आइजिपी नहुँदा प्रहरीमा भद्रगोल,निमित्तको आदेश कसैले टेदैनन्
काठमाडौं । दुई महिनादेखि महानिरीक्षकविहीन बनेको नेपाल प्रहरीमा निमित्त आइजिपी डाक्टर दिनेशचन्द्र पोखरेल भएपनि इलाका प्रहरी चौकीदेखि प्रधान कार्यालयसम्म समस्या देखिन थालेको छ । निमित्त आइजिपी बनेका डाक्टर दिनेशचन्द्र पोखरेललाई केही निर्णय गर्ने अधिकार नरहेकोले मुनिका प्रहरी अधिकृत उनलाई टेर्दैनन्।
प्रहरी प्रधान कार्यालय स्रोतका अनुसार पोखरेललाई कुनै अधिकार नदिएकाले एसएसपी र डिआइजी तहका प्रहरी अधिकृतले समेत उनको आदेश पालना गर्दैनन्। संगठनको काममा पोखरेललाई उनको सचिवालयमा रहेका एसएसपी सर्वेन्द्र खनालले सघाइरहेका छन् र प्रहरी अधिकृतलाई दिइने बिफ्रिङ, मातहतका निकायलाई दिने निर्देशन पनि एसएसपी खनालले नै तयार पारदिने गरेको स्रोतले बतायो।
फागुन २ गते उपेन्द्रकान्त अर्यालले अवकाश पाएपछि सरकारले डिआइजी जयबहादुर चन्दलाई आइजीपीमा नियुक्त गर्ने निर्णय गरे पनि सर्वोच्चले चैत ८ गते त्यो निर्णय बदर गरिदियो।
प्रधानन्यायाधीश सुशीला कार्कीसहितको पूर्ण इजलासले जयबहादुर चन्दलाई आइजीपी बनाउने निर्णय बदर गर्दै चाँडोभन्दा चाँडो आइजीपी नियुक्त गर्न परमादेश जारी गरेको थियो।
अदालतले परमादेश दिएको दुई साता बितिसक्दा पनि सरकारले प्रहरीको आइजीपी नियुक्त गर्न सकेको छैन । अहिले एआइजी डाक्टर दिनेशचन्द्र पोखरेलले निमित्त आइजीपी बनेर प्रहरी चलाइरहेका छन्।
प्रहरी प्रमुख नियुत्त नहुदाँ संगठनले कुनै बजेट चलाउन नपाउने भएका कारण प्रहरी बस्दोबस्तीका सामान पनि किन्न नसकिएको अवस्थामा पुगेको प्रहरी प्रधान कार्यालयले जनाएको छ।
त्यस्तै संगठन प्रमुख नहुदाँ डिआइजी हुुनुपर्ने एसएसपीहरु, एसएसपी हुनुपर्ने एसपीहरु र एसपी हुनुपर्ने डिएसपीहरुको बढुवा पनि रोकिएको छ। १ वर्षपछि आइजीपी हुने एसएसपीमा नै थन्किएर रहेका छन्।
प्रहरी प्रमुख नहुदाँ माथिल्लो तहबाट आउने दबाब कम भएपन यसले गर्दा प्रहरीको काम कारबाहीमा भने ढीला सुस्ती आएको एक प्रहरीले बताएका छन्
प्रहरी प्रमुख कसलाई बनाउने भन्ने विवादले अझै नेपाल प्रहरी अन्योलमा रहेको छ,’ एक प्रहरी अधिकृतले भने ‘राजनीतिक हस्तक्षेपका कारण हाम्रो संगठन इन्जिन नभएको रेलजस्तै थन्किएको छ, कुनै नीतिगत निर्णय गर्न सकेको छैन, केही पनि गर्न नसक्ने, कतैपनि चल्न नसक्ने अवस्थामा प्रहरी संगठन पुगेको छ।’
आइजीपीले प्रयोग गर्ने अधिकार मात्र निमित्त आइजीपीलाई दिएको भए, चेन अफ कमाण्ड पनि नभत्कने, नीतिगत निर्णय गर्न सकिने, तल्लो तहका प्रहरी अधिकारीले निमित्त आइजीपीलाई टेर्ने अवस्था हुने ती प्रहरी अधिकृतले बताए । प्रायजसो काम खनालको सहयोगमा पोखरेलले जेनतेन चलाएका छन् तर अर्को महिना हुने स्थानीय तहको चुनावमा उनको आदेश प्रहरी ले टेर्लान् भन्ने आम जिज्ञासा जनमानसमा आएको छ ।
Comments
अरु समाचार
-
मुटुरोग विशेषज्ञको अन्तर्राष्ट्रिय सम्मेलन चितवनमा
चितवन । मुटुरोग विशेषज्ञको अन्तर्राष्ट्रिय सम्मेलन चितवनमा जारी छ । राष्ट्रिय मुटु तथा फोक्सो समाज (नेशनल हर्ट एण्ड लङ्गस सोसाइटी...
-
अमेरिकी डलर, यूरो र पाउन्डको मूल्य घट्यो
अमेरिकी डलर, यूरो र पाउन्डको मूल्य घट्यो काठमाडौँ । शुक्रबारको तुलनामा शनिबार अमेरिकी डलरका साथै यूरो र पाउन्ड स्ट्रलिङको मूल्यमा...
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...