महराको मुद्दामा थुनछेक बहस सुरु, कोको छन् महराको पक्षमा बहस गर्ने वरिष्ठ अधिवक्ताहरु ?

समाचार

काठमाडाैं । बलात्कार प्रयासको आरोपमा पक्राउ परेका निवर्तमान सभामुख कृष्णबहादुर महराविरुद्ध थुनछेक बहस सुरु भएको छ ।

काठमाडाैं जिल्ला अदालतमा जिल्ला न्यायाधीश सुदर्शनराज पाण्डेको इजलासमा अहिले सरकारी वकिलले बहस गर्दैछन् । भने, महराको पक्षमा भने २५/३० जना वकिलले बबहस गर्ने भएका हुन् ।

पूर्व महान्यायाधीवक्ता तथा वरिष्ठ अधिवक्ता रमण श्रेष्ठसहित नेपाल बार एसोसिएसनका पूर्व अध्यक्ष तथा वरिष्ठ अधिवक्ता शेरबहादुर केसी, वरिष्ठ अधिवक्ताहरू लभ मैनाली, कृष्णप्रसाद सापकोटा र सविता भण्डारी बराल छन् भने अधिवत्ताहरु मुरारी सापकोटा, चन्द्र गुरागाईंले पनि बहस गर्ने छन् ।

वरिष्ठ अधिवक्ता र आफू सहित २५/३० जना वकिल महरा पक्षमा नियुक्त भएको अधिवक्ता मुरारी सापकोटाले जानकारी दिएका छन् ।

सरकारी वकिलको बहस सकिएपछि महरापक्षका वकिलले बहस गर्नेछन् ।

थुनछेक बहसपछि महरालाई पुर्पक्षकालागि थुनामा, धराैटीमा या साधारन तारेखमा छाड्ने भन्नेबारे न्यायाशीश पाण्डेले आदेश दिनेछन् ।

महरा संसद सचिवालयमा कार्यरत कर्मचारी रोशनी शाहीमाथि बलत्कार प्रयास गरेको आरोपमा पक्राउ परेका हुन् ।

Comments

प्रकाशित मिति : 2019-11-03

महराको मुद्दामा थुनछेक बहस सुरु, कोको छन् महराको पक्षमा बहस गर्ने वरिष्ठ अधिवक्ताहरु ?

Comments

अरु समाचार