाइएको छ । एक्स्पर्टले क्याप्टेन खड्कालाई वर्षको २० लाख दिने गरेर एम्बेस्डर बनाएको छ । उसले पनि अष्ट्रेलिया पठाएका विद्यार्थीहरु अलपत्र परेका छन् । त्यस्तै प्रतिविद्यार्थी २० लाखका दरले शुल्क लिएर एक्स्पर्ट, मर्सी, कंगारु, एबीसी माइग्रेशन, डल्फिन, अल्फाबिटा, काठमाडौं इन्फोसिसलगायत कन्सल्टेन्सीले पनि विद्यार्थी पठाएका थिए ।

अस्ट्रेलियामा दर्ता नै नभएको अस्ट्रेलियन इन्स्टिच्युट अफ बिजनेस एन्ड टेक्नोलोजी (एआईबीटी) मा सबैभन्दा बढी विद्यार्थी पठाउनेमा एक्स्पर्ट एजुकेशन एन्ड भिसा सर्भिसेस कन्सल्टेन्सी र मर्सी एजुकेशन रहेका छन् ।

एआइबिटी कलेज खारेजीमा परेपरेसँगै १ हजारभन्दा बढी नेपाली विद्यार्थीको भविस्य अन्योलमा परेको छ । नेपालका नाम चलेका एजुकेशन कन्सल्टेन्सीहरूले नै अष्ट्रेलिया पु¥याएर नेपाली विद्यार्थीलाई अलपत्र पारेका हुन् ।

क्रिकेट खेलाडी खड्कालाई ब्रान्ड एम्बेसडर बनाएर ठगी गर्ने एक्स्पर्ट, अल्फा हाउस र मर्सीले सबैभन्दा बढी विद्यार्थी पठाएको खुलेको छ । अलपत्र परेका १ हजारमध्य मर्सीबाट ५ सय, एक्स्पर्टबाट २ सय र अल्फाबिटाबाट एक सय जना विद्यार्थी अस्ट्रेलिया गएको खुलेको छ ।

कन्सल्टेन्सीहरूले सरकारलाई समेत ढाँटेर विद्यार्थी विदेश पठाएको हुँदा शिक्षा मन्त्रालयले छानबिन समिति समेत गठन गरेको छ ।

विद्यार्थीले एजुकेशन कन्सल्टेन्सीको सहयोगमा ‘अफर लेटर’ बुझाउने गरेका छन् । अलपत्र परेका विद्यार्थीलाई नो अब्जेक्सन लेटर दिन संलग्न मन्त्रालयकै कर्मचारी पनि जिम्मेवार ठानिएका छन् ।

त्यसो त इक्यान र आईरिनमा आबद्द ठूला कन्सल्टेन्सीले अबैध रुपमा हुण्डीमार्फत रकम पठाएर अस्ट्रेलियाका कलेजहरूमा लगानी गर्दै आएका छन् ।

यसरी अबैध रुपमा लगानी गर्नेहरुमाथि सम्पत्ति शुद्धीकरण बिभाग र केन्द्रीय अनुसन्धान ब्यरो ९सिआईबी०ले छानविन गर्ने तयारी समेत थालेको मन्त्रालय स्रोतको भनाइ छ ।