ताजा समाचार

नेपाल सुपर लिग : ललितपुर र झापा भिड्दै

समाचार
- न्युज नेपाल
       

काठमाडौं । नेपाल सुपर लिग (एनएसएल)मा आज ललितपुर सिटी एफसी र झापा एफसी खेल्दै छन् । खेल त्रिपुरेश्वरस्थित दशरथ रंगशालामा साँझ ५ बजेदेखि सुरु हुने छ । आजको खेल जिते ललितपुर प्रतियोगताको शीर्ष स्थानमा उक्लिने छ भने झापा तालिकाको शीर्ष चारमा प्रवेश गर्ने छ ।

प्रतियोगितामा ललितपुरको यो छैटौँ खेल हो । दोस्रो स्थानको ललितपुरले दुई जित र तीन बराबरीसहित नौ अंक जोडेको छ । ललितपुर शीर्ष स्थानको धनगढी एफसीभन्दा दुई अंकले पछि छ । पाँच खेलबाट ६ अंक जोडेको झापा भने तालिकाको छैटौँ स्थानमा छ ।

मंसिर ८ गतेदेखि सुरु भएको प्रतियोगितामा नौ टिमको सहभागिता छ । प्रतियोगिताको यस सिजनमा काठमाडौं रेजर्स, धनगढी एफसी, बुटबल लुम्बिनी एफसी, स्पोर्टिङ इलाम डे मेची एफसी, चितवन एफसी, झापा एफसी, वीरगन्ज एफसी, ललितपुर सिटी एफसी, एफसी बुटवल लुम्बिनी र पोखरा थन्डर्स सहभागी छन् ।

Comments

प्रकाशित मिति : 2023-12-15

अरु समाचार

© NewsNepal 2018 - All Right Reserved.
newsnepal.com 2017.hlon.org