मेसीबिना बार्सिलोना कहिले पनि उही बार्सिलोना रहन सक्ने छैन
एजेन्सि । गत डिसेम्बर लियोनल मेसीले कीर्तिमान छैटौंपल्ट बालोन डी’अर जिते । त्यही बेला बार्सिलोनामा उनको भविष्यलाई लिएर प्रश्न उठ्न थालिसकेको थियो । मेसी आफैंले क्लब छाड्ने इच्छा व्यक्त गरेका थिए । अप्रिलमा बार्सिलोना स्पेनिस कप जित्यो । यो बार्सिलोनामा मेसीले जितेको ३५ औं उपाधि थियो । र, यो सान्त्वना पुरस्कारकै रूपमा आएको थियो । ३४ वर्षे अर्जेन्टिनी फुटबलरले बार्सिलोनामा १७ वर्ष बिताए ।
उनले अनेक अवसरमा बार्सिलोनालाई सफलताको शिखरमा पुर्याए । तर, मैदानबाहिर यही क्लब ऋणको बोझमा यति धेरै पुरिएको छ कि उनै मेसीलाई टिममा राखिरहन सकेन । बार्सिलोना बिहीबार घोषणा गर्न बाध्य रह्यो कि क्लब र मेसीबीच कुनै प्रकारको सम्झौता हुन सकेन । यसका लागि क्लबले दिएको कारण हो, आर्थिक र कानुनी पाटो । सबै अपेक्षाअनुसार काम भएको भए मेसी सन् २०२६ सम्म बार्सिलोनामा रहन्थे ।
त्यतिबेला उनी ३८ वर्षका भइसक्थे । सन् २००० मा उनले मेसीले बार्सिलोनासँग पहिलो अनुबन्ध गरेका थिए, त्यसबखत उनी भर्खर १३ वर्षका थिए, नेपकिनमा हस्ताक्षर गरेका थिए । पछिल्लो जुन ३० मा उनको बार्सिलोनासँगको अन्तिम अनुबन्ध सकिएको थियो । उनी बार्सिलोनामै रहन चाहन्थे, तर यस्तो केही भएन । अन्ततः मेसीले बार्सिलोनाबाट बिदाइ लिने दिन आइहाल्यो । फेरि पछिल्ला दुई वर्ष न बार्सिलोनाका लागि न त मेसीकै लागि सुखद समय रह्यो ।
सन् २०१८–०१९ मा बार्सिलोना युरोपेली च्याम्पियन्स लिगको सेमिफाइनलमा लिरभपुलको हातबाट निकै नमीठोसँग पतनको सिकार भएको थियो । बार्साले तीन गोलको अग्रता जोगाउन सकेको थिएन, त्यसमा दुई गोल त मेसीकै थियो । त्यसै वर्ष घरेलु कप फाइनलमा पनि बार्सिलोना भ्यालेन्सियासँग पराजित रह्यो । यदि त्यो खराब थियो भने सन् २०२० झन् खराब वर्ष रह्यो । च्याम्पियन्स लिग क्वाटरफाइनलमा बार्सिलोना बायर्न म्युनिकसँग लिस्वनमा ८–२ ले पराजित रह्यो ।
सन् २००७ यता बार्सिलोना त्यो सिजन पहिलोपल्ट उपाधिविहीन रह्यो । एकै खेलमा बार्सिलोनाले आठ गोल खाएको पनि सन् १९४६ यता पहिलोपल्ट थियो । त्यतिबेला बार्सिलोना स्पेनिस कपमा सेभियासँग ८–० ले पराजित भएको थियो । यही नतिजाको शृंखलाले मेसीलाई बार्सिलोनाबाहेक अन्य विकल्प सोच्न बाध्य पारेको हो । त्यसपछिका घटना वास्तवमै कसैका लागि पनि सुखद रहेन । ६ महिनामात्र क्लब सम्हालेका प्रशिक्षक क्विक सेटिन बर्खास्तगीमा परे ।
त्यसपछि आएर रोनाल्ड कोमन । उनी आएयता नै हो मेसीले आफू क्लब छाड्न इच्छुक रहेको बताएको । अहिले उनी पक्कै पनि बिना कुनै मूल्य विश्व फुटबल बजारमा उपलब्ध थिए । तर उनी त्यस्ता खेलाडी हुन्, जसको पारिश्रमिक धेरै कम क्लबले मात्र बेहोर्न सक्छ । यसमा सबैभन्दा अगाडि त म्यानचेस्टर सिटी नै छ । यो त्यही क्लब हो, जहाँ मेसीका पूर्व प्रिय प्रशिक्षक पेप ग्वार्डिओला छन् । दोस्रो विकल्प पेरिस सेन्ट जर्मेन (पीएसजी) हुनसक्छ ।
त्यहाँ गए उनको नेयमरसँग पुनर्मिलन हुनेछ । सिटी र पीएसजी दुवै युरोपेली च्याम्पियन्स लिग सफलताका लागि पछाडि लागिरहेका छन् । यस्तोमा मेसी आए । दुवै क्लबका लागि युरोपेली क्लब फुटबलको सबैभन्दा ठूलो उपाधि जित्नका लागि ‘एक्स–फ्याक्टर’ साबित हुन सक्नेछ । यता बार्सिलोनाको एकपछि अर्को पतनका कारण मेसीको आफ्नै खेलमा पनि गिरावट आइरहेको थियो । तथ्यांकले यस्तै बोल्थ्यो । कोभिडग्रस्त सिजन मेसीले ३१ गोलमात्र गर्न सके ।
यो सन् २००७–०८ यता सबैभन्दा कम थियो । गत सिजन उनले अझ ३० गोलमात्र गरे । यससँगै उनले गरेको गोल संख्या ४ सय ७४ पुगेको थियो । सन् २०१२ मा उनले गरेको ५० गोलसामु यो कता हो कताको कमजोर प्रदर्शन थियो । पछिल्ला केही वर्ष बार्सिलोनाले मेसीलाई क्लबबाट नै संन्यास लिन लगाउने पनि बारम्बार भनिरहेको थियो । जतिबेला यो स्थिति आइपुग्यो, बार्सिलोनाले आफ्नो वचन राख्न सकेन ।
खासमा बार्सिलोनाले मेसीलाई असाध्यै धेरै तलब मात्र दिइरहेको थिएन, बरू त्योभन्दा बढी मेसीको नाम बेचेर कमाइरहेको थियो । पछिल्ला चार सिजन मेसीले बार्सिलोनाबाट ३८ करोड युरो बुझेका थिए । तर यही समय बार्सिलोनाले उनकै नाममा ६१ करोड युरो पनि कमाएको थियो । त्यो भनेको २३ करोड युरोभन्दा बढी नाफा हो । बार्सिलोनाको नाफाको ३० प्रतिशतका लागि उनी नै जिम्मेवार मानिन्छ । यस्तोमा बार्सिलोनाले अहिले मेसीका रूपमा एक खेलाडीमात्र गुमाएको छैन, धेरै अरू थोक गुमाएको छ । मेसीले १० स्पेनी ला लिगा, चार युरोपेली च्याम्पियन्स लिग, तीन क्लब वर्ल्डकप, ६ स्पेनिस कप जितेका छन् । उनले ला लिगामा सर्वाधिक गोल र सर्वाधिक ह्याट्रिक पनि गरेका छन् । उनले आफ्नो देश र क्लबलाई गरेर ७ सयभन्दा बढी गोल गरिसकेका छन् । यस्तोमा अब मेसीले नयाँ क्लबबाट अझ केही जित्ने आस राख्न सक्छन् । तर, बार्सिलोनाले खेलाडी अरू धेरैथोक गुमाएको छ । मेसीबिना बार्सिलोना कहिले पनि उही बार्सिलोना रहन सक्ने छैन ।
Comments
अरु समाचार
-
काश दाहाल स्मृति भलिबल प्रतियोगिता हुने
काठमाडौं । प्रज्ञा–स्मृति प्रतिष्ठानको आयोजनामा ललितपुरको महाकाल गाउँपालिकामा यही वैशाख २२ देखि २५ गतेसम्म प्रकाश दाहाल स्मृति बागमती प्रदेशस्तरीय अन्तरपालिका...
-
‘सूर्य नेपाल काठमाडौं ओपन’ मंगलबारदेखि सुरु हुँदै, राम्रो स्कोर निस्किने अपेक्षा
काठमाडौं । सूर्य नेपाल गल्फ टुर २०२३\२४ अन्तर्गतको सातौं प्रतियोगिता सूर्य नेपाल काठमाडौं ओपन मंगलवारदेखि सुरु हुने भएको छ। रोयल...
-
बेलिङह्याम चम्किँदा एल क्लासिकोमा रियल विजयी
काठमाडाैं । एल क्लासिकोमा रियल मड्रिडले बार्सिलोनालाई पराजित गरेको छ । आइतबार राति सम्पन्न खेलमा रियलले चिर प्रतिद्वन्द्वी बार्सिलोनालाई ३–२...
-
आईपीएलमा आज दुई खेल, गएराति हैदराबादले दिल्लीलाई हरायो
काण्ठमाण्डौ। इण्डियन प्रिमियर लिग ९आईपीएल० क्रिकेटमा सनराइजर्स हैदराबादले दिल्ली क्यापिटल्सलाई ६७ रनले पराजित गरेको छ । हैदराबादले दिएको दुई सय...
-
एसीसी प्रिमियर कपः नेपालले आज तेस्रो स्थानको लागि हङकङसँग प्रतिस्पर्धा गर्दै
काठमाडौं। एसीसी प्रिमियर कप अन्तर्गत शनिबार नेपालले तेस्रो स्थानको लागि हङकङसँग प्रतिस्पर्धा गर्दैछ। पहिलो सेमिफाइनलमा नेपाल यूएई र दोस्रो सेमिफाइनलमा...
-
एसीसी प्रिमियर कपः सेमिफाइनलमा आज नेपाल र यूएई भिड्दै
काठमाण्डौ । एसीसी प्रिमियर कप क्रिकेटको सेमिफाइनलका खेल आज हुँदैछन् । पहिलो सेमिफाइनमा नेपालले आज यूएईसँग खेल्दैछ । खेल ओमानको...
-
आईपिएल: पञ्जाब किंग्सलाइ मुम्बई इन्डियन्सले ९ रनले हरायो
काठमाडौं। पञ्जाब किंग्समाथि मुम्बई इन्डियन्सले ९ रनको जित निकालेको छ। इन्डियन प्रिमियर लिग (आईपिएल) अन्तर्गत गएराति टस हारेर सुरुमा ब्याटिङको...
-
सिटीलाई पेनाल्टी सुटआउटमा हराउँदै रियल सेमिफाइनलमा
काठमाडौँ। साविक विजेता म्यानचेस्टर सिटीलाई पेनाल्टी सुटआउटमा हराउँदै रियल मड्रिड यूईएफए च्याम्पियन्स लिगको सेमिफाइनलमा पुगेको छ। इतिहाद स्टेडियममा बुधबार सम्पन्न...
-
साउदी अरेबियालाई छ विकेटले पराजित गर्दै नेपाल सेमिफाइलन प्रवेश
काठमाडौं । एसिसी प्रिमियर कप क्रिकेट प्रतियोगिताअन्तर्गत समूह चरणको आफ्नो अन्तिम खेलमा नेपालले साउदी अरेबियालाई छ विकेटले पराजित गरेको छ...