साना सिँचाइ योजना प्रभावकारी
पाल्पा । वर्षौंदेखि बाँझिएका जग्गामा सिँचाइ हुन थालेपछि कृषकलाई ठूलो राहत मिलेको छ ।
जिल्ला कृषि विकास कार्यालयले सञ्चालन गरेको साना किसान सिँचाइ आयोजनाबाट जमिन सिञ्चित मात्र नभई यहाँका कृषकको जीवनस्तर उकासीएको छ । सिँचाइ अभावमा खण्डहरमा परिणत भएका जमिनमा पर्याप्त सिँचाइको सुविधा पुगेपछि कृषकको जीवनशैली फेरिँदै गएको छ ।
रामपुर नगरपालिका–२ गैराका कृषक शिवराज खड्का बाँझिएको पाँच रोपनी जग्गामा सिँचाइ पुगेपछि धान, गहुँ, मकै र तरकारी उत्पादनमा वृद्धि भएको बताउनुहुन्छ । बाह्रै महिना सिँचाइ गर्न सकिएपछि अन्नबालीसँगै अहिले मौसमी तथा बेमौसमी तरकारी खेती गर्दैआएको उहाँको भनाइ छ ।
“सिँचाइ अभावले उत्पादन हुँदैनथ्यो, परिवार पाल्न सधैँ बजारबाट किनेर ल्याउनुपथ्र्यो,” खड्काले भन्नुभयो, “दुई वर्षयता घरकै उत्पादनले गुजारा चलेको छ ।”
रामपुर–६ का हबिबुर रहमान सेखले पाँच मुरी धान फल्ने खेतबाट अहिले ६० मुरी धान उत्पादन गर्नुहुन्छ । सिँचाइको अभावमा आकासे पानीको भरमा खेती गर्दै आउनुभएका सेखको बाँझिएको १० रोपनी जग्गामा पर्याप्त सिँचाइ पुगेको छ । “तीन वर्ष अगाडि कृषि विकास कार्यालयले कुलो निर्माण गरेपछि जग्गा सदुपयोगमा आएको छ,” उहाँले भन्नुभयो ।
सिँचाइ सुविधा पुगेको खण्डमा थोरै जग्गामा पनि प्रशस्त आम्दानी हुने कृषक बताउँछन् । रामपुर–११ सेराका दुर्गादेवी आचार्य आशा मारिसकेको ११ रोपनी जग्गा अहिले सिञ्चित हुँदा सहज रुपमा तरकारी खेती गर्न सकेको बताउनुहुन्छ । सिँचाइ अभावमा खेती गर्न छाडेको सो जग्गामा अहिले धान, मकै, गहुँ, तरकारी उत्पादनका लागि कुनै समस्या छैन ।
कृषि विकास कार्यालयले आव २०५८÷५९ देखि जिल्लामा साना सिँचाइ कार्यक्रम सञ्चालनमा ल्याएपछि खेर गएका बाँझिएका जग्गामा सिँचाइ सुविधा पुगेको हो । बाँझिएका आठ हजार ७५० हेक्टर जमिनमा सिँचाइको पर्याप्त सुविधा पुगेको छ । चालु आवमा २१ वटा कुलो निर्माण तथा १४० वटा प्लास्टिक पोखरी निर्माणका लागि ९४ कृषि सहकारी समूहलाई छनोट गरेको बाली विकास अधिकृत हसमुल्लाह खानले बताउनुभयो ।
त्यस्तै, जिल्लामा आव २०६५÷६६ मा सञ्चालन भएको आइडब्लु आरएमपी कार्यक्रमअन्तर्गत अहिलेसम्म १५ वटा उपआयोजना सञ्चालनमा छन् । रामपुर, कसेनी, कोलडाँडा, मदनपोखरा, दोभान, पोखराथोक, अर्गली, सोमादी, सत्यवती र चिदिपानी क्षेत्रका पाँच सय बढी हेक्टर जमिन सिञ्चित भएको छ । एक हजार १०० घरधुरीका पाँच हजार ८०० जना लाभान्वित भएका छन् । रासस
Comments
अरु समाचार
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
आज सुनको मूल्य बढ्यो
काठमाडौं । लगातार ओरालो लागेको सुनको मूल्य आज भने पुनःउकालो लागेको छ । नेपाल सुनचाँदी व्यवसायी महासङ्घका अनुसार सुन तोलामा...
-
उपल्लो मुस्ताङको पर्यटन विकासमा अर्धनिषेधित क्षेत्रको तगारो, करोडौँ लगानीका होटल सुनसान
म्याग्दी, ४ असोजः मुस्ताङको लोमान्थाङ गाउँपालिका–५ मा रहेको न्युतारा होटलका सञ्चालक निमा विष्ट व्यवसाय छाडेर विदेश पलायन हुनुभएको छ ।...
-
घट्न थाल्यो सुनको मूल्य
काठमाडौं । नेपाली बजारमा बहुमूल्य पहेलो धातु (सुन)को मूल्यल उच्च कीर्तिमान कायम गरेर फेरी घट्न थालेको छ । केहीदिन पहिलासम्म...
-
राष्ट्रिय गौरवका आयोजनासम्बन्धी छुट्टै कानुन ल्याउन सांसदद्वारा माग
काठमाडौं । राष्ट्रियसभाका सांसदहरुले राष्ट्रिय गौरवका आयोजनासम्बन्धी छुट्टै कानुन ल्याउन सरकारको ध्यानाकर्षण गराएका छन् । राष्ट्रियसभा, सङ्घीयता सबलीकरण तथा राष्ट्रिय...
-
‘साना तथा मझौला उद्योग प्रवर्द्धनको प्रयासमा उद्योग वाणिज्य महासंघ’
काठमाडौँ, २ असोजः नेपाल उद्योग वाणिज्य महासङ्ले युवा, महिला एवं साना तथा मझौला उद्यमीको प्रवर्द्धनमा विशेष प्रयास गरिरहेको जनाएको छ...
-
दैलेखमा पेट्रोलियम पदार्थको अन्वेषणको ५५ प्रतिशत काम सकियो
काठमाडौं । दैलेखको भैरवी गाउँपालिका–१ जलजले क्षेत्रमा रहेको पेट्रोलियम पदार्थको अन्वेषण अन्तर्गत ड्रिलिङको काम ५५ प्रतिशत काम सकिएको छ ।...
-
नेप्से परिसूचक ५७ अङ्कले घट्दा कारोबार रकम साढे सात अर्बमा खुम्चियो
काठमाडौं । यो साता कारोबारको लगातार दोस्रो दिन पनि नेपाल स्टक एक्सचेञ्ज (नेप्से) परिसूचकमा गिरावट देखिएको छ । आइतबार ५०...
-
चितवनमा बिक्री भएन पाँचसय मेट्रिक टन मह
काठमाडौं । यहाँ उत्पादन गरिएको महलाई ‘ब्राण्डिङ’ गरेर बजारमा ल्याइएको छ । कालिका नगरपालिकाका मौरीपालक किसान शिवप्रसाद शर्मा पौडेलले उत्पादन...