किशोरी भगाएर अछाममा ल्याएको भन्दै पक्राउ गर्न आएका भारतीय प्रहरी पक्राउ

समाचार

काठमाडौं । भारतीय युवतीलाई नेपाली नागरिकले भगाएर ल्याएको भन्दै छत्तिसगढको प्रहरी उनीहरुलाई पक्राउ गर्न नेपाल छिरेपछि नेपाल प्रहरिले तीनजना भारतीय प्रहरीलाई पक्राउ गरेको हो ।

तीन महिना अगाडी अछामका १९ वर्षीया केशव सोनीले छत्तिसगढकी १५ वर्षीया किशोरीलाई भगाएर नेपाल ल्याएको भन्दै भारतीय प्रहरी विना अनुमति नेपाल छिरेको हो ।

नेपाल छिरेको छत्तिसगढ प्रहरीले भारत लैजाने भन्दै अडान राखेपछि हल्लाखल्ला भएर घटना सार्वजनिक भएको थियो । त्यसपछि भारतीय प्रहरीलाई नेपाल प्रहरीले नियन्त्रणमा लिएको हो ।

जिल्ला प्रहरी कार्यालय, अछामका प्रमुख डीएसपी दधिराम न्यौपानेले तीन जना भारतीय प्रहरी आफूहरुको सम्पर्कमा आएको जनाएका छन् । तर, उनले ती अधिकृत विना हतियार, सिभिलको रुपमा आएको दाबी गरे ।

यद्यपी कुनै पनि सार्वभाैम मुलुकमा विना अनुमति अर्को दे‍शको प्रहरी आएर खानतलासी र अनुसन्धान गर्न पाउदैन् । तर, बेलाबेलामा भारतीय प्रहरीले नेपालमा छिरेर मान्छे पक्राउ गरेर लैजाने गरेको घटना भने सार्वजनिक हुने गरेको छ । भने, स्थानिय स्तरमा प्रहरी-प्रहरीको समन्वयमा केहि काम भने हुने गरेका छन् ।