रोट बिक्रीबाट मासिक साठी हजार आम्दानी
पाल्पा, १३ असोज । प्रसिद्ध ऐतिहासिक, धार्मिक र पर्यटकीय भैरवस्थान मन्दिरमा रोट बिक्री गरेर १२ घर परिवारले मासिक रु ६० हजार आम्दानी गर्दै आएका छन् ।
सदरमुकाम तानसेन बजार नजिकै रहेको भैरवस्थान मन्दिर आसपासमा ती घरपरिवारको व्यवसाय नै अहिले रोट बिक्री बनेको छ । रोट भगवान् भैरवको प्रिय वस्तु मानिन्छ । भैरव मन्दिरमा आउने दर्शनार्थीले आफूले गरेको भाकल पूरा भएपछि रोट चढाउने परम्परा छ ।
दिनहुँ भैरव मन्दिरमा दर्शनार्थी बढ्दै गएपछि आसपासका क्षेत्रमा रोट पकाउने व्यवसाय बढ्दै गएको छ । खर्च कटाएर मासिक रु ५० हजारदेखि रु ६० हजारसम्म आम्दानी हुने गरेको स्थानीय व्यापारी रमेश पोखरेलले बताउनुभयो । “पूजाबाहेक अन्य समयमा मासिक रु ३० हजारसम्म आम्दानी हुन्छ,” उहाँले भन्नुभयो ।
पछिल्लो समय भैरव मन्दिरको प्रचारप्रसार बढेपछि दर्शनार्थीले मन्दिरको दर्शन गर्ने, रोट चढाउने क्रममा वृद्धि भएको मन्दिर व्यवस्थापन समितिका अध्यक्ष राजेन्द्रप्रसाद नेपाली बताउनुहुन्छ । चामलको पिठो, चिनी, नरिवल, बदाम, काजुजस्ता वस्तु मिसाएर घ्यूमा रोट पकाउने गरिन्छ । रोटको एक मानाको जोडीलाई रु १५० र पाथीकोलाई रु दुई हजार लिने गरिएको छ ।
स्थानीय व्यापारी तेजबहादुर पोखरेल जतिबेला पनि व्यापार हुने हुँदा परिवारको गुजारा चलाउन सजिलो भएको बताउनुहुन्छ । भैरव मन्दिरमा एसियाकै ठूलो त्रिशूल रहेका कारण पनि यसको गरिमा र महत्व बढ्दै गएको पोखरेलको भनाइ छ ।
पाल्पाका तात्कालीन सेन वंशी राजा मणिमुकुन्द सेनले १६औँ शताब्दीमा भैरव बाबा उत्पत्ति भएको ठाउँमा सो मन्दिर निर्माण गरेका थिए । मन्दिरसँगै रहेका पौवाबाट मणिमुकुन्द सेनले नियमित भैरवको आराधना गर्ने गर्दथे । मन्दिर दुई तलामा रहेको छ । माथिल्लो भागमा बटुक भैरवको मूर्ति छ भने तल्लो भागमा भयङ्कर कालभैरवको मूर्ति रहेको छ ।
माहाकाल भैरव रहेको कोठामा सयौँ वर्षदेखि अखण्ड ज्योति बलिरहेको पुजारी गीतानाथ योगी बताउनुहुन्छ । मन्दिरको छानामा स्वर्ण जलप लगाइएको गजुर रहेको छ । भैरवबाबासँग भाकल गरेमा मनोकामना पूरा हुने विश्वासले देशभरबाट भक्तजन आएर रोट चढाउने र बलि दिने गर्दछन् । दसैँको नवरात्र, वैशाख र मङ्सिरमा सो मन्दिरमा बढी भिड लाग्ने गर्छ । रासस
Comments
अरु समाचार
-
घट्न थाल्यो सुनको मूल्य
काठमाडौं । नेपाली बजारमा बहुमूल्य पहेलो धातु (सुन)को मूल्यल उच्च कीर्तिमान कायम गरेर फेरी घट्न थालेको छ । केहीदिन पहिलासम्म...
-
राष्ट्रिय गौरवका आयोजनासम्बन्धी छुट्टै कानुन ल्याउन सांसदद्वारा माग
काठमाडौं । राष्ट्रियसभाका सांसदहरुले राष्ट्रिय गौरवका आयोजनासम्बन्धी छुट्टै कानुन ल्याउन सरकारको ध्यानाकर्षण गराएका छन् । राष्ट्रियसभा, सङ्घीयता सबलीकरण तथा राष्ट्रिय...
-
‘साना तथा मझौला उद्योग प्रवर्द्धनको प्रयासमा उद्योग वाणिज्य महासंघ’
काठमाडौँ, २ असोजः नेपाल उद्योग वाणिज्य महासङ्ले युवा, महिला एवं साना तथा मझौला उद्यमीको प्रवर्द्धनमा विशेष प्रयास गरिरहेको जनाएको छ...
-
दैलेखमा पेट्रोलियम पदार्थको अन्वेषणको ५५ प्रतिशत काम सकियो
काठमाडौं । दैलेखको भैरवी गाउँपालिका–१ जलजले क्षेत्रमा रहेको पेट्रोलियम पदार्थको अन्वेषण अन्तर्गत ड्रिलिङको काम ५५ प्रतिशत काम सकिएको छ ।...
-
नेप्से परिसूचक ५७ अङ्कले घट्दा कारोबार रकम साढे सात अर्बमा खुम्चियो
काठमाडौं । यो साता कारोबारको लगातार दोस्रो दिन पनि नेपाल स्टक एक्सचेञ्ज (नेप्से) परिसूचकमा गिरावट देखिएको छ । आइतबार ५०...
-
चितवनमा बिक्री भएन पाँचसय मेट्रिक टन मह
काठमाडौं । यहाँ उत्पादन गरिएको महलाई ‘ब्राण्डिङ’ गरेर बजारमा ल्याइएको छ । कालिका नगरपालिकाका मौरीपालक किसान शिवप्रसाद शर्मा पौडेलले उत्पादन...
-
पहेलो धातुको मूल्य हाल सम्मकै उच्च
काठमाडौं । बहुमूल्य पहेलो धातु(सुन)को मूल्यले आज पनि नयाँ रेकर्ड कायम गरेको छ। अघिल्लो दिन प्रतितोला पाँच सय रुपैयाँले बढेको...
-
विदेशी मुद्राको विनिमय दर : आज अमेरिकी डलरको मूल्य बढेन
काठमाडौँ । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार अमेरिकी डलरको...
-
पेट्रोलकाे प्रतिलिटर चार र डिजेलको पाँच रुपैयाँ मूल्य घटाइयो
काठमाडौं । पेट्रोलियम पदार्थको मूल्य घटेको छ । नेपाल आयल निगमले आज राति १२ बजेदेखि लागू हुनेगरी पेट्रोल र डिजेलको...