प्याव्सनलाई व्यावसायिक नेतृत्व दिन चाहन्छु : टीकाराम पुरी (प्याव्सनको केन्द्रिय अध्यक्षका उम्मेद्वार)
निजी क्षेत्रको विद्यालय शिक्षा क्षेत्रमा २५ वर्षदेखि सक्रिय मोरङका टीकाराम पुरी निजी तथा आवासीय विद्यालय अर्गनाइजेसन, नेपाल (प्याब्सन) को आगामी नेतृत्व लिन चाहन्छन् । देशभरका झन्डै २ हजार २ सय प्रतिनिधि सहभागी हुने आगामी १३औँ महाधिवेशनमा उनी अध्यक्ष पदमा प्रतिस्पर्धा गर्ने तयारीमा छन् । विराटनगरस्थित एभरेष्ट उच्च माविका प्रिन्सिपल पुरीसँग न्युज-नेपालले गरेको कुराकानीको सम्पादित अंश :
प्याब्सन अध्यक्षमा उम्मेदवारी दिने तयारीमा हुनुहुन्छ, तपाईको उम्मेदवारी किन ?
सबल, सुदृढ र समृद्ध संगठन निर्माण एवं निजी विद्यालयमैत्री शिक्षा नीतिनिर्माणमा पहल– मेरो उम्मेदवारीका प्रमुख अजेन्डा यही हो । प्याब्सन स्थापना भएको २७ वर्ष भएको छ । यो अवधिमा धेरै कुरामा परिवर्तन भए । तथापि शिक्षा क्षेत्रमा स्थापना कालदेखि उठाएका धेरै मुद्दा थाती नै छन् । संघीयतामा गइसकेपछि थप केही मुद्दा आउन सक्छन् । यी र यस्ता मुद्दा समाधान गर्न नै मेरो उम्मेदवारी आवश्यक छ भन्ने ठम्याइ हो ।
भनेपछि, १३औं महाधिवेशनसम्म प्याब्सनको नेतृत्व ठीक थिएन ?
मेरा अग्रजहरुले काम गर्नुभएन भन्न मिल्दैन । नेपालमा स्थायी सरकार नबनी शिक्षा क्षेत्रका मुद्दा सम्वोधन हुने अवस्था पनि भएन । यसअघिको नेतृत्वले नगरेको होइन । धेरै मुद्दा छन् । ती मुद्दा अब सम्बोधन हुनुपर्छ भन्ने मेरो मान्यता हो ।
हालसम्म प्याब्सनमा राजधानीभित्रको नेतृत्व आयो, अब तपाई राजधानीबाहिरको हुँदा के असर पर्छ ?
हामीले क्षेत्रीय नारा लाउनु हुन्न । मेचीदेखि महाकाली जहाँको भए पनि नेतृत्व गर्न सक्ने हुनुप¥यो । म सफल विद्यालयको प्रिन्सिपल भएको र प्याब्सनमा लामो समयदेखि संलग्न भएर जिल्ला, क्षेत्र र केन्द्रमा नेतृत्व गरिसकेकोले अहिलेको अवस्थामा मेरो नेतृत्व आवश्यक हो । म राजधानीमा बसेर प्याब्सन सफल रुपमा हाँक्ने छु ।
राजधानीमा बसेकाहरु बाहिरकाले प्याब्सन सञ्चालन गर्न असहज हुन्छ भन्छन् नि ? प्रधानमन्त्री, प्रधानन्यायाधीश, सचिव, मन्त्रीहरु पनि राजधानी बाहिरका हुनुभएको छ । पहुँच भन्ने कुरा काठमाडौंमा रहनेको मात्र हुन्न । म काठमाडौंँबाहिरको भए पनि मेरो पहुँच छ ।
प्याब्सनमा कुनकुन पदमा रहेर काम गर्नुभयो ?
म मोरङमा प्याब्सनको सदस्य, सचिव, अध्यक्ष पटकपटक भए । केन्द्रमा उपाध्यक्षसमेत भएर काम गरिरहेको छु । म २५ वर्षदेखि प्याब्सनमा आबद्ध छु ।
निजी विद्यालयमैत्री वातावरण बनाउन के कस्ता काम गर्न सक्नुहुन्छ ?
सरकारले शिक्षा क्षेत्रमा विभेदकारी नीति ल्याएको छ । कक्षा १० पास गरेपछि उच्च शिक्षामा ४५ प्रतिशत आरक्षित छात्रवृत्तिको व्यवस्था छ । निजी विद्यालयबाट कक्षा १० उत्तीर्णलाई सहभागी गराइँदैन । म त्यसलाई हटाउँछु । निजी विद्यालयलाई सरकारले अनावश्यक रुपमा हस्तक्षेप गरेको अवस्था छ । हामी परीक्षा, पाठ्यक्रम र निरीक्षण, अनुगमन नेपाल सरकारले गर्ने व्यवस्था हुनुपर्छ र अन्य क्षेत्रमा निजी विद्यालय स्वायत्त हुनुपर्छ । शिक्षकको तलब, भवनको सबै कुरा पूर्वाधारका कुरा सरकारले तोक्ने अनि शुल्क भने अभिभावकले तोक्ने चलन छ । त्यसलाई हटाउनुपर्छ । संस्थागत विद्यालय सञ्चालनसम्वन्धी निर्देशिका– २०६९ र संस्थागत विद्यालय शुल्क निर्धारण तथा मापदण्ड निर्देशिका– २०७२ खारेज हुनुपर्छ । कक्षा ९ देखि विद्यालय तहमा प्राविधिक शिक्षा निर्धारण गरेको छ । त्यो सरकारीमा मात्र छ । निजीमा दिएको छैन । त्यो निजीले पनि पाउनुप¥यो । अर्काे भनेको अहिले पनि सरकारले निजी विद्यालयमा अभिभावकले पढाएबापत १ प्रतिशत कर तिर्नुपर्छ । सरकारीमा पर्दैन । सामुदायिक विद्यालय निःशुल्क हुने र निजीमा भने कर लगाउने कुरा मिल्दैन । त्यसलाई हटाउनुपर्छ । देशको संविधानअनुसार विद्यालयलाई दुई तहमा विभाजन गरिएको छ । १ देखि ८ सम्म आधारभूत तह र ९ देखि १२ सम्म माध्यमिक तह । यो ठिक छैन । पूरैलाई विद्यालय तह मानिनुुपर्छ भन्ने मेरो मान्यता हो । त्यसका लागि म पहल गर्नेछु । साथै, धेरै संघसंस्थाका भवन बने तर प्याब्सनको आफ्नै केन्द्रीय कार्यालय भवन छैन । केन्द्रीय कार्यालय निर्माण गर्ने पनि मेरो अजेन्डा हो । प्याब्सन ठूलो संस्था हो । विदेशमा रहेका हामीसँग प्रकृति मिल्ने संंस्थासँग सम्बन्ध राख्नुपर्छ भन्ने मेरो मान्यता हो । शैक्षिक कार्यक्रम आदानप्रदान गर्न सक्नुपर्छ । संगठन प्याब्सनको प्रभावकारी रुपमा सञ्चालन गर्न सकिएको छैन । स्पष्ट रुपमा आचारसंहिता र नीतिनिर्देशिका बनाएर बिकास गर्नुपर्छ भन्ने मेरो मान्यता हो । निजी विद्यालयमा कार्यारत शिक्षक, कर्मचारीलाई विपत्तिमा सहयोग गर्न राहत कोष स्थापना गर्ने पनि मेरो लक्ष्य छ । प्याब्सनलाई सामाजिकीकरण गर्नुपर्छ । साना तथा मझौला विद्यालयमा भौतिक पूर्वाधार छैनन् । त्यसका लागि बैंकहरुसँग समन्वय गर्दै ऋण व्यवस्था गर्ने, विद्यालय शान्ति क्षेत्र भनेर सरकारले घोषणा गरेको छ तर अहिले पनि चन्दा आतंक नै छ । त्यसलाई रोक्न पहल गर्नेछु । निजी शिक्षामा पुरानो संगठन प्याब्सन हो । अहिलो एनप्याब्सन, हिसान जन्मिए । तर कक्षा १२ सम्म माध्यमिक तह भएकाले समग्र विद्यालय तहको हकहितका लागि प्याब्सन मात्र भए पुग्छ । म त्यसका लागि पहल गर्छु । म प्याब्सन नेतृत्व लिएर चुनौतीलाई अवसरका रुपमा बहन गर्न चाहन्छु ।’
_____________________________________________
_____________________________________________
यो पनि पढ्नुहोस् ।
http://news-nepal.com/%E0%A4%B9%E0%A4%BE%E0%A4%AE%E0%A5%8D%E0%A4%B0%E0%A5%8B-%E0%A4%B5%E0%A4%BF%E0%A4%95%E0%A4%BE%E0%A4%B8-%E0%A4%95%E0%A4%B8%E0%A5%8D%E0%A4%A4%E0%A5%8B-%E0%A4%9A%E0%A4%BE%E0%A4%B9%E0%A4%BF%E0%A4%A8/
Comments
अरु समाचार
-
तनहुँ कारागारमा क्षमताभन्दा बढी बन्दी
काठमाडौं । जिल्ला कारागारमा तीन सय २३ कैदीबन्दी छन् । दैनिकरुपमा कैदीबन्दी थपिने क्रम बढेसँगै व्यवस्थापनमा समस्या भएको कारागार प्रशासनले...
-
अठार वर्षपछि सडक कालोपत्र
काठमाडौं । जिल्लाको मालिका गाउँपालिका–६ दरवाङको उपल्लो बजारको बाटो १८ वर्षपछि कालोपत्र भएको छ । पूर्वाधार विकास कार्यालयले उपल्लो दरवाङको...
-
खेल पर्यटन प्रवर्द्धनार्थ ‘काँक्रेबिहार म्याराथन दौड प्रतियोगिता’
काठमाडौं । कर्णालीको खेल पर्यटन प्रवर्द्धनका लागि ‘काक्रेबिहार म्याराथन दौड प्रतियोगिता’को दोस्रो संस्करण सञ्चालन हुने भएको छ । मिड वेस्टर्न...
-
सुन तोलामा रु आठ सयले घट्यो
काठमाडौं । स्थानीय बजारमा पहेँलो धातुको मूल्य आज तोलामा रु आठ सयले ओरालो लागेको छ । नेपाल सुनचाँदी व्यवसायी महासङ्घका...
-
करेन्ट लागेर धनुषामा एकको मृत्यु
काठमाडौं । धनुषामा करेन्ट लागेर ३० वर्षीय एक युवकको मृत्यु भएको छ । आज बिहान ६ बजे बटेश्वर गाउँपालिका–२ रमौली...
-
यातायात कार्यालय धनगढीद्वारा रु. ५१ करोड राजश्व सङ्कलन
काठमाडौं । यातायात व्यवस्था कार्यालय धनगढीले चालु आर्थिक वर्षको हालसम्म रु। ५१ करोड बढी राजश्व सङ्कलन गरेको छ । यातायात...
-
कोशी प्रदेशमा आजै नयाँ सरकार, हिक्मत कार्की मुख्यमन्त्री बन्ने
काठमाडौं । कोशी प्रदेशमा बिहीबार नयाँ सरकार गठन हुने भएको छ। नेकपा एमाले र नेकपा माओवादी केन्द्रले आजै प्रदेश प्रमुख...
-
आजको राशिफल: २०८१ वैशाख २७ गते बिहीबार
मेषः अरूको मुख ताक्ने बानीले आफ्नो काम अधुरो रहनेछ। शुभचिन्तकहरूको भावना बुझेर अघि बढ्नुहोला। धेरै मिहिनेतले मात्र चिताएको काम बन्नेछ।...
-
जन्मदाता आमालाई सम्मान गर्दै ’आमाको मुख हेर्ने पर्व’ मनाइँदै
काठमाडौं । प्रत्येक वर्ष वैशाख कृष्ण पक्ष औंसीका दिनमा जन्मदाता आमालाई सम्मान गरी मनाइने आमाको मुख हेर्ने पर्व आज देशभर...