युक्रेनको खेरसनमा रुसी आक्रमण,सहर उर्जाविहीन

विश्व प्रवास

- न्यूज नेपाल

मस्को । रुसले युक्रेनमाथि आक्रमण जारी राखेको छ । पछिल्लो समय दक्षिणी सहर खेरसनमा फेरि आक्रमण गरेको अन्तर्राष्ट्रिय सञ्चारमाध्यमहरुले जनाएका छन् । पछिल्लो आक्रमणका क्रममा कम्तीमा दुई जनाको ज्यान गएको जनाइएको छ ।

आक्रमणका कारण खेरसन सहर पूर्णरुपमा उर्जाबिहीन भएको छ । खेरसान क्षेत्रमा विद्युत् सेवा कटौती भएको अन्तराष्ट्रिय सञ्चारमाध्यमहरुले जनाएका छन् । युक्रेनको राष्ट्रपति कार्यालयका उपप्रमुख किरिलो टिमोसेन्कोले सामाजिक सञ्जालमा रुसी सेनाले सहरको केन्द्रमा गोली चलाएको दाबी गरेका छन् ।

रुसी सेनाले गएको फेब्रुअरीमा युक्रेनमा आक्रमण सुरु गरेको थियो । त्यसबेला झण्डै तीन लाख जनसङ्ख्या भएको खेरसन सहरलाई कब्जामा लिएको थियो । तर युक्रेनको सेनाले गएको नोभेम्बरमा यो सहरलाई आफ्नो कब्जामा लिएको थियो । खेरसन सहरमा रुस र युक्रेनका सेनाबीच दोहोरो आक्रमण भइरहेको अन्तर्राष्ट्रिय सञ्चारमाध्यमहरुले जनाएका छन् ।