ताजा समाचार

दुई मोटरसाइकल ठोक्किदा दुवै चालकको मृत्यु

Blog
- न्यूज नेपाल
       

काठमाडौं । बर्दियामा दुईवटा मोटरसाइकल आपसमा ठोक्किएर दुर्घटना हुँदा दुवै मोटरसाइकल चालकको मृत्यु भएको छ ।

गुलरिया नगरपालिका – २ निवासी अन्दाजी २८ वर्षीय देवानन्द यादवले चलाएको भे १३ प २६६९ र मधुवन नगरपालिका–८ लालीबजार निवासी अन्दाजी ३० वर्षीय टंकबहादुर विसीले चलाएको भे ६ प ५४१ नम्बरको मोटरसाइकल दुर्घटना हुँदा दुवैजना चालकको मृत्यु भएको हो।

देवानन्दको मोटरसाइकलमा सवार गुलरिया नगरपालिका वडा नम्बर–२ निवासी अन्दाजी ३२ वर्षीय घाइते अनुपम यादवको बाँकेको नेपालगञ्जस्थित नर्सिङ होममा उपचार भइरहेको जिल्ला प्रहरी कार्यालय बर्दियाले बताएको छ ।

घाइतेको अवस्था गम्भीर रहेको बताइएको छ । घटना शनिबार राति साढे ११ बजेतिर भएको हो।

Comments

प्रकाशित मिति : 2025-05-25

अरु समाचार

© NewsNepal 2018 - All Right Reserved.
newsnepal.com 2017.hlon.org