विद्यालयमै सुरक्षित छैनन् विद्यार्थी, प्राधानाध्यपबाट निर्घात कुटिए विद्यार्थी

मधेश प्रदेश

- न्युज नेपाल

काठमाडौं। सिरहा नगरपालिका–१२ स्थित सारस्वरनाथ माध्यमिक विद्यालयका एक विद्यार्थीलाई प्रधानाध्यापक लगायतले कार्यालयमै थुनेर निर्घात कुटपिट गरेको खुलेको छ । गत मंगलबार कक्षा ९ मा पढ्ने १६ वर्षीय मो.समीर राइनलााई कक्षा कोठामै कुटपिट भएको हो ।

निर्घात कुटपिटबाट घाइते समीरको सिरहा स्थित प्रदेशीक अस्पतालमा उपचारपछी अहिले घरमा आराम गरिरहेका छन् । घटनापछि उनि विद्यालय गएका छैनन् । समीरका अनुसार गत मंगलबार दिउँसो ३ बजेतिर कक्षाकोठामै पढिरहेका बेला कार्यालय सहयोगीले बोलाएर उनलाई स्टाफ कोठामा लगेका थिए । मलाई स्टाफ कोठामा लगेर गएपछि प्रधानाध्यपक जयचन्द्र यादव, लेखापाल जितेन्द्र यादव र कार्यलय सहयोगी जयनारायण मण्डलले ढोका थुनेर एक घण्टासम्म निर्घात कुटिरहे, समिरले भने , बढि बुझ्ने भइस भन्दै पाइप मुक्कालगायतले तीनै जनाले एकोहोरो कुटिरहे । विद्यालय छुट्टि भएपछि मात्र घाइते अवस्थामा ल्याएर छोडेको उनले बताए ।

समीरका बुबा मो.अकबर मियाँका अनुसार कुटाई अनुहार , टाउको , पिठ्युँ, छाती , खुट्टालगायत शरीरको विभिन्न भागमा नीलडाम र चोट लागेको छ । उनको मंगलबार राति सिरहास्थित प्रदेशीक अस्पतालमा उपचार पछि घरमै राखिएको छ । अहिले पनि टाउको दुखिरहेको छ, समिरले भने शरीर कामिरहेको छ , टाउको घुमिरहेको छ , अब त विद्यालय जान डर लागिरहेको छ ।

यस अघिका प्रधानाध्यापकको सरुवा हुँदा समीरको नेतृत्वमा विद्यार्थीले विरोध गरेको विद्यालय मातहतमा रहेको सारस्वरनाथ गुद्री हटिया ठेक्काको विषयमा आफुले चासो राख्दा छोरामाथि कुटपिट गरेको अकबरको आरोप छ ।

प्रधानाध्यापक जयचन्द्र यादवले परिस्थितिवश त्यस्तो हुन गएको बताए । उनलाई गुरुको हिसाबले सजाय दिएको हँु परिस्थिति यस्तो बन्यो कि उनीमाथी यस्तो भयो , घटनालाई अन्यत्र नमोडौंm मलाई सहयोग गर्नुस प्रअ यादवले भने । अकबरले प्रधानाध्यापक जयचन्द्र , लेखापाल जितेन्द्र र कार्यलय सहयोगी जयनारायणलाई कारबाही माग गर्दै बुधबार प्रहरीमा जाहेरी दिएका छन् ।

सिरहाका प्रहरी प्रमुख एसपी टेकुनन्द इबा लिम्बुले घटनाबारे बुझ्ने काम भइरहेको र आइतबार विद्यालय प्रशासन र विद्यार्थीका अभिभावकलाई बोलाए ।