पत्रकार दाहाल शान्ति समाजबाट बर्खास्त
काठमाडौं । वरिष्ठ पत्रकार पुरुशोत्तम दाहाललाई मानवअधिकार तथा शान्ति समाजले बर्खास्त गरेको छ । उनलाई शान्ति समाजको आजिवन सदस्यता खारेज गर्दै समाजमा अबदेखि आवद्धता नभएको जनाएको हो । पत्रकार दाहालले लेखेको मेरो पत्रकारिता पुस्तकमा शान्ति समाजप्रति कपोकल्पित कुरा उल्लेख भएको समाजले प्रेस विज्ञप्तिमार्पmत जनाएको छ ।
प्रेस विज्ञप्तिको पूर्ण पाठ
पुरुषोत्तम दाहालको मानव अधिकार तथा शान्ति समाजको आजीवन सदस्यता खारेज
पुरुषोत्तम दाहालद्धारा लिखित “मेरो पत्रकारिता” नामक पुस्तकमा मानव अधिकार तथा शान्ति समाजबारे कपोलकल्पित भ्रामक र झुठा कुराहरु लेखी संस्थामाथि निकृष्ट प्रहार गरेको पाइएको सन्दर्भमा पुरुषोत्तम दाहालको मानव अधिकार तथा शान्ति समाजको आजीवन सदस्यता समाप्त किन नगर्ने भनी २०७३/०६/१८ गते को पत्राचार मार्फत स्पष्टिकरण माग गरिएको र निजबाट चार पाताको जबाफ प्राप्त भएको थियो । राष्ट्रिय परिषद् बैठक मानव अधिकार तथा शान्ति समाजको सर्वोच्च नीति निर्णायक निकाय भएकोले पुरुषोत्तम दाहालको आजीवन सदस्यता खारेजी सम्बन्धी विषय पनि २०७३ मंसिर १०/११ गते वुटवलमा सम्पन्न १९ औँ राष्ट्रिय परिषद् बैठकमा निर्णयार्थ प्रस्तुत गरिएको थियो ।
यस सम्बन्धमा पुरुषोत्तम दाहाललाई केकासका महासचिवले लेखेको स्पष्टिकरण पत्र, निजबाट प्राप्त ४ पाताको जबाफ, काठमाण्डौँ–वुटवल–काठमाण्डौँ हवाई भाडा समेत केकासले नै वेर्होने विवरणसहित १९ औँ रा।प।बैठकमा सहभागिताका लागि केकासका तर्फबाट पुरुषोत्तम दाहाललाई पठाइएको निमन्त्रणा पत्र, रा।प।बैठकमा उपस्थित हुन असमर्थ भएको नीजको प्रतिउत्तर पत्र परिषद् बैठकका सबै सहभागिहरुलाई वितरण गरिएको थियो । साथै नीजले शान्ति समाज विरुद्ध आफ्नो पुस्तकमा लेखेका अंश र ति कुराहरु झुठा भएको प्रमाण स्वरुप समाजको २०५९ असोज महिनामा चितवनमा सम्पन्न पाँचौ राष्ट्रिय परिषद् बैठकको संक्षिप्त विवरण सहितको दस्तावेजहरु पनि सहभागिहरुलाई उपलब्ध गराइएको थियो । यस सम्बन्धमा पुरुषोत्तम दाहालले शान्ति समाज जस्तो स्वयंसेवी र स्वाभिमानी संस्थामाथि मर्यादाका सारा सीमा नाघेर लगाएको आरोपको राष्ट्रिय परिषद् बैठकले निन्दा एवं भत्र्सना गरेको र पुरुषोत्तम दाहालले गरेको सो फटाइँ र निकृष्ट कृत्यको निन्दा गरेको थियो । निजको आजीवन सदस्यता खारेज गर्ने सम्बन्धमा एक पटक निजलाई पत्राचार गर्ने र यदि नीजले गल्ति स्विकार गरी क्षमा याचना गरे आजीवन सदस्यता खारेजीको विषय त्यही टुङ्गीने र गल्ति स्विकारसहित क्षमा याचना नगरे निजको आजीवन सदस्यता खारेज गर्ने निर्णय राष्ट्रिय परिषद् बैठकले सर्वसम्मतिबाट गरेकोले राष्ट्रिय परिषद् बैठकको निर्णय बमोजिम २०७३ माघ १९ गते पुरुषोत्तम दाहाललाई पुनः पत्र लेखिएको थियो र आफ्नो धारणा २०७३ फागुन ४ गते सम्ममा मानव अधिकार तथा शान्ति समाज केन्द्रीय कार्यालयमा प्राप्त हुने गरी पठाउन आग्रह गरिएको थियो । साथै यस सम्बन्धमा निर्णय गर्न केकासका सभापति, महासचिव र संस्थापक सदस्य कृष्ण कंडेल सम्मिलित समितिलाई अधिकार प्रत्यायोजन गर्ने निर्णय पनि राष्ट्रिय परिषद् बैठकबाट सर्वसम्मतीबाट भएको थियो । यस सम्बन्धमा २०७३ फागुन ८ गते सम्ममा पनि पुरुषोत्तम दाहालका तर्फबाट कुनै प्रतिउत्तर प्राप्त नभएको हुदाँ १९ औँ राष्ट्रिय परिषद् बैठकको निर्णय अनुसार पुरुषोत्तम दाहालको मानव अधिकार तथा शान्ति समाजको आजीवन सदस्यता खारेज ‘समाप्त’ भएको छ ।
समाजका तर्फबाट
उत्तम पुडासैनी
महासचिव
Comments
अरु समाचार
-
आजको राशिफल: २०८१ वैशाख २७ गते बिहीबार
मेषः अरूको मुख ताक्ने बानीले आफ्नो काम अधुरो रहनेछ। शुभचिन्तकहरूको भावना बुझेर अघि बढ्नुहोला। धेरै मिहिनेतले मात्र चिताएको काम बन्नेछ।...
-
जन्मदाता आमालाई सम्मान गर्दै ’आमाको मुख हेर्ने पर्व’ मनाइँदै
काठमाडौं । प्रत्येक वर्ष वैशाख कृष्ण पक्ष औंसीका दिनमा जन्मदाता आमालाई सम्मान गरी मनाइने आमाको मुख हेर्ने पर्व आज देशभर...
-
आजको राशिफल : २०८१ वैशाख २६ गते बुधवार
मेषः रमाइलो जमघटका बीच स्वादिष्ट भोजनको आनन्द प्राप्त हुनेछ। पहिलेको सफलताले थप हौसला र महत्त्वाकांक्षा बढाउनेछ। नयाँ कामको प्रस्ताव आउनेछ...
-
हेटौँडा कला महोत्सव जेठमा
काठमाडौं । कला क्षेत्रको महत्व बुझाउने उद्देश्यले आगामी जेठमा ‘हेटौँडा कला महोत्सव’ आयोजना हुने भएको छ । स्यार्टडे प्लेन आर्टको...
-
सदनलाई बाधारहित सञ्चालन गर्न सभामुखको आग्रह
काठमाडौं । सभामुख देवराज घिमिरेले आह्वान गर्नुभएको प्रमुख राजनीतिक दलका शीर्ष नेताहरुको बैठकमा प्रतिनिधिसभाको बैठकलाई नियमितरुपमा बाधारहित सञ्चालन गर्ने विषयमा...
-
चितवनमा बाघ र गैँडा मृत फेला
काठमाडौं । चितवन राष्ट्रिय निकुञ्जमा आज बाघ र गैँडा मृत फेला परेका छन् । निकुञ्जको भित्र भिमपुर क्षेत्रमा बाघ तथा...
-
खोटाङका अग्निपीडितलाई आर्थिक सहयोग
काठमाडौं । हलेसी तुवाचुङ नगरपालिका–९ सल्लेका अग्निपीडित परिवारलाई सहयोगस्वरुप रु एक लाख ७६ हजार प्रदान गरिएको छ ।यही वैशाख १४...
-
चट्याङ लागेर बालकको मृत्युु, तीनजना घाइते
अछाम । अछामकाे रामारोशन गाउँपालिका–७, मेलकाटिया निवासी कमल भण्डारीका ६ वर्षीय छोरा गौरवको चट्याङ लागेर मृत्यु भएको छ । सोमबार...
-
अदुवा उत्पादक कृषक मारमा
काठमाडौं । समयमा नै पानी नपरेपछि समय घर्किने भयले अदुवा उत्पादक कृषक चिन्तामा परेका छन् । बैशाख दोस्रो साताभित्र अदुवा...