कविताः निर्वाचन रे क्या !
निर्वाचन रे क्या!
डाक्टर, अस्पताल, एम्बुलेन्स, बिरामी
शिक्षा, सडक, यातायात, खानेपानी
गोरेटो र गल्ली बाटोमा डोजर
कृषिमा क्रान्ति खेतमा नहर
सरकारी भवन, मन्दिर अनि भ्युटावर
सबै युवालाई स्थानीय स्वरोजगार
खै कुन्नि किन हो गाउँ-टोलमा
हिजोआज यिनीहरूकै मात्र हल्ला छ!
तपाईंलाई थाहा छ
यो हल्ला किन हो?
पर्वहरूको पनि महापर्व
मेलाहरुको पनि महामेला
राम, रमिता, रमाइलो सबथोक एकै ठाउँमा रे
महाकुम्भ मेला
बुझ्नु भएन?
निर्वाचन रे क्या, चुनाव!
मानिसहरू गुट-गुट बाँधेर आइरहेछन्
पटक-पटक तपाईंकै घरदैलो ढकढकाइरहेछन्
हँसाएरै मुर्छा पार्ने घोषणा पत्र र मुद्दा बोकी
फेरि पनि तपाईंकै अगाडि कराइरहेछन्….
हजुर हामीलाई भोट दिनुस…
हजुर हामीलाई भोट दिनुस…
श्वासमा अक्सिजनदेखि शीतल छहारीसम्म
भरियाको पिठ्यूँको भारीदेखि हातको लौरीसम्म
सानो दाउरादेखि थाम दलिन, पसाड हुँदै रक्तचन्दनसम्म
अरु त कुरै छोडौँ-
जन्मँदा लिएको पहिलो सासदेखि मृत्युको चिता बनेर घाटसम्म
हामीलाई चाहिने रुख, काठ र अक्सिजन
त्यसैले रुखमा मात्र गरौँ मतदान!
पोले पनि, पिटे पनि सूर्य भनेको सूर्य नै हो
उज्यालो हो, घमाइलो हो, रमाइलो हो
विराटनगरदेखि महेन्द्रनगरसम्म
वीरगंजदेखि नेपालगञ्जसम्म
के असार, के पुस, के माघमा
अब सूर्य सबैको बराबरी भागमा
तपाईं भोट त हाल्नुहोस् हामी रातमा पनि सूर्य नै ल्याउँछौँ
स्टेफन हकिङ्सले भनेजस्तो हराएर जाने सूर्य होइन
चौबीस बाइ सात हरपल तपाईंकै साथ
त्यसैले चुनाव चिन्ह सूर्यमै छाप!
भान्सामा तरकारीदेखि जंगलको घाँस-दाउरा काट्न
सानो किला गाड्नदेखि पहरा र सुरुङ्ग फोड्न
हर समय सदैव माथि
गरिब, निमुखा, सर्वहारा, मजदुर किसान सबैकौ साथी
ढल्नै आँटेको बुढो रूख र ब्ल्याक होल बनेको त्यो सूर्य
अब चिरा-चिरा पारेर हटाउनु छ
अब त केवल सर्वहारा वर्ग मात्र अटाउनु छ
संघर्ष र बलिदानको गौरवपूर्ण इतिहास
मिलेर गर्नुछ अब देशको विकास
त्यसैले आउनुहोस् भोट त हँसिया हथौडामा नै लगाऔँ!
अबको नयाँ सोच
चुनाव चिन्ह त कलममा भोट
फुटेर होइन जुटेर आको
रचनात्मक विकासमा क्रान्ति ल्याएको
अनलाइन र इन्टरनेटको आजको प्रविधि
हुलाकमै अड्केको हाम्रो शासन विधि
हरेक बच्चाको भविष्यको पहिलो साथी
बैँक, स्कुल, अफिस जहाँकहीँ सबैभन्दा माथि
भोट त केवल कलममा नै साथी!
सोझोदेखि बुद्धिमानसम्म
कमजोर निर्धोदेखि तागतवानसम्म
धर्तीमा पूजा लगाउनदेखि स्वर्गमा बैतर्णी तर्नसम्म
देवताको युगदेखि पुँजिदै आको
तपाईं सबैको अन्तिम निर्विकल्प
भोट खसाल्ने त केवल गाई चिन्ह!
तपाईंका हरेक मिटिङदेखि चिया गफसम्म
विभिन्न उत्सवमा रहँदा होस् या तिथि श्राद्धमा
बियर र वाइनका बारमा होस् या पूजाआजाको पञ्चामृतमा
तपाईंको पाइलैपिच्छेको साथी
भोट चाहिँ गिलासमै राख्नु जाति!
यस्तै र त्यस्तै भन्दै
तपाईंको टोल-टोल र बस्ती-बस्तीमा आउँछन्
कौसीबाटै जहाज उडाउने मुद्दादेखि
आँगनमै पानीजहाज ल्याउने एजेण्डा बताउँछन्
तपाईंको नगरलाई सिङ्गापुर अनि देशलाई अमेरिका बनाउँछन्
तपाईंलाई फुर्सद छ भने एकपटक घोषणा पत्र त पढ्नुहोस्
तपाईंलाई हाँसी-हाँसी मुर्छा पर्ने बनाउँछन्
अब कोही नेपाली दुवै कतार र खाडी त के
जापान र अष्ट्रेलिया नि जानुपर्ने छैन
ढुक्क हुनुहोस् हामीले जितेमा तपाईं रोग र भोकले मर्नेछैन
यस्तै र त्यस्तै घन्किरहेछन् सहर, बजार र गल्लीहरूमा
ठूला-ठूला पर्चा पम्पपेल्ट र बोक्रे नाराबाजीहरुमा
त्यसैले तपाईं पनि उठ्नुहोस् आज सहरमा ठूलो पार्टी छ
पूरै गाउँ भोजमय र नोटमय बनिरहेछ
मतदान त जहाँ अनि जहिले पो गरौँला
पहिला पेट अनि गोजी भरौँ
ध्यान, सोच, काम, विचार
ती सब त पछि गरौँ।
तपाईं छुट्नुहोला नि
नछुटाउनु होस् है आइरहेको महाकुम्भ मेला
निर्वाचन रे क्या, चुनाव!
अनि सिंहदरबारसँग प्राथना गरौँ
सदैव चुनावमात्र भइरहोस् मेरो नेपालमा।
Comments
अरु समाचार
-
‘जानकी साहित्यिक पुरस्कार’ भण्डारीलाई
काठमाडौं । विक्रम संवत् २०८० को जानकी साहित्यिक पुरस्कार गुल्मीका साहित्यकार ठाकुर शर्माभण्डारीलाई प्रदान गरिने भएको छ । ‘जानकी प्रतिष्ठान’...
-
नेपथ्यको नयाँ वर्ष स्वागत पूर्वेली सहर बिर्तामोडबाट
काठमाडौं । बिक्रम सम्वत २०८१ को पहिलो सूर्योदयभन्दा अघिल्लो साँझ नेपथ्य पूर्वी नेपालको बिर्तामोडमा प्रस्तुत हुने भएको छ । झापा...
-
डा. अनिलको पुस्तक बिक्रीबाट प्राप्त रकमबाट देशैभर छात्रवृत्ति प्रदान गरिने
काठमाडौं । मुटुरोग विशेषज्ञ डा.ओम मूर्ति अनिलद्वारा लिखित ‘जीवन्त सम्बन्ध’ बिक्रीबाट प्राप्त रकम देशका ७७ जिल्लाका गरिब तथा जेहेन्दार विद्यार्थीलाई...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...
-
राजेशपायल राई रिहा
काठमाडौं । गायक राजेशपायल राई रिहा भएका छन् । गएराति २ बजे काठमाडौंको मदनभण्डारी कलेजनजिकैबाट मदिरा पिएर हो–हल्ला गरेको आरोपमा...
-
कविद्वय ठाकुर बेलबासे र खेमनाथ दाहाललाई ‘व्यथित काव्य सम्मान-२०८०’
काठमाडौं । साहित्यिक पत्रकार सङ्घले कवि ठाकुर बेलबासे र कवि खेमनाथ दाहाललाई ‘व्यथित काव्य सम्मान-२०८०’ प्रदान गर्ने भएको छ।...
-
षड्यन्त्र र घेराबन्दी गरिएको भन्दै ‘काँडेतार’ चलचित्र कुनै पनि हलमा नचलाउने घोषणा
काठमाडौ । शुक्रबारबाट प्रदर्शनमा आएको नेपाली चलचित्र ‘काँडेतार’को निर्माण पक्षले देशैभरिका सिनेमा हलमा आजैदेखि आफ्नो चलचित्र नचलाउने निर्णय लिएको छ।...
-
इलामको रमणीय पाखामा नेपथ्य गुञ्जदै
काठमाडौं । सात दसकअघि मुलुकका मूर्धन्य साहित्यकारहरु भेलाभएर इतिहास रचेको पूर्वी नेपालको एउटा रमणीय मैदानमा आउँदो साता नेपाली लोकरक भाका...
-
मुस्ताङका तीन गाउँले थकालीले ‘त्युङ्ला पर्व’ मनाए (फाेटाेफिचर)
काठमाडौं । काठमाडौंमा मुस्ताङका तीन गाउँले थकालीले त्युङ्ला पर्व मनाएका छन् । काठमाडाैँकाे स्वयम्भु स्थित तीन गाउँले थकाली सेवा समाजकाे...