गैह्रीगाउँ हत्याकाण्डः सीसीटीभी फुटेजमा देखिएका एक जना पक्राउ

Breaking News

- न्युज नेपाल

काठमाडौं। काठमाडौँको तिनकुनेस्थित गैह्रीगाउँमा भएको चार जनाको हत्या घटनामा संलग्न रहेको आशंका थप एक जनालाई प्रहरीले पक्राउ गरेको छ । सीसीटीभी फुटेजमा देखिएका आधारमा संदिग्धलाई प्रहरीले आजै पक्राउ गरेको जनाएको छ ।

उनलाई जिल्ला प्रहरी परिसर काठमाडौंको टोलीले पक्राउ गरेको हो । शुक्रबार राति अन्दाजी ११ः५५ बजेको समयमा काठमाडौँ महानगरपालिका–३२ गैह्रीगाउँमा चार जनाको हत्या भएको थियो ।

गैह्रीगाउँस्थित दिव्य सःमिलभित्र काठले बनेको एकतले जस्ताको टहरोमा धारिलो हतियार प्रहार गरी दोलखा घर भई हाल सोही काष्ठ मिलमा गेटपालेको काम गर्ने वर्ष ५६ वर्षीय कुमार भुजेल, उनी श्रीमती ५२ वर्षीया अम्बिका भुजेल, कुमारकी आमा ७६ वर्षीया शुभद्रा भुजेल र मोरङको बेलबारी स्थायी घर भएका १९ वर्षीय नवीन राईको शव फेला परेको थियो ।

उनीहरुको टाउको तथा शरीरका विभिन्न भागमा धारिलो हतियारको चोट छ। अनुसन्धानका लागि प्रहरीले अनुसन्धान कार्यलयका प्रमुख सोमेन्द्रसिंह राठौर को नेतृत्वमा ५ सदस्यि टोली बनाएर घटनाबारे अनुसन्धान गरिरहेको छ ।