ताजा समाचार

सरकारले ल्याउन लागेको अध्यादेशविरुद्ध अनेरास्ववियु आन्दोलित

राजनीति
-
       

काठमाडौं । नियमविपरित सरकारले अध्यादेश ल्याउन लागेको भन्दै नेकपा एमाले निकट विद्यार्थी संगठन अनेरास्ववियु आन्दोलित भएको छ । अनेरास्ववियुले काठमाडौंमा विरोध प्रदर्शन समेत गरेको छ। नागरिक उन्मुक्ति पार्टीका नेता रेशम चौधरीलाई रिहा गर्न अध्यादेश ल्याउने काम उपयुक्त नभएको अनेरास्ववियुले जनाएको छ । त्रिचन्द्र क्याम्पस अगाडि मंगलबार बिहान अनेरास्ववियुले विरोध प्रदर्शन गरेको हो ।

प्रदर्शनमा सहभागी विद्यार्थीहरुले राजनीतिमा अपराधीकरण र अपराधको राजनीतिकरण गर्न बन्द गर्नुपर्ने लगायतका नारा लेखिएका प्लेकार्ड बोकेका थिए । घण्टाघर अगाडि आयोजित कोणसभामा बोल्नेहरुले अपराधीहरुलाई छुटाउन अध्यादेशको सहारा लिन खोजेको भन्दै सरकारको आलोचना गरे । उनीहरुले रेशम चौधरीको बहानामा कांग्रेस नेता मोहम्मद अफ्ताव आलमलाई छुटाउन खोजिएको आशंकासमेत गरे ।

Comments

प्रकाशित मिति : 2022-12-13

अरु समाचार

© NewsNepal 2018 - All Right Reserved.
newsnepal.com 2017.hlon.org