उपप्रधानमन्त्री श्रेष्ठ र सीपीसी तिब्बतका क्षेत्रीय सचिव वाङबीच भेटवार्ता

breaking news

- न्यूज नेपाल

काठमाडौं । उत्तरी छिमेकी मुलुक चीनको नौ दिनको भ्रमणमा रहेका उपप्रधान तथा परराष्ट्रमन्त्री नारायणकाजी श्रेष्ठ र चिनियाँ कम्युनिष्ट पार्टी(सीपीसी) का तिब्बत क्षेत्रीय स्वयत्त समिति सचिव वाङ जुङझेसँग शुक्रबार भेटवार्ता भएको छ । भेटवार्ताका क्रममा उनिहरु बीच आपसी हितका विषयमा छलफल भएको थियो ।

आसन्न लगानी सम्मेलनमा गर्नुपर्ने महत्वपूर्ण कामको तयारी अर्थमन्त्री वर्षमान पुनले परराष्ट्र मन्त्रालयसँग समन्वय गरेर विदेशस्थित नियोगहरुसँग समन्वय गरिरहेका छन् । त्यसैले उपप्रधानमन्त्री श्रेष्ठको नेपालमा महत्वपूर्ण काम नभएकोले चीनको लामो भ्रमणमा रहेको परराष्ट्रका एक अधिकारीले बताए । त्यहीअनुसार अर्थमन्त्री पुनले विदेशी नियोगहरुसँग शुक्रबार लगानी सम्मेलनलाई लिएर कार्यक्रम गरेका थिए ।

चीन भ्रमणमा रहेका उपप्रधानमन्त्री श्रेष्ठले यसअघि नै बेइजिङमा द्विपक्षीय भ्रमण पूरा गरिसकेका छन् । उप्रप्रधानमन्त्री श्रेष्ठ भने अझै मानसरोवर घुमेर छेन्दु हुँदै नेपाल आउने कार्यक्रम छ । उनी चैत १९ मा मात्र नेपाल आइपुग्ने एक अधिकारीले बताएका छन्