ताजा समाचार

बेलायतमा जुलाई ४ मा आमनिर्वाचन हुने

विश्व प्रवास
-
       

काठमाडौं । बेलायतका प्रधानमन्त्री ऋषि सुनकले देशमा आमनिर्वाचनको घोषणा गरेका छन् ।

बुधबार प्रधानमन्त्री सुनकले संसद भंग गर्ने सिफारिस राजाले स्वीकृत गरेको बताउदै आगामी जुलाई ४ मा आमनिर्वाचनको घोषणा गरेका हुन् ।

अब अर्को साता संसद विघटन हुँदैछ र त्यसपछि निर्वाचन प्रक्रिया सुरु हुने बेलायती सञ्चारमाध्यमले जनाएका छन् । बेलायतको सत्तारुढ कन्जरभेटिभ पार्टीका सांसदहरुले प्रधानमन्त्री सुनकलाई हटाउन खोजेपछि उनले निर्वाचनको घोषणा गरेका हुन् ।

संसदको पहिलो बैठक बसेको पाँचौँ वर्ष पूरा भएपछि मात्र संसद विघटन हुनुपर्ने व्यवस्था छ । तर सत्तारुढ दलमा रहेको विवादका कारण त्यसअघि नै निर्वाचनको घोषणा गरिएको छ । बेलायतमा आमचुनाव प्रायः बिहीबार हुने गर्दछ । जुलाई ४, २०२४ मा पनि बिहीबार नै परेको छ ।

Comments

प्रकाशित मिति : 2024-05-23

अरु समाचार

© NewsNepal 2018 - All Right Reserved.
newsnepal.com 2017.hlon.org