ताजा समाचार

बसले ठक्कर दिएर विद्यार्थीको मृत्यु भएपछि कञ्चनपुरबासी आन्दोलित

अपराध
- न्यूज नेपाल
       

धनगढी । गाडीले ठक्कर दिएर एक विद्यार्थीको मृत्यु भएपछि कञ्चनपुर क्षेत्र तनावग्रस्त भएको छ । विरोधमा स्थानीयले पूर्वपश्चिम राजमार्ग अवरुद्ध गरेका छन् । दोषीलाई कारवाही र पीडित परिवारलाई क्षतिपूर्तिको माग गर्दै स्थानीयले राजमार्ग अवरुद्ध गरेपछि सवारीसाधन चल्न सकेका छैनन् ।

पूर्व–पश्चिम राजमार्ग अन्तरगत कञ्चनपुरको वेदकोट नगरपालिका ७, सुडामा आज (शुक्रबार) बिहान बसको ठक्करबाट २१ वर्षीय कविराज वैद्यको मृत्यु भएको हो । दार्चुलातर्फ गइरहेको ना ६ ख ६५२१ नम्बरको यात्रुबाहक बसले साइकल चढेर क्याम्पस गइरहेका वैद्यलाई ठक्कर दिएको थियो ।

वैद्य महेन्द्रनगरको कञ्चन विद्या मन्दिर सामुदायिक क्याम्पसमा स्नातक तह प्रथम वर्षमा अध्ययनरत विद्यार्थी हुन् । उनको शव परीक्षणका लागि महाकाली प्रादेशिक अस्पतालमा राखिएको प्रहरीले जनाएको छ ।

Comments

प्रकाशित मिति : 2022-12-16

अरु समाचार

© NewsNepal 2018 - All Right Reserved.
newsnepal.com 2017.hlon.org