के तपाई भिजिट र पर्यटक भिसामा विदेश गएर काम गर्न खोज्दै हुनुहुन्छ ? सचेत हुन विभागको आग्रह
काठमाडौं । नेपाल सरकार गृह मन्त्रालय अन्तर्गत रहेको अध्यागमन विभागले भिजिट र पर्यटक भिसामा विदेश गएर कामको खोजी गर्नु गैरकानुनी कार्य भएकाले सचेत हुन आग्रह गरेको छ । “भिजिट तथा पर्यटक भिसामा विदेश जाने नेपाली नागरिकहरुका लागि यात्रा परामर्श तथा अनुरोध” शीर्षकमा विज्ञप्ति जारी गर्दै विभागले गैरकानुनी किसिमले विदेश जानेहरुलाई सचेत गराएको हो । यस्तो कार्य गरेमा कारवाहीमा परिने र विभिन्न प्रकारका समस्या भोग्नुपर्ने पर्ने भएकाले सचेत रहन विभागले सुझाएको छ ।
भिजिट भिसामा घुम्न जान थप शुल्क वा दस्तुर नलाग्ने भएकोले सेटिङको नाममा विचौलियाहरुले रकम माग गरेमा त्यस्तो रकम नबुझाउन र भिजिट वा पर्यटक भिसामा यात्रा गर्ने यात्रीहरुले भ्रमण गर्ने सम्बन्धित देशको पूर्ण जानकारी लिएर तथा भाषा, संस्कृति र कानुनसम्बन्धी सामान्य जानकारी राखेर मात्र भ्रमण गर्न विभागको आग्रह छ ।
“विभिन्न प्रलोभनमा पारी श्रम गन्तव्य मुलुकहरुमा लैजान बढी रकम असुल गरी ठग्ने, रोजगारदातासँगको मिलेमतोमा असुरक्षित र अमर्यादित श्रम कार्यमा संलग्न गराउन सक्ने, तोकिएकोभन्दा अन्य गन्तव्य मुलुकमा पठाउने, असंगठित र घरेलु प्रकृतिका जोखिमयुक्त कार्यमा संलग्न गराउने, सामाजिक सुरक्षाबाट बञ्चित हुनुपर्नेजस्ता सम्भावना रहेकोले काम गर्ने मनसायले विदेश जाँदै हुनुहुन्छ भने भिजिट वा पर्यटक भिसामा नगई श्रम भिसा (Working Visa) मा श्रम स्वीकृति लिएर मात्र प्रस्थान गर्नुहोस्”, विभागको विज्ञप्तिमा उल्लेख छ ।
यसैगरी सकेसम्म नेपालको विमानस्थलहरुवाट मात्र यात्रा गर्न र भारत वा अन्य तेश्रो मुलुकको विमानस्थल भएर अन्य मुलुकमा यात्रा गर्न चाहेमा सम्बन्धित नेपाली राजदूतावासबाट जारी हुने No Objection Certification (NOC) लिएर यात्रा गर्न र यसरी यात्रा गर्दा थप सजगता एवम् सावधानी अपनाउन भनिएको छ । यस्तै वैदेशिक रोगजारीमा कामदार पठाउन इजाजत प्राप्त संस्थाले पनि वैदेशिक रोगजारीका लागि भिजिट वा पर्यटक भिसामा पठाउन नमिल्ने हुँदा यसतर्फ पनि सावधानी अपनाउन सूचित गरिएको छ ।
मित्रराष्ट्र भारत तथा बेलायती सेनामा नेपाल सरकारको स्वीकृतिमा भर्ना हुने बाहेक अन्य देशका सेना वा सशस्त्र समूहमा भर्ना हुने कार्य पूर्णरुपमा गैरकानुनी र राष्ट्रहित विपरीत कार्य भएकाले यस्ता राष्ट्रहित विपरीतका काममा सहभागी नहुन सबैमा सुझाएको छ । वैदेशिक रोजगारीको सिलसिलामा विदेशमा रहेको बेलामा कुनै सहयोग आवश्यक परेमा उक्त देशमा रहेको वा नजिकको नेपाली दूतावास वा नियोगमा सम्पर्क गर्न पनि विभागले विज्ञप्तिमार्फत आग्रह गरेको छ ।
Comments
अरु समाचार
-
काठमाडौंमा भोलि तेस्रो चीन-नेपाल मिडिया सम्मेलन हुँदै, अन्तर्राष्ट्रिय विषयवस्तुमा छलफलमा केन्द्रित
काठमाडौँ, असोज ९ गते । दक्षिण एसिया नेटवर्क टेलिभिजन तथा नेपाल चाइना मिडिया फोरमद्वारा आयोजित 'चीन नेपाल मिडिया सम्मेलन २०२४'...
-
प्रधानमन्त्री ओली र सामोआका समकक्षीबीच भेटवार्ता
न्युयोर्क (अमेरिका) ९ असोजः संयुक्त राष्ट्रसङ्घको ७९औँ महासभामा भाग लिने क्रममा अमेरिकाको न्युयोर्कमा रहनुभएका प्रधानमन्त्री केपी शर्मा ओली र सामोआका...
-
दुई सय ७० मेगावाट विद्युत् राष्ट्रिय ग्रिडमा जोडिँदै
काठमाडौँ, ९ असोजः एक महिनाभित्र सिन्धुपाल्चोक र रसुवामा सञ्चालित विभिन्न जलविद्युत् आयोजनाबाट उत्पादन भएको दुई सय ७० दशमलव तीन मेगावाट...
-
राष्ट्रपति भने-चाडपर्वको गरिमालाई सम्मानजनक बनाऔँ
काठमाडौँ, ९ असोजः राष्ट्रपति रामचन्द्र पौडेलले जितिया पर्वजस्ता मौलिक चाडपर्वले समाजमा आपसी सम्मान, सद्भाव र सहिष्णुताको भावना जागृत गर्दै मुलुकको...
-
आजको राशिफलः २०८१ साल असोज ९ गते बुधवार
मेषः आलस्य त्यागेर मिहिनेत गर्दा फाइदा उठाउन सकिनेछ। पहिलेको उपलब्धिले पनि उत्साह जगाउनेछ। प्रतिस्पर्धीहरूले समेत सहयोगका हात फैलाउनेछन्। नयाँ काम...
-
नेपाल प्रहरीका ४१ एसपीको सरुवा (सूचीसहित)
काठमाडौं । सरकारले केही प्रहरी उपरीक्षकहरुको सरुवा गरेको छ । नेपाल प्रहरीका ४१ जना प्रहरी उपरीक्षक (एसपी) को सरुवा गरेको...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
विश्वव्यापी विभाजन, तीन युद्ध र सम्भावित मध्यपूर्व सङ्घर्षको छायाँमा विश्वका नेताहरू भेला हुँदै
काठमाडौं । बढ्दो वैश्विक विभाजन, गाजा, युक्रेन र सुडानमा भइरहेका ठूला युद्धहरू र मध्यपूर्वमा अझ ठूलो द्वन्द्वको खतराको छायाँमा विश्वका...
-
विपीन जोशीको रिहाइका लागि सहयोग गरिदिन विश्व समुदायसँग परराष्ट्रमन्त्री डा. राणाको आग्रह
काठमाडौं । संयुक्त राष्ट्रसङ्घको महासभामा सहभागी हुन हाल अमेरिकाको न्युयोर्कमा रहेकी परराष्ट्रमन्त्री डा. आरजु राणा देउवाले नेपाली युवा विपीन जोशीको...