‘यातायातलाई भारत र चीनसँग जोड्न सकिए मुलुक समृद्धि हुन्छ’
वीरगन्ज, २९ पुस । भौतिक पूर्वाधार तथा यातायात मन्त्री रमेश लेखकले नेपालको यातायात क्षेत्रलाई भारत र चीनसँग जोड्न सकिए मुलुक आर्थिक रुपले समृद्धि हुने बताउनुभएको छ ।
वीरगन्ज उद्योग वाणिज्य सङ्घको ४१ औँ वार्षिक साधारणसभाको आज यहाँ उद्घाटन गर्दै उहाँले भन्नुभयो – देशको आर्थिक विकासका लागि निजी क्षेत्रले लगानी बढाउँदै लैजानुपर्दछ ।
मन्त्री लेखकले मधेसको समस्या समाधान गर्न सरकार गम्भीर भएर संसद्मा संविधान संशोधन प्रस्ताव दर्ता गराएको उल्लेख गर्दै तराई मधेसको भावना समेटिने गरी संविधान संशोधन हुने विश्वास व्यक्त गर्नुभयो ।
आयात निर्यातको केन्द्रविन्दुका रुपमा रहेको आर्थिक नगर वीरगन्जलाई ट्रान्सपोर्ट जोन बनाउन आफूले सरकारसमक्ष प्रस्ताव राख्ने प्रतिबद्धता व्यक्त गर्दै उहाँले तराई मधेसको आर्थिक विकासको मेरुदण्डका रुपमा रहेका हुलाकी राजमार्गको निर्माणका लागि ८४ प्रतिशत ठेक्का काम भइसकेको जानकारी दिनुभयो ।
मन्त्री लेखकले प्रधानमन्त्री दाहालको भारत भ्रमणका बेला हुलाकी राजमार्ग निर्माणका लागि भारत सरकारसँग भएको सहमतिअनुरुप कार्य अगाडी बढेको बताउँदै यो राजमार्गको निर्माणले तराई प्रदेशको आर्थिक विकासमा कोसेढुङ्गा सावित हुने धारणा व्यक्त गर्नुभयो ।
पूर्व–पश्चिम राजमार्गको दक्षिणतर्फ जोडिएको महत्वपूर्ण नाकाहरु बनाउने सरकारको सोच रहेको बताउँदै उहाँले तराई मधेसमा समस्याका रुपमा रहेको यातायात पूर्वाधारको विकास गर्ने सोच सरकारको छ भन्नुभयो ।
वीरगन्ज उद्योग वाणिज्य सङ्घका अध्यक्ष प्रदीपकुमार केडियाको अध्यक्षतामा भएको सो समारोहमा नेपाली काँग्रेसका केन्द्रीय सदस्य फर्मुल्ला मन्सुर, नेपाल उद्योग वाणिज्य महासङ्घका अध्यक्ष पशुपति मुरारकालगायतका वक्ताले वीरगन्जको आर्थिक विकासप्रति सरकार गम्भीर हुनुपर्नेमा जोड दिनुभयो ।
Comments
अरु समाचार
-
घट्न थाल्यो सुनको मूल्य
काठमाडौं । नेपाली बजारमा बहुमूल्य पहेलो धातु (सुन)को मूल्यल उच्च कीर्तिमान कायम गरेर फेरी घट्न थालेको छ । केहीदिन पहिलासम्म...
-
राष्ट्रिय गौरवका आयोजनासम्बन्धी छुट्टै कानुन ल्याउन सांसदद्वारा माग
काठमाडौं । राष्ट्रियसभाका सांसदहरुले राष्ट्रिय गौरवका आयोजनासम्बन्धी छुट्टै कानुन ल्याउन सरकारको ध्यानाकर्षण गराएका छन् । राष्ट्रियसभा, सङ्घीयता सबलीकरण तथा राष्ट्रिय...
-
‘साना तथा मझौला उद्योग प्रवर्द्धनको प्रयासमा उद्योग वाणिज्य महासंघ’
काठमाडौँ, २ असोजः नेपाल उद्योग वाणिज्य महासङ्ले युवा, महिला एवं साना तथा मझौला उद्यमीको प्रवर्द्धनमा विशेष प्रयास गरिरहेको जनाएको छ...
-
दैलेखमा पेट्रोलियम पदार्थको अन्वेषणको ५५ प्रतिशत काम सकियो
काठमाडौं । दैलेखको भैरवी गाउँपालिका–१ जलजले क्षेत्रमा रहेको पेट्रोलियम पदार्थको अन्वेषण अन्तर्गत ड्रिलिङको काम ५५ प्रतिशत काम सकिएको छ ।...
-
नेप्से परिसूचक ५७ अङ्कले घट्दा कारोबार रकम साढे सात अर्बमा खुम्चियो
काठमाडौं । यो साता कारोबारको लगातार दोस्रो दिन पनि नेपाल स्टक एक्सचेञ्ज (नेप्से) परिसूचकमा गिरावट देखिएको छ । आइतबार ५०...
-
चितवनमा बिक्री भएन पाँचसय मेट्रिक टन मह
काठमाडौं । यहाँ उत्पादन गरिएको महलाई ‘ब्राण्डिङ’ गरेर बजारमा ल्याइएको छ । कालिका नगरपालिकाका मौरीपालक किसान शिवप्रसाद शर्मा पौडेलले उत्पादन...
-
पहेलो धातुको मूल्य हाल सम्मकै उच्च
काठमाडौं । बहुमूल्य पहेलो धातु(सुन)को मूल्यले आज पनि नयाँ रेकर्ड कायम गरेको छ। अघिल्लो दिन प्रतितोला पाँच सय रुपैयाँले बढेको...
-
विदेशी मुद्राको विनिमय दर : आज अमेरिकी डलरको मूल्य बढेन
काठमाडौँ । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार अमेरिकी डलरको...
-
पेट्रोलकाे प्रतिलिटर चार र डिजेलको पाँच रुपैयाँ मूल्य घटाइयो
काठमाडौं । पेट्रोलियम पदार्थको मूल्य घटेको छ । नेपाल आयल निगमले आज राति १२ बजेदेखि लागू हुनेगरी पेट्रोल र डिजेलको...