ताजा समाचार

नेविसंघमा उमेर हद विवादको आगो, विमलेन्द्र निधि र प्रकाशशरण महतमाथि हातपात

समाचार
-
       

काठमाडौं ।

नेपाली कांग्रेसको भातृ संगठन नेपाल विद्यार्थी संघमा उमेर हदको विवाद चर्केको छ । नेविसंघमा ३२ वर्षे हदबन्दीको पक्ष र विपक्षमा विद्यार्थी नेताहरुले प्रदर्शन समेत गरेका छन् ।

निवर्तमान महामन्त्री कुन्दनराज काफ्ले निकट विद्यार्थी नेताले उमेर हदको पक्षमा र संस्थापन पक्षले उमेर हदको विपक्षमा नेपाली कांग्रेस केन्द्रीय कार्यालय सानेपामा प्रदर्शन गरेका हुन् ।

काफ्ले समूहले ३२ वर्ष मुनिको तदर्थ समिति गठनको माग गर्दै आज बिहानैबाट नाराबाजी गरेको थियो । प्रदर्शनकारीलाई कांग्रेस पार्टी कार्यालय प्रवेश गर्ने सडकमै प्रहरीले रोकेको थियो ।

फागुन ९ गते उपसभापति विमलेन्द्र निधि र सहमहामन्त्री प्रकाशशरण महतमाथि काफ्ले समूहले दुर्व्यवहार गरेका कारण प्रदर्शनकारीलाई सडक छेउमै रोकिएको हो । यद्यपि काफ्ले समूहले नेताद्वयले आफूहरु माथि हातपात गरेको दावी गर्दै आएको छ ।

Comments

प्रकाशित मिति : 2019-02-24

अरु समाचार

© NewsNepal 2018 - All Right Reserved.
newsnepal.com 2017.hlon.org