‘लुट्न’ सिकाउने चलचित्र लुट–२ !
काठमाडौं । चार वर्ष अगाडि रिलिज भएको चलचित्र ‘लुट’ले एउटा भिन्न नाम र परिचय बनायो । दर्शकको मन यसरी जित्यो की ‘लुट’का निर्देशक र ‘लुट’का धेरै कलाकारलाई स्थापित नै ग¥यो । खासै चर्चामा नआएका निश्चल बस्नेतले निर्देशन गरेको चलचित्रले नेपाली चलचित्रमा एउटा कोसेढुङ्गाको रुपमा स्थापित गरेको फिल्मका पण्डितहरु बताउँछन् । उनै युवा निर्देशन निश्चल बस्नेतले चार वर्षपछि तेस्रो चलचित्रका रूपमा पहिलो चलचित्रको सिक्वेल लुट २ लिएर दर्शकमाझ आएको दुई साता नवित्दै चलचित्रले आक्रामक व्यापार गगरेको छ ।
‘लुट’ मा हाकु ‘सौगात मल्ल’ले गोफ्ले ‘दयाहाङ राई’, पाण्डे ‘सुशीलराज पाण्डे’, खत्री ‘प्रतीकराज न्यौपाने’ र नरे ‘कर्मा शाक्य’ लाई पैसाको सपना देखाएर सहकार्यका लागि एक ठाउँमा भेला गराएको थियो । तर, अन्तिममा हाकुले उनीहरूलाई धोका दिएको थियो । जेल परेका उनीहरू भूकम्पका बेला जेल तोडेर भाग्छन् ।
रिसले बाघजस्ता भएका उनीहरू हाकुलाई खोज्छन् । पटक-पटक भेट्छन् पनि । बदला लिन खोज्छन् ।
तर, गल्लिबाट उठेर महलमा पुगेको ‘मास्तर प्लान’वाला हाकु पनि कमको हुँदैन ।
उसको ‘मास्तर प्लान’ यथावतै हुन्छ । गोफ्ले, पाण्डे, खत्री र नरेको जीवन भने घन्टाघरको घडीको सुई जस्तै यताउति हल्लिरहन्छ । मूलबाटो पक्रिन सक्तैन । यही हो ‘लुट–२’ को ‘मास्टर’ कथा । विद्यमान अस्थिर राजनीतिक, मौलाउँदो कालोबजारी र त्यसको परिणाम नै ‘लुट–२’ को लगलाइन हो ।
भारतले नेपालमाथि लगाएको नाकाबन्दीको मौका छोपेर गरिएको कालो धन्दा चलचित्रले छर्लङ्ग पारिदिएको छ । चलचित्रका मुख्य पात्रहरू नाकाबन्दीको मौका छोपेर मौन प्रशासनको फाइदा लुट्दै कालो धन्दामा सक्रिय हुन्छन् । राज्य बेखबर हुन्छ ।
भूकम्पको मौकामा जेलबाट भागेका नरे ‘कर्मा’, गोफ्ले ‘दयाहाङ’ पाण्डे ‘सुशील राज पाण्डे’, देवेन ‘प्रतिक राज न्यौपाने’ आफूलाई फसाएका हाकुसँग बदला लिन लाई दिनरात खोजिरहेका छन्। उनीहरूले हाकुलाई कसरी भेट्टाउँछन् र आफ्नो बदला लिन सक्छन् या सक्दैनन् यसैको सेरोफेरोमा चलचित्रको कथा रहेको छ।
‘लुट’ मन पराएका दर्शकलाई ‘लुट २’ कतिको राम्रो छ कि छैन ? भन्ने प्रश्नमा पत्रकार केदारनाथ नेपाल ‘निश्चल’ले ‘लुट २’ राम्रो रहेको प्रतिक्रिया दिए । कुनै पनि चलचित्रको सिक्वेल भनेपछि उही पात्र र जहाँ सकिएको हुन्छ कथा त्यहाँबाट सुरु भन्ने बुझिन्छ । जुन कुरा ‘लुट’को सिक्वेल ‘लुट २’ मा रहेको छ । चलचित्रले दर्शकलाई हसाउँनेसँगै चलचित्रमा सस्पेन्स् पनि रहेको छ । जसको कारणले पनि दर्शकलाई चलचित्र हेर्दासम्म बोर फिलिङ हुँदैन ।
करिब २ घण्टा १० मिनेटको चलचित्रमा कुनै कुनै दृश्यमा क्यामरा फोकश आउट हो की जस्तो लाग्छ । जसको कारणले दर्शकलाई हेर्दा किन सफा आएन् भन्ने लाग्न सक्छ । चलचित्रमा सबै कलाकारहरूको अभिनय दमदार छ । सौगातले आफूलाई ‘हाकुु’को रुपमा पहिलेको जस्तै गरी समाइरहेका छन् । दयाहाङ आफू ‘गोफ्ले’ बनेको भूमिकामा एकदमै दमदार छन् । ‘पित्तल’ बनेका विपिन कार्कीले आफ्नो अभिनयबाट पित्तललाई सहज रुपमा उभ्याएका छन्।
नरे बनेका कर्मा र खत्री बनेका प्रतिकले पनि पाएको भूमिकालाई सहज निर्वाह गरेका छन् ।
यसै गरी सिर्जना सुब्बा ‘पुतली’ र प्रविण खतिवडा ‘माने’को काम स्वभाविक छ। चलचित्रमा नवप्रवेशी अलिशा राईले पाएको ‘सुन्दरी’को भूमिकालाई पनि सहजै गरेकी छन्। यसैगरी कामेश्वर चौरसियाले राम्रो काम गरेका छन्। कामेश्वर चौरसियाको श्रीमती बनेकी सरिता साहले सानो रोल भएपनि राम्रो अभिनय गरेकी छिन् ।
निर्देशकका रूपमा निश्चल चलचित्रमामा सर्वोत्कृष्ट नभए पनि झुर्र पनि छैनन्। चलचित्रमा रहेका संवादका लागि भने निश्चल प्रशंसाका पात्र हुन्। ‘लुट’मा रहेको संवाद लयलाई उनले यसमा पनि उत्कृष्ट ढंगले निरन्तरता दिएका छन्। संवादहरु बोलिँदा हलमा दर्शकहरूले गर्ने हल्ला र तालीबाट उनको संवादहरुलाई दर्शकहरुले मन पराएको सहजै प्रमाणित हुन्छ ।
छायाँकारका रूपमा पुरूषोत्तम प्रधानको सिनेम्याटोग्राफी राम्रै रहेको छ। रोहित शाक्य तथा शैलेश श्रेष्ठको काम पनि तारिफ योग्य नै छ। दन्द्व निर्देशन राजकुमार उप्रेतीको काम पनि अब्बल नै रहेको छ। समग्रमा ‘लुट’ मनपराएका दर्शकलाई ‘लुट २’ले निराश भने पार्दैन। चलचित्र हेरिरहँदा दर्शकले मनोरञ्जन लिन्छन्।
Comments
अरु समाचार
-
‘जानकी साहित्यिक पुरस्कार’ भण्डारीलाई
काठमाडौं । विक्रम संवत् २०८० को जानकी साहित्यिक पुरस्कार गुल्मीका साहित्यकार ठाकुर शर्माभण्डारीलाई प्रदान गरिने भएको छ । ‘जानकी प्रतिष्ठान’...
-
नेपथ्यको नयाँ वर्ष स्वागत पूर्वेली सहर बिर्तामोडबाट
काठमाडौं । बिक्रम सम्वत २०८१ को पहिलो सूर्योदयभन्दा अघिल्लो साँझ नेपथ्य पूर्वी नेपालको बिर्तामोडमा प्रस्तुत हुने भएको छ । झापा...
-
डा. अनिलको पुस्तक बिक्रीबाट प्राप्त रकमबाट देशैभर छात्रवृत्ति प्रदान गरिने
काठमाडौं । मुटुरोग विशेषज्ञ डा.ओम मूर्ति अनिलद्वारा लिखित ‘जीवन्त सम्बन्ध’ बिक्रीबाट प्राप्त रकम देशका ७७ जिल्लाका गरिब तथा जेहेन्दार विद्यार्थीलाई...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...
-
राजेशपायल राई रिहा
काठमाडौं । गायक राजेशपायल राई रिहा भएका छन् । गएराति २ बजे काठमाडौंको मदनभण्डारी कलेजनजिकैबाट मदिरा पिएर हो–हल्ला गरेको आरोपमा...
-
कविद्वय ठाकुर बेलबासे र खेमनाथ दाहाललाई ‘व्यथित काव्य सम्मान-२०८०’
काठमाडौं । साहित्यिक पत्रकार सङ्घले कवि ठाकुर बेलबासे र कवि खेमनाथ दाहाललाई ‘व्यथित काव्य सम्मान-२०८०’ प्रदान गर्ने भएको छ।...
-
षड्यन्त्र र घेराबन्दी गरिएको भन्दै ‘काँडेतार’ चलचित्र कुनै पनि हलमा नचलाउने घोषणा
काठमाडौ । शुक्रबारबाट प्रदर्शनमा आएको नेपाली चलचित्र ‘काँडेतार’को निर्माण पक्षले देशैभरिका सिनेमा हलमा आजैदेखि आफ्नो चलचित्र नचलाउने निर्णय लिएको छ।...
-
इलामको रमणीय पाखामा नेपथ्य गुञ्जदै
काठमाडौं । सात दसकअघि मुलुकका मूर्धन्य साहित्यकारहरु भेलाभएर इतिहास रचेको पूर्वी नेपालको एउटा रमणीय मैदानमा आउँदो साता नेपाली लोकरक भाका...
-
मुस्ताङका तीन गाउँले थकालीले ‘त्युङ्ला पर्व’ मनाए (फाेटाेफिचर)
काठमाडौं । काठमाडौंमा मुस्ताङका तीन गाउँले थकालीले त्युङ्ला पर्व मनाएका छन् । काठमाडाैँकाे स्वयम्भु स्थित तीन गाउँले थकाली सेवा समाजकाे...