पुटिनसँगको वार्ता सकारात्मक : बाइडेन
एजेन्सि । अमेरिकी राष्ट्रपति जो बाइडेन र रूसी राष्ट्रपति भ्लादिमिर पुटिनबीच भेटवार्ता भएको छ । दुई देशबीच तनावपूर्ण सम्बन्ध भइरहेका बेला बुधबार जेनेभामा विश्वका दुई शक्तिशाली नेताबीच भेटवार्ता भएको हो ।
अमेरिकी समकक्षी पुटिनसँगको वार्तापछि पत्रकार सम्मेलनमा रूसी राष्ट्रपति पुटिनले कुराकानी ‘निकै रचनात्मक’ भएको प्रतिक्रिया दिएका थिए । बाइडेनसँगको कुराकानीपछि रूस र अमेरिकाबीच ‘कहिल्यै शत्रुता नै नभएको’ जस्तो आफूलाई लागेको पनि उनको भनाइ थियो ।
त्यस्तै अमेरिकी राष्ट्रपति बाइडेनले पनि पुटिनसँगको बैठक सकारात्मक भएको बताएका थिए । ‘मैले राष्ट्रपति पुटिनसँग मेरो एजेन्डा रूस वा अन्य कोहीविरुद्ध नभएको कुरा राखेँ । यो त अमेरिका र अमेरिकी नागरिकको पक्षमा रहेको छ,’ उनले भने ।
बाइडेनले पुटिनसँग साइबर सुरक्षाका बारेमा कुरा गरेका छन् । टेक्सासमा अमेरिकी पेट्रोलियम पाइपलाइनको वितरण प्रणाली र रूसको स्वास्थ्य प्रणालीमा भएको साइबर आक्रमणप्रति इसारा गर्दै पुटिनले दुवै देशका लागि ‘साइबर स्पेस’ असाधारण रूपले महत्त्वपूर्ण भएको बताए । रूसमा भएको आक्रमणबारे उनले भने, ‘मलाई लाग्दैन कि अमेरिकी प्रशासन यस कुरामा विशेष रूपले चासो राख्दछ । उ केवल आक्षेप मात्रै लगाइरहेको हुन्छ । हामीलाई विशेषज्ञसँग परामर्श गर्नु आवश्यक छ ।’
त्यस्तै उनले आर्कटिक क्षेत्रमा रूसी सैन्यीकरणलाई लिएर अमेरिकाले देखाएको चिन्ता पनि निराधार भएको बताए । परमाणु स्थिरताका बारेमा बाइडेनसँगको वार्तामा चर्चा भएको र आगामी दिनमा ‘न्यु स्टार्ट आर्म्स कन्ट्रोल’ सम्झौतामा परिवर्तन गर्ने कुरामा विचार गर्ने पनि पुटिनको भनाइ थियो ।
त्यस्तै भ्रष्टाचारको आरोपमा जेलमा रहेका विपक्षी नेता एलेक्सी नाभाल्नीका बारेमा पनि निष्पक्ष रुपमा समाचार सम्प्रेषण नभएको पुटिनको भनाइ छ । उनले भने, ‘यिनलाई थाहा छ कि उनले रूसको वर्तमान कानुको उल्लंघन गरेका छन् ।’ पुटिनले अगाडि भने, ‘उनलाई थाहा छ कि उनी वान्टेड छन् तर पनि रूस फर्केर उनी गिरफ्तार हुन चाहेका थिए । उनले जे चाहेका थिए, त्यही गरे ।’
अमेरिकी राष्ट्रपति बाइडेनले भने नाभाल्नीलाई केही भए त्यसको परिणाम रूसले नै भोग्नुपर्ने चेतावनी दिएका छन् ।
त्यस्तै रूसी राष्ट्रपति पुटिनले बाइडेन डोनाल्ड ट्रम्पभन्दा धेरै फरक भएको भन्दै प्रशंसा गरेका छन् । उनले बाइडेनलाई ‘एक अनुभवी राजनेता’ को संज्ञा पनि दिएका छन् । साथै कुराकानीमा उनले दुवै देशले निष्कासन गरेका कूटनीतिज्ञलाई फिर्ता बोलाउने सहमति भएको पनि जानकारी दिएका छन् ।
Comments
अरु समाचार
-
कतारको हमाद एयरपोर्ट संसारकै सर्वोत्कृष्ट विमानस्थल
एजेन्सि। कतारको दोहास्थित हमाद इन्टरनेसनल एयरपोर्ट सन् २०२४ का निम्ति विश्वकै सबैभन्दा उत्कृष्ट एयरपोर्टको सूचीमा परेको छ । यो सूचीमा...
-
सिटीलाई पेनाल्टी सुटआउटमा हराउँदै रियल सेमिफाइनलमा
काठमाडौँ। साविक विजेता म्यानचेस्टर सिटीलाई पेनाल्टी सुटआउटमा हराउँदै रियल मड्रिड यूईएफए च्याम्पियन्स लिगको सेमिफाइनलमा पुगेको छ। इतिहाद स्टेडियममा बुधबार सम्पन्न...
-
भारतीय काश्मिरमा डुङ्गा पल्टिँदा १५ जना बेपत्ता
काठमाडौं । भारत प्रशासित काश्मिरमा मङ्गलबार एउटा नदीमा डुङ्गा पल्टिएपछि बेपत्ता भएका १५ जनाको खोजीमा उद्धारकर्मीहरू खटिइरहेको अधिकारीहरूले बताएका छन्...
-
सुरक्षा खतराका कारण पेरिस ओलम्पिकको उद्घाटन समारोह सिन नदीबाट राष्ट्रिय रङ्गशालामा सर्न सक्छ–इम्यानुएल म्याक्रोन
काठमाडौं । फ्रान्सका राष्ट्रपति इम्यानुएल म्याक्रोनले सुरक्षा खतराको अवस्थामा पेरिस ओलम्पिकको उद्घाटन समारोह सिन नदीबाट राष्ट्रिय रङ्गशालामा सार्न सकिने सोमबार...
-
ईरानी आक्रमणपछि इजराइलले गाजामाथि थप दबाब बनाउने
काठमाडौं । ईरानले आक्रमण गरेपछि इजराइले गाजामाथि थप दबाब बनाउने बताएको छ। इजराइली सेनाले ईरानको आक्रमणपछि आफू युद्धबाट विचलित नहुने...
-
अमेरिकी राष्ट्रपति वाइडेको दबाबपछि इरान–इजरायल युद्ध तत्कालका लागि रोकियो
जेरुसलाम । शनिवार राति इरानले इजरायलमाथि गरेको आक्रमणका कारण मध्यपूर्वका देशमा फैलन सक्ने सम्भावित ठूलो युद्ध तत्कालका लागि रोकिने सम्भावना...
-
इरानद्वारा इजरेलमा आक्रमण, राष्ट्रसङ्घीय सुरक्षा परिषद्को आपत्कालीन बैठक बस्दै
काठमाडौं । इरानले इजरेलमा आक्रमण सुरु गरे सँगै राष्ट्रसंघको सुरक्षा परिषद्को आपत्कालीन बैठक बस्ने भएको छ । गएराती इरानले दर्जनौ...
-
टिकटकको निर्माता कम्पनी बाइटडान्सको मुनाफा ६० प्रतिशतले बढ्यो
काठमाडौं । सामाजिक सञ्जाल टिकटकको निर्माता कम्पनी बाइटडान्सको मुनाफा सन् २०२३ मा ६० प्रतिशतले बढेको छ । चिनियाँ इन्टरनेट कम्पनी...
-
अष्ट्रेलियामा बाढीका कारण सामान्य जनजीवन प्रभावित
काठमाडौं । अस्ट्रेलियाको न्यू साउथ वेल्समा व्यापक बर्षपछि आइतबार आएको बाढीका कारण सयौँ व्यक्ति प्रभावित भएका छन् । उत्तरपूर्वी सिड्नीमा...