खानेपानीमन्त्री बिना मगरका पूर्वपति पक्राउ !

समाचार

काठमाडौं ।

नेत्रविक्रम चन्द विप्लव नेतृत्वको नेकपामाथि सरकारले प्रतिवन्ध लगाएसँगै अहिले उसका कार्यकर्ताहरु पक्राउ गर्न थालिएको छ ।

यसैक्रममा हिजो काभ्रेपलान्चोकबाट प्रहरीले ९ जना पक्राउ गरेको छ । पार्टीका तेस्रो बरियताका नेता हेमन्तप्रकाश ओलीसहित ९ जनालाई पक्राउ गरिएको हो । पक्राउ पर्नेमा खानेपानी तथा सरसफाइमन्त्री बिना मगरका पूर्व पति समेत रहेका छन् । प्रहरीले वलीसँगै मगरका पूर्वपति शंकर अधिकारीलाई पनि पक्राउ गरेको हो । (यी हुन पक्राउ पर्ने अन्य कार्यकर्ताहरु)

विना मगरले अधिकारीसँग सम्बन्ध टुटाउँदै नेकपाका अध्यक्ष पुष्पकमल दाहाल प्रचण्डका पुत्र प्रकाशसँग सम्बन्ध जोडेकी थिइन्। अल्पायुमै प्रकाशको निधन भइसकेको छ।

तत्कालीन एकीकृत नेकपा माओवादी फुट्दा मोहन वैद्य र विप्लवसँगै शंकर अधिकारी पनि नेकपा माओवादीबाट नेकपा – माओवादीतिर लागेका थिए। नेकपा-माओवादी पनि टुक्रियो र विप्लवले नेपाल कम्युनिस्ट पार्टी गठन गरे। त्यससँगै अधिकारी पनि विप्लवसँग जोडिए।