संशोधन विधेयक सहमतिमा पारित हुन्छ : प्रधानमन्त्री
काठमाडौँ, २९ चैत । प्रधानमन्त्री पुष्पकमल दाहाल ‘प्रचण्ड’ले आगामी स्थानीय तहको निर्वाचनका लागि राजनीतिक वातावरण बनाउन प्रतिपक्षसँग पर्याप्त छलफल गरेर ल्याइएको संविधान संशोधन विधेयक सबैको सहमतिमा पारित हुने विश्वास व्यक्त गर्नुभएको छ ।
व्यवस्थापिका–संसद्, सुशासन समितिको आजको बैठकमा उहाँले सिङ्गो राष्ट्रलाई निर्वाचनमा लैजान प्रतिपक्ष र संयुक्त लोकतान्त्रिक मधेसी मोर्चासँग छलफल गरेर तयार गरिएको विधेयकमा दलबीच सहमति र समझदारी हुने बताउनुभयो ।
स्थानीय तहको निर्वाचन वैशाख ३१ गते नै हुन्छ कि हुँदैन भनेर अब पनि द्विविधामा नबस्न राजनीतिक दल र मतदातालाई आग्रह गर्दै उहाँले भन्नुभयो, “हिमाल, पहाड र तराईमा उठेका भावनालाई सम्बोधन गरेर निर्वाचनमा जाने सन्दर्भमा ३१ गतेको निर्वाचनलाई केन्द्रमा राखेर स्थानविशेषमा केही दिनभित्रै दुई चरणमा पनि गर्न सकिन्छ ।”
अर्काे प्रसङ्गमा उहाँले कार्य मूल्याङ्कनलाई वैज्ञानिक, पारदर्शी र वस्तुवादी बनाई अदालतको आदेशलाई सम्मान गर्दै कार्यकारी अधिकारको समेत रक्षा गर्दै नेपाल प्रहरीको महानिरीक्षकको नियुक्ति गरिएको हुँदा यो सुशासनको नमुनाको घटनाका रुपमा रहने बताउनुभयो ।
प्रधानमन्त्री दाहालले भन्नुभयो – “विगतमा राजनीतिक चलखेल अलि बढी नै हुने गरेकाले यो पटक प्रहरी प्रमुखको नियुक्ति विवादरहित ढङ्गले गर्छु भन्ने थियो, तर त्यसो हुन सकेन, कानुन र गृह मन्त्रालयका सचिव, महान्याधिवक्ता र निमित्त प्रहरी प्रमुख रहेको समितिको उपस्थितिमा जोडिएको चार वर्षको कार्यसम्पादन मूल्याङ्कनका आधारमा नियुक्ति भएको छ, सुशासन कायम गर्ने सन्दर्भमा यो ठूलो फड्को हो ।”
राजनीतिक सहमतिका आधारमा अख्तियार दुरुपयोग अनुसन्धान आयोगको प्रमुखको नियुक्तिका लागि अन्तिम तयारी भइरहेको बताउँदै प्रधानमन्त्री दाहालले विगतमा प्रमुखको नियुक्ति हुँदा व्यक्तिविशेषको गुण र दोष नहेरी तत्कालीन अवस्थामा संविधानसभाको निर्वाचनको वातावरण बनोस् भन्ने पाटोलाई हेरिएको थियो, अराजक र गैरजिम्मेवार हुने, आफ्नो हैसियत बिर्सेर काम गर्दा गर्नेलाई राज्यले छोड्दोरहेनछ भन्ने सन्देश प्रमुखविरुद्धको महाभियोग र अदालतको आदेशले पुष्ट्याइँ गरेको छ भन्नुभयो ।
राष्ट्रिय गौरवका द्रुतमार्ग, मेलम्ची खानेपानी, सिँचाइ तथा विद्युत् आयोजनालाई गति दिन निकै मेहनत भइरहेको बताउँदै प्रधानमन्त्रीले पुँजीगत खर्च ८० प्रतिशत पु¥याउने गरी काम भइरहेको जानकारी दिनुभयो । सरकारले आपूर्ति व्यवस्थापनलाई चुस्त बनाउन प्रयत्न गरिरहेको पनि उहाँले बताउनुभयो ।
बैठकमा यसअघि सांसदले अख्तियार दुरुपयोग अनुसन्धान आयोग प्रमुखको नियुक्तिमा भइरहेको ढिलाइ, काठमाडौँमा देखिएको धुवाँधुलोको समस्या तथा भ्रष्टाचार, अनियमितता, पुनःनिर्माणमा भइरहेको ढिलाइबारे जिज्ञासा राख्नुभएको थियो । रासस
Comments
अरु समाचार
-
मुटुरोग विशेषज्ञको अन्तर्राष्ट्रिय सम्मेलन चितवनमा
चितवन । मुटुरोग विशेषज्ञको अन्तर्राष्ट्रिय सम्मेलन चितवनमा जारी छ । राष्ट्रिय मुटु तथा फोक्सो समाज (नेशनल हर्ट एण्ड लङ्गस सोसाइटी...
-
अमेरिकी डलर, यूरो र पाउन्डको मूल्य घट्यो
अमेरिकी डलर, यूरो र पाउन्डको मूल्य घट्यो काठमाडौँ । शुक्रबारको तुलनामा शनिबार अमेरिकी डलरका साथै यूरो र पाउन्ड स्ट्रलिङको मूल्यमा...
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...