नक्कली नोटको करोबार गर्ने मुख्य अभियुक्त पक्राउ

समाचार

भक्तपुर । भक्तपुर जिल्ला म.ठि.मा. वडा नं-१ स्थित रहेको आइतबार राति ९ः४५ मा परिधि गिफ्ट सपबाट नक्कली नोटको करोबार गर्ने मुख्य अभियुक्त प्रहरीले पक्राउ गरेको छ ।

बंगलादेश फरिदपुर घर भई लोकन्थली बस्दै आएका वर्ष २६ को सुमन खानले खरीद गरि नक्कली नोट रू.२००० दिई फरार भएको जानकारी रहेको छ ।

सुचनाको आधारमा कार्यालयबाट प्र.रि.राजिव गिरीको नेतृत्वमा प्रहरी टोली घटनास्थलमा गई बुझ्दा निज फरार अभियुक्त सुमन खान लोकन्थलीको लक्ष्मी सिलाई केन्द्रमा काम गर्ने गरेको र निजको कोठामा खानतलासी गर्दा रू.१००० को नक्कली नोट जस्तो देखिने १६ थान गरी जम्मा १८ थान नेपाली नोट बरामद गरिएको जनाएको छ । खानसंगै कोठामा बस्ने बाँकी ३ जनालाई पनि प्रहरीले नियन्त्रणमा लिएको छ ।

मुद्रा सम्बन्धी कसुरमा म्याद थपी अनुसन्धान भईरहेको नक्कली नोट दिई फरार रहेका मुख्य अभियुक्त सुमन खानलाई आइतबार राति ९ः१५ बजेको समयमा काठमाडौं पेप्सीकोला टाउनपालिङमा लुकीछिपी बसिरहेको अवस्थामा फेला पारी नियन्त्रमा लिई अनुसन्धान भईरहेको छ ।